Números 11:2 - Qullan Arunaka DC

² Jaqinakax jach'at wararisaw Moisesar yanap mayipxäna, Moisesasti Tatituruw jupanakatak mayïna, ukat ninax jiwarxäna.

Aymar Bibliia 1986

² Marcajj arnakasïnwa Moisesar yanap mayisa. Moisesasti Tatituruw jupanacatac mayïna, ucat ninajj jiwarjjänwa.

Qullan Arunaca

² Marcajj arnakasïnwa Moisesar yanap mayisa. Moisesasti Tatituruw jupanacatac mayïna, ucat ninajj jiwarjjänwa.

Números 11:2 Jak'a apnaqawi uñst'ayäwi

Salmos 106:23

Diosax jupanakar tukjañ munäna; jupan ajllit Moisesasti, nayraqatapan achikt'äna, ukat q'apisiñap t'akurayäna.

Éxodo 10:18

Moisesasti, faraonan ukat mistuwayasin Tatitur mayïna.

Éxodo 34:9

—¡Tatay! ¡Tatay! Chiqpachapun khuyapayasiñam jikxatsta ukax, nanakamp chikay saram. Chiqpachansa aka jaqinakax jan ist'asirïpxiwa, ukampis nanakan juchanakaxata, jan wali luratanakaxatsa pampachapxitaya, jumatakjam tukt'ayasay katuqt'asxapxita —sasa.

Isaías 37:4

Añchakit Tatitu Diosax ist'ki kuna jan wali arunaktix uka asirio oficialax siski Dios tuqitxa, ukham jan wali arunak parlatapat Tatitun jupar mutuyañapax walïspawa. Jichhax khitinakatix qhiparasipki ukanakatakix Tatitu Diosatay jupanakar yanapt'añapatak mayim” sasa.

Jeremías 15:1

Tatitux sarakituwa: “Moisesampi, Samuelumpis nayan nayraqataxar uñstanisipkpan, ukkhas janipuniw nayax aka jaqinakat khuyapayaskiristti. Nayan nayraqataxat mistupxpan, jayar sarapxpan.

Jeremías 37:3

Sedequías reyisti, Selemiasan Jucal sat yuqapampiru, Maasías jaqin Sofonías sacerdote yuqapampiruw Jeremiasan ukar khithäna, akham siri: “Taqi nanakatak Tatitut mayirapipxita” sasa.

Jeremías 42:2

Jeremías profetaru jak'achasisin sapxarakïna: —May jumar mayiñ munapxsma, janikiy janiw sapxistati. Tatitu Diosamaruy nanak juk'a jaqinaka qhiparapkta ukanakatak mayirapipxita, nayrax waljanïpxäyätwa, uñjasktawa, jichhasti juk'anikïxapxtwa.

Números 12:11

Moisesarux sänwa: —Tata, janikiy jan amuyunjam jucha luratanakaxat mutuyapxistati.

Números 12:13

Moisesasti Tatituruw achikt'asïna, akham sasa: “Dios Tatay, Mariar k'umarachakimaya” sasa.

Números 21:7

Ukat jaqinakax Moisesan ukar sarasin jupar sapxäna: —¡Tatitumpitaki jumampitak arusisax jucha lurapxta! ¡Jumay Tatitur mayim aka katarinak apanukuñapataki! —sasa. Moisesasti israelitanakar juchapat pampachañapatakiw Tatitur mayïna,

Hechos 8:24

Simonasti ukxarux sänwa: —Jumanakax Tatituruy mayirapipxita, kuntix sapkista ukanakan nayxar jan jutañapataki —sasa.

Hebreos 7:26

Ukhamasti Jesusax suykäyätan uka Jilïr sacerdotewa. Jupax qullanawa, jan kuna juchani, jan akch'a q'añuni, juchaninakat jithiqtata, alaxpachatsa juk'ampi alayar aptataraki.

Santiago 5:16

Ukalayku, jumanakax maynit maynir juchanakam arsusipxam, ukatsti k'umaraptañatakix sapa maynitak Tatitur mayipxarakim. Mä aski jaqin taqi chuymampi Tatitur mayitapax wali ch'amaniwa.

1 Juan 5:16

Maynitix jilapar jiwañar jan puriyir jucha lurir uñjkchi ukaxa, Diosar mayiñapawa, Diosasti uka jilarux jakañ churani, janitix uka juchax jiwañar apkchi ukapacha. Jiwañar puriyir juchaw utji, janiw uka juchatak mayipxañamäkiti.