Mateo 9:2 - Qullan Arunaka DC

² Ukansti, mä suchu jaqiruw ikiñar kallanipxäna; Jesusasti jupanakan iyawsañap unjasinxa, suchu jaqirux sänwa: —Waway, ch'amañcht'asim, juchanakamax pampachatäxiwa —sasa.

Aymar Bibliia 1986

² Marcapancjjän ucqhasti, mä suchu jakeruw iquiñaru callanipjjäna. Jesusasti jupanacan iyawsañap unjasinjja, usutarojj sänwa: —Ch'amañcht'asim, wawa, take juchanacamatsti perdonatäjjtawa —sasa.

Qullan Arunaca

² Marcapancjjän ucqhasti, mä suchu jakeruw iquiñaru callanipjjäna. Jesusasti jupanacan iyawsañap unjasinjja, usutarojj sänwa: —Ch'amañcht'asim, wawa, take juchanacamatsti perdonatäjjtawa —sasa.

Mateo 9:2 Jak'a apnaqawi uñst'ayäwi

Eclesiastés 9:7

T'ant'amsti kusisiñamp manq'asim, vinomsa kusisiñampirak umt'asim, juman luratanakamax Tatiturux kusisiyiwa.

Isaías 44:22

Nayaw juchanakamsa, pantasitanakamsa chhaqtayta, kunjämatix qinayanakax chhaqtkix ukhama. Nayan ukar kuttanxam, nayaw jumarux qhispiysma.”

Mateo 14:27

Ukampis Jesusax jupanakarux sänwa: —Jan axsarapxamti, nayäsktwa —sasa.

Mateo 4:24

Jesusan luratapasti Siria uraqpachan yatisïna, jupan ukarusti kunayman usutanakaru, ñanqha ajayun mantatanakaru, t'uku usuninakaru, suchunakaruw irpanipxäna. Jesusasti jupanakarux k'umaraptayänwa.

Mateo 6:12

Juchanakaxat pampachapxita, kamisatix nanakax jan wal lurapkitu ukanakarux pampachapkta ukhama.

Mateo 8:10

Jesusasti uk ist'asin wali musphataw uñjasïna, jupar arkirinakarusti sarakïnwa: —Qhanak sapxsma, israelitanak taypin janiw maynirus aka chachjam iyawsañan jikxatkti.

Mateo 8:16

Jayp'u tuqirusti ñanqha ajayun mantat jaqinak irpanipxäna; Jesusasti mä sapa arsutapampikiw uka ñanqha ajayunakarux alissüna, ukhamarak yaqha usutanakarus k'umaraptayäna.

Mateo 9:22

Ukspachaw Jesusax kutikipstäna, ukatsti warmir uñjasin sänwa: —Jan llakisxamti, Diosar iyawsatamat k'umaräxtaxa —sasa. Jupasti ukspachaw k'umaräxäna.

Mateo 9:5

¿Kun sañas jasakïspaxa: ‘Juchanakamax pampachatawa’ sañati, jan ukax: ‘Sartam ukatsti sarnaqam’ sañacha?

Mateo 9:6

Jichhasti Jaqin Yuqapan akapachan juchanak pampachañatak munañanïtap uñacht'ayapxäma —sasa. Ukat suchu jaqirux säna: —Sartasim, ikiñam apthapisxam, ukat utamar sarxam —sasa.

Marcos 1:32

Inti jalanta sujsthapirusti, Jesusan ukaruw taqi usutanakampiru, ñanqha ajayun mantat jaqinakampir irpanipxäna,

Marcos 10:49

Jesusasti uk ist'asin pachparuw sayt'äna, ukat sarakïna: —Irptanipxam —sasa. Irptir saririnakasti juykhurux sapxänwa: —Jan axsaramti, sayt'asim, jawsasktamwa —sasa.

Marcos 5:34

Jesusasti sänwa: —Wawa, iyawsatam laykuw k'umaräxtaxa. Jichhasti sumak sarxam. Usumatsti k'umaräxtawa —sasa.

Marcos 6:50

taqpachaniw uñjapxäna, mulljasipxarakïna. Ukampis Jesusax jupanakaruw parlxayäna: —¡Jan mayjt'asipxamti, janirak axsarapxamsa, nayäsktwa! —sasa.

Juan 16:33

Taqi akanaksti sapxsmawa, jumanakan nayar iyawsatanakamat samarañ jikxatapxañamataki. Akapachansti jumanakax t'aqhisipxätawa; ukampis ch'am katxatapxam, nayax akapacharux atipjawaytwa —sasa.

Juan 2:25

Janiw jupax uka jaqinakat khitin arsuñapas wakiskänti, jan ukasti jupa pachpaw jaqin chuymap uñt'äna.

Juan 21:5

Jesusasti jupanakaruw jiskt'äna: —Jilatanaka, ¿chawllax utjapxtamti? —sasa. Jupanakasti sapxarakïnwa: —Janiwa —sasa.

Hechos 14:9

Pablon arunakap isch'ukiskäna. Pablosti jupar uñkatasinxa, k'umaraptañatak iyawsañanïtap amuyäna.

Hechos 19:12

jaqinakax kuna isinaktix jupax llamkt'katayna ukanakampiw usutanakar apxatapxäna, usutanakasti waliptapxänwa, ñanqha ajayunakas jupanakat mistxarakïnwa.

Hechos 23:11

Uka qhipa arumasti Tatituw Pablorux uñstäna, ukat jupar sarakïna: “Ch'amañcht'asim, Pablo, kunjämtix aka Jerusalén markan nayat arstaxa, ukhamarakiw Roma markan arsuñamax wakisini” sasa.

Romanos 5:11

Janiw ukakïkiti, jan ukasti Diosankxasinxa, Jesucristo Tatitus tuqiw kusisiraktan, Cristo tuqi Diosampi sumankthapitas layku.

Santiago 2:18

Maynix saspawa: “Jumax iyawsañanïtawa, nayasti luräwinakanïtwa. Jan luräwinakan iyawsañam uñacht'ayita; nayasti iyawsañaxa, luräwinakaxampi uñacht'ayäma” sasa.