Mateo 8:2 - Qullan Arunaka DC

² Ukapachaw mä lepra usun jaqix Jesusar jak'achasïna, jupan nayraqatapar killt'asisinsti, sarakïnwa: —Tatay, munsta ukax q'umachitaya —sasa.

Aymar Bibliia 1986

² Lepra usun mä jakeraquiw Jesusarojj jac'achasïna. Jupan nayrakatapar quillt'asisinsti, saraquïnwa: —Tatay, munsta ucajja k'omacht'ita —sasa.

Qullan Arunaca

² Lepra usun mä jakeraquiw Jesusarojj jac'achasïna. Jupan nayrakatapar quillt'asisinsti, saraquïnwa: —Tatay, munsta ucajja k'omacht'ita —sasa.

Mateo 8:2 Jak'a apnaqawi uñst'ayäwi

2 Samuel 3:39

Ukat nayax Tatitun ajllita reyïkasinsa, Seruiá jaqin yuqanakapan jan wali luratanakap uñjasax t'ukhaw uñjasta. ¡Tatitux ukham ñanqha luririrux luratapatjam mutuypan! —sasa.

2 Reyes 15:5

Tatitux lepra usumpiw Azarías reyirux jiwañap urukam mutuyäna, ukhamaw reyix utapan yaqhachat jakäna, lurañanakap jaytasa, ukatsti Jotam sat yuqapaw lurañanak sarayäna, markarus apnaqarakïna.

2 Reyes 5:1

Mä chachaw utjäna Naamán sutini, jupasti Siria marka apnaqir reyin ejercitopan jilïripänwa, ukhamarus wali aytat jaqirakïnwa, reyisti juparux wal munasïna, jupa tuqiw Tatitux Siria markar atipjayatayna. Ukampis uka chachax lepra usunïnwa.

2 Reyes 5:27

Ukhamasti, Naamán chachan churäwip katuqasitamatxa, lepra usupax jumaruw wiñayatak makhatätam, ukhamarak jumat saraqiri wawanakamarusa —sasa. Guehazí uywatasti Eliseon jak'apat mistuwayxäna, lepra ususti janchipan khunur uñtat janq'ünwa.

Números 12:10

Qinayax qullan utjäwit jithiqtawayxän ukapachasti, Mariax lepra usuniw uñstäna, janchipax khunjam janq'uw tuküna. Aaronax Mariar uñtañatakiw kutikipstäna, lepra usun jupar uñkatasinsti,

Mateo 10:8

Usutanakar k'umaraptayapxam, jiwatanakar jaktayapxam, lepra usuninakar q'umachapxam, ñanqha ajayunakarus alissupxarakim. Ukanak lurañatakisti, inakiw ch'am katuqapxtaxa, inakirak churanipxam.

Mateo 13:58

Jaqinakan jupar jan iyawsapxatap laykusti, janiw kuna muspharkañanaksa uka chiqan lurkänti.

Mateo 14:33

Ukapachaw botenkirinakax killt'asisin Jesusarux sapxäna: —¡Jumax chiqpachapuniw Diosan Yuqapätaxa! —sasa.

Mateo 15:25

Uka warmisti killt'asisin Jesusarux achikt'asiskakïnwa: —¡Tatay, yanapt'akitaya! —sasa.

Mateo 18:26

Irnaqiristi reyin nayraqatapar killt'asisin jupar achikt'asïna: ‘Tatay, mä juk'a suyt'akitaya, taqpach manu phuqhaskämawa’ sasa.

Mateo 2:11

Utar mantasinsti wawarux, María taykapampïskir jikxatapxäna; ukatsti killt'asisin wawarux yupaychapxäna. Imasiñanakap jist'arasinsti, quri, incienso, mirra uka churäwinak juparux katuyapxäna.

Mateo 20:20

Ukapachasti Zebedeon yuqanakapan taykapaw pani yuqapampi Jesusan ukar jak'achasïna, ukatsti achikt'asiñatakiw killt'asïna.

Mateo 26:6

Jesusax Betania markan jikxatasïna, leproso sat Simonan utapana;

Mateo 28:17

Jesusar uñjasinsti, yupaychapxänwa, yaqhipanakax pächasipxarakïnwa.

Mateo 28:9

Ukhamaruw Jesusax jupanakar uñstäna, ukatsti aruntarakïnwa. Jupanakasti Jesusan kayunakapar qhumantasaw yupaychapxäna,

Mateo 4:9

akham sasa: —Jumatix killt'asisin nayar yupaychitäta ukax taqi aka markanak churäma —sasa.

Mateo 8:1

Jesusax uka qullut saraqanxän ukkhasti, walja jaqiw juparux arkäna.

Mateo 8:25

Yatiqirinakapasti juparuw sartayapxäna, sapxarakïnwa: —¡Tatay, qhispiyapxita, botex umaruw utjanti! —sasa.

Mateo 9:18

Jesusan ukham parlkipan, judionakan mayni jilïripax purinïna, Jesusan nayraqatapar killt'asisin juparux säna: —Phuchhaxaw añchhichak jiwi; jumatix jutasma, amparamampi jupxar luqxatt'arakisma ukkhax, wawaxax jaktxaspawa —sasa.

Lucas 4:27

Ukhamarakiw Eliseo profetan urunakapanxa, waljaniw lepra usun jaqinakax Israel markan utjäna, ukampis jupanakat janiw maynis k'umarachatäkänti, jan ukasti, Siria uraqinkir Naamán chachakiw k'umarachat uñjasïna.

Juan 9:38

Uk ist'asinsti, uka jaqix Jesusan nayraqataparuw killt'asïna, ukat sarakïna: —Tatay, jumaruw iyawssma —sasa.

Hechos 10:14

Pedrosti ukxaruw säna: “Janiw, Tata. Nayax janipuniw kunapachas jan manq'añ q'añu animalanak manq'irïkti” sasa.

Hechos 10:25

Pedrox utar purkän ukapachasti, Corneliow jupar katuqir mistuwayäna, ukatsti axsartañ chuymampiw Pedro nayräxan killt'asïna.

1 Corintios 14:25

Ukhamat chuyma manqhapan utjki ukax qhanar mistuni, ukatsti killt'asisaw Diosar yupaychani, ukat chiqpachapun Diosan jumanak taypinkatap yatini.

Apocalipsis 19:10

Nayasti yupaychañatak angelan nayraqataparuw killt'asta, ukampis jupax situwa: “Jan uk luramti, nayax jumjam luqtirikïtwa, ukhamarak khitinakatix Jesucriston qhanañchatapar taqi chuymampi arkapki ukanakjam luqtirikirakïtwa. Diosaruy yupaycham” sasa. Jesucriston uka qhanañchatapasti Diosat parlirinakaruw amuyt'ayi.