Números 16:14 - Qullan Arunaka DC

¹⁴ Janiw jumax lechempi, misk'impi jalaski uka uraqir irpapkistati, janirakiw jumax mä uraqsa churapkistati, uva yapunaksa churapkistati. ¿Juykhur uñtatti, taqinin irpayasiñap muntasti? Janiw jumar uñjañsa, jumamp parlañsa munapkti —sasa.

Aymar Bibliia 1986

¹⁴ Jumasti janiw yakha orakerojj irpapquistati, cawqhantejj leches, misq'is umjam jalasqui ucarojja, janiraquiwa ni yapunacsa, ni uva yapunacsa churapquistati. ¿Muntati takenin irpayasiñapa mä juyqhuru uñtata? Janiw sarapquiristti jumar uñjirejja —sasaw uca jakenacajj sapjjäna.

Qullan Arunaca

¹⁴ Jumasti janiw yakha orakerojj irpapquistati, cawqhantejj leches, misq'is umjam jalasqui ucarojja, janiraquiwa ni yapunacsa, ni uva yapunacsa churapquistati. ¿Muntati takenin irpayasiñapa mä juyqhuru uñtata? Janiw sarapquiristti jumar uñjirejja —sasaw uca jakenacajj sapjjäna.

Números 16:14 Jak'a apnaqawi uñst'ayäwi

Éxodo 22:5

5 (4) “Khititix uywanakap ananukusin pampana, jan ukax mä uva yapun manq'ayaspa, ukatsti uywanakapax yaqha jaqin yapupar mantasin manq'suraqaspa ukaxa, uywanix manq'suyatapat yapupankirit suma juyranak churañapa.

Éxodo 23:10

“Suxta maraw yapunakam yapuchäta, juyranakamsa apthapirakïta.

Éxodo 23:11

Ukampis paqallqüri maranxa janiw yapuchkätati, uraq samarayätawa, ukhamat markamankir jan utjirin jaqinakasa, pampa animalanakas yapun jilt'ki ukanak manq'asiñapataki. Uka pachparak luräta uva yapunakamampi, olivo quqanakampi.

Éxodo 3:17

Ukat nayax Egipto markan t'aqhisiñat jumanakar qhispiyañ amtta, ukatsti cananeonakana, hititanakana, amorreonakana, ferezeonakana, heveonakana, jebuseonakan uraqipar irpxaña, lechesa, misk'isa umjam jalaski uka uraqiru’ ” sasa.

Éxodo 3:8

Ukat nayax jutta egipcionakan amparapat markaxar qhispiyiri; jupanakar uka markat apsunxäwa, ukatsti mä jach'a suma uraqiruw irpxä, kawkhantix lechesa, misk'isa umjam jalaski ukaru. Uka uraqisti cananeonaka, hititanaka, amorreonaka, ferezeonaka, heveonaka, jebuseonakax jakapki uka uraqiwa.

Levítico 20:24

Nayasti sapxsmawa, kawkïr uraqtix nayax churapkäma uka jaqinakan uraqinakapax jumanakankxaniwa. Uka uraqisti wali suma uraqipuniwa, manq'añanakamas jan tukuskayapunïniwa. “Nayätwa jumanakan Tatit Diosamaxa, jumanakarusti nayaw yaqha markanakat sipan mä suma marka yaqhachapxsma.

Números 13:27

Moisesarusti sapxänwa: —Khithapkista uka uraqiruw nanakax sarapxta. Chiqpachapuniw uka uraqin lechesa, misk'isa umjam jalsuski, uñjam, aka achunakaw uka uraqin achuraki.

Números 14:8

Tatitutix khuyapayasistanixa, uka uraqir mantañ yanapt'istaniwa, jiwasanakaruw churarakistani. Uka uraqin leches, misk'is umjamaw jalsuski.

Números 20:5

¿Kunatakis Egiptot irpsunipxista aka axsarkañ wasarar puriyaniñkamasti? Akan janiw kunas yapuchañjamäkiti; janiw higo quqanakasa, uva yapunakasa, granado quqanakas utjkiti; ¡umas janirakiw umt'añatak utjkiti! —sasa.

Jueces 16:21

Filisteonakasti jupar katuntasin nayranakap apsupxäna, ukatxa Gaza markaruw apapxäna, ukawjansti broncet lurat cadenanakampiw ñach'antapxäna, ukatsti carcelan utjki uka molinompiw irnaqayapxäna.

1 Samuel 11:2

Nahas amonita jaqisti jupanakarux sarakïnwa: —Nayax mä amtäwi jumanakampix lurä, jumanakatix iyawsapxitäta sapa maynin kupi nayrama apsuñaxataki, ukhamat israelitanakar jisk'achjañataki —sasa.