Números 10:17 - Qullan Arunaka DC

¹⁷ Ukapachasti, Tatitump Jikisiñ Carpa jararapxäna, ukatsti Guersón chachat saraqirinakampi, Merarí chachat saraqirinakampiw, uk apapxäna.

Aymar Bibliia 1986

¹⁷ Ucapachasti, Arust'äwi Carpa jararasinjja Gersonan, uqhamarac Merarin wawanacapaw apjjarusin thaquinjam apapjjäna.

Qullan Arunaca

¹⁷ Ucapachasti, Arust'äwi Carpa jararasinjja Gersonan, uqhamarac Merarin wawanacapaw apjjarusin thaquinjam apapjjäna.

Números 10:17 Jak'a apnaqawi uñst'ayäwi

1 Crónicas 23:24

Jupanakaw Leví chachat saraqir wawanakapaxa, wila masinakaparjama, wila masinakan jilïrinakapan sutitkam qillqantas jakthapitäkän ukhamarjama, pä tunka maranit amstaru, jupanakaw Tatitun utap lurañanakatakix utt'ayatäpxäna.

Números 1:51

Markax sarantkani ukapachasti, Leví ayllunkirinakaw arust'äwi qullan carpa apthapipxani; utjnuqtapkani ukkhasti, jupanakarakiw wasitat sayt'ayapxani. Khiti jaqitix jan Leví ayllunkirïkasin uka qullan chiqawjar jak'achasini ukaxa, jiwaniwa.

Números 10:16

Zabulón ayllun ejercitop nayraqatarux Eliab sat Helón chachan yuqapaw sarantäna.

Números 10:21

Ukxarusti Quehat chachan saraqirinakapaw Tatitump Jikisiñ Carpan yänak apt'asit sarantapxäna. Utjnuqäwir puripxän ukkhasti, Tatitump Jikisiñ Carpax niyaw sayt'ayatäxäna.

Hebreos 12:28

Diosax kawkïr marktix churkistu ukax janiw unxtayatäkaspati. Taqi ukat yuspagarañäni, Diosarux taqi amuyusampi yupaychañäni, ukhamarak taqi axsart'añampi, ukaw juparux kusisiyi.

Hebreos 9:11

Ukampis Cristox niy jutxiwa, jichhasti jupaw aski luräwinakat Jilïr sacerdoter tukxi. Jupasti kawkha qullan utantix sacerdotëki uka utax juk'amp sumawa, phuqhatarakiwa, janiw akapachankir jaqinakan luratäkiti.

2 Pedro 1:14

Jesucristo Tatitusasti, jiwañaxan jak'ankxatap niy yatiyxarakituwa;