Números 16:2 - Qullan Arunaka DC

² Uka chachanakasti Moisesatakiw sayt'asipxäna, jupanakarusti pä patak phisqa tunkan israelitanakaw jaqkattapxäna, uka jaqinakasti markanxa taqininsa wali uñt'at jilïr chachanakänwa, amuyt'ayir jaqinak taypinkirinakänwa.

Aymar Bibliia 1986

² Jupanacasti Moisés contraw sartapjjäna, jupanac chicasti sartapjjaraquïnwa pä patac pheska tuncani israelitanacampi cuna, uca jakenacasti marcanjja jilïrinacäpjjänwa, uqhamarac amuyt'ayiri jakenacäpjjänwa, takeninsa wali uñt'ata.

Qullan Arunaca

² Jupanacasti Moisés contraw sartapjjäna, jupanac chicasti sartapjjaraquïnwa pä patac pheska tuncani israelitanacampi cuna, uca jakenacasti marcanjja jilïrinacäpjjänwa, uqhamarac amuyt'ayiri jakenacäpjjänwa, takeninsa wali uñt'ata.

Números 16:2 Jak'a apnaqawi uñst'ayäwi

Génesis 6:4

Kunapachatix Tatit Diosan wawanakapax jaqinakan phuchhanakapampi wawanïñatak mayachasipxän ukkhaxa, wali jach'a tansa jaqinakaw aka uraqin uñstäna. Jupanakasti nuwasiñatakix wali ch'amani jaqinakänwa, wali aytata jaqinakat nayratpach uñt'atänwa.

1 Crónicas 12:30

30 (31) Efraín ayllutsti, pä tunka waranqa kimsaqallqu patakan wila masipat jan axsarir wali aytat nuwasirinaka.

1 Crónicas 5:24

Wila masinakapan jilïrinakapax akanakänwa: Éfer, Isí, Eliel, Azriel, Jeremías, Hodavías, Jahdiel. Taqi jupanakax jan axsarir soldadonakänwa, wali uñt'at jaqinaka, wila masinakan jilïrinakaparakïnwa.

Ezequiel 16:14

Ukham munkañätam laykusti, yaqha markanak taypin wali aytatapuniw tukuwaytaxa, nayaw jumar ukataqi sumaptañamatak k'achachsma, ukanakampisti sinti munkañapuniw tukuwayaraktaxa. Naya, Tatituw uk arsta.

Ezequiel 23:10

jupanakasti juparux warmisiwayapxänwa; ukatsti jank'akiw yuqall wawanakapsa, imill wawanakapsa aparxapxäna, juparusti espadampiw jiwayapxarakïna, ukhamat jupataki arsuta juchañchäwiru phuqhasa. Uka mutuyäwi katuqatapax taqi warminak taypin wali aytkayaw tukuwayaraki.

Números 1:16

Jupanakaw israelita marka taypita, ayllunakan jilïrinakapat ajllitäpxäna, sapaqat wila masi tamat sayt'añataki.

Números 12:1

Mariampi, Aaronampix Moisés jilapat jan wal parlapxäna, jupan mä etiope warmimpi jaqichasitap layku.

Números 16:35

Ukxarusti, Tatitux mä nina apayanïna, uka ninasti incienso luqtapkatayna uka pä patak phisqa tunkan levita jaqinakaruw nakhantas jiwarayäna.

Números 26:9

Eliab chachasti kimsa wawanïnwa: Nemuel, Datán, Abiram sutininaka. Datán, Abiram jupanakax, Coré chachan tamapar jaqkattirinakänwa, jupanakasti Tatitumpitaki, Moisesampitaki, Aaronampitakiw sayt'asipxäna.

Números 27:3

—Nanakan awkixax wasaran jiwxi, jupasti janiw Tatitutak sayt'asir Coré chachan tamapankirïkänti. Jupax pachpa juchap laykuw jiwaski, janirakiw yuqall wawanak jaytawaykiti.