Números 11:4 - Qullan Arunaka DC

⁴ Israelitanak taypin yaqha markankir jaqinakaw utjatayna, jupanakasti manq'añatak llakisisipkäna. Israelitanakasti jupanak uñjasax jachapxarakïnwa, akham sasa: “¡Aychakis manq'añatak utjaspa!

Aymar Bibliia 1986

⁴ Israelitanacampi chicajj cunayman casta jakenacaw saratayna, ucanacasti mank'añacwa munasipcäna; ucatsti israelitanacajj jupanacamp chicaw jachapjjaraquïna aqham sasa: “Aychaquis utjaspa mank'añataqui.

Qullan Arunaca

⁴ Israelitanacampi chicajj cunayman casta jakenacaw saratayna, ucanacasti mank'añacwa munasipcäna; ucatsti israelitanacajj jupanacamp chicaw jachapjjaraquïna aqham sasa: “Aychaquis utjaspa mank'añataqui.

Números 11:4 Jak'a apnaqawi uñst'ayäwi

Nehemías 13:3

Ukhamasti, kamachinak ist'asinsti, Israel markat yaqhachapxänwa, taqi khitinakatix jaya markat jutir jaqinakamp mayachaskatayna ukanakaruxa.

Salmos 106:14

Khä ch'usa wasaran Diosarux yant'apxäna, munatanakaparjamaw manq'a mayipxäna.

Éxodo 12:38

Mistusasti walja ovejanakampi, vacanakamp anakisxapxäna, jupanakamp chikasti yaqha markankir jaqinakax misturakïnwa.

Éxodo 16:12

—Nayax israelitanakan arusitanakap ist'twa. Jupanakamp parlam, akham sarakim: “Jayp'thapirux aycha manq'apxäta, willjtarusti sist'asiñkamaw t'ant'a manq'apxarakïta. Ukhamat jumanakax yatipxäta nayan jumanakan Tatit Diosamätaxa” —sasa.

Éxodo 16:3

Sapxarakïnwa: —¡Tatitux Egipton jiwarayistasapän ukax walïsapänwa! Khayansti aychan phukhunak jak'aruw qunt'asïyätan, t'ant'sa sist'asiñkamaw manq'asïyätan, ukampisa, jumanakax taqinir manq'at jiwarayiriw aka wasarar irpanipxistaxa —sasa.

Jeremías 42:14

sapxarakïta: ‘Egiptor jakirik sarxañäni, ukansti janiw nuwasiñ uñjkañäniti, janiw trompetan phust'asitapsa ist'kañäniti, janiw manq'atsa jiwarkarakiñäniti’ sasa.

Números 11:18

Ukatsti jaqinakarux arumanthitak q'umachasir khitham, ukat aycha manq'apxani. Nayax jupanakan jachatanakapampi, parlatanakapamp ist'xtwa: “¡Aychakis manq'añatak utjistaspa! ¡Egipton walikipuniw sarnaqaskäyätan!” sasa. Walikiwa, nayaw manq'apxañapatak aycha churä,

Números 14:1

Ukatsti israelitanakax warariñ qalltapxäna, uka arumasti jacht'asisaw qhantatipxarakïna.

Números 14:22

khitinakatix jach'a kankañax uñjkasinsa, Egiptompina, wasarampin muspharkañanak luratax uñjkasinsa, nayar wasaran mayampi mayamp yant'apxitu, arunakaxar jan jaysañ munirinakax,

Números 16:13

¿Amuyatamatsti juk'akiti kawkha uraqintix lechesa, misk'is umjam jalaski uka uraqit nanakar irpsunitamasti, ukat wasaran nanakar jiwarayiri, ukhamarus munañamar nanakar apnaqañ munatamasti?

Romanos 13:14

Ukatsipana, jumanakax Jesucristo Tatitump isthapisipxam, janirak janchin munañanakapar jaysapxamti.

1 Corintios 10:6

Taqi akasti jiwasan amuyt'asiñasatakiw lurasïna, ukhamat jan jiwasanakax jupanakjam jan walinak munapayaskañasataki.

1 Corintios 15:33

Jan sallqjayasipxamti. Kunjämtix säwix siski: “Jan wali jaqinakampi sarnaqañax, aski saräwinak chaqtayi” sasa.

Deuteronomio 9:22

“Ukatsti jumanakax Taberá, Masá, Quibrot-hataavá uka chiqanakan Tatiturux q'apisiyapxaraktaxa.