Mateo 4:4 - Qullan Arunaka DC

⁴ Jesusasti juparux sänwa: —Diosan qillqatapax siwa: ‘Janiw jaqix t'ant'a sapampikit jakkani, jan ukasti taqi kuntix Diosax siski uka arunakampiw jakarakini’ —sasa.

Aymar Bibliia 1986

⁴ Jesusasti juparojj saraquïnwa: —Diosan arupanjja kellkatawa: “Janiw jakejj t'ant'a sapampiquiti jaccani, jan ucasti take cuntejj Diosajj sisqui uca arunacampiw jacaraquini” —sasa.

Qullan Arunaca

⁴ Jesusasti juparojj saraquïnwa: —Diosan arupanjja kellkatawa: ‘Janiw jakejj t'ant'a sapampiquiti jaccani, jan ucasti take cuntejj Diosajj sisqui uca arunacampiw jacaraquini’ —sasa.

Mateo 4:4 Jak'a apnaqawi uñst'ayäwi

Éxodo 16:15

Israelitanakasti janiw kunätapsa yatipkänti, ukat uk uñjasax maynit maynikam jiskt'asipxäna “¿Kunarak akasti?” sasa, Moisesasti jupanakar sänwa: —Akax t'ant'awa, Tatituw manq'añatak uk churapxtam.

Éxodo 16:35

Israelitanakax pusi tunka maraw maná t'ant'a manq'apxäna, jaqinakan utjantat uraqir puriñkama, Canaán uraqin qurpanakapar puriñkama.

Éxodo 16:8

Moisesasti saskakïnwa: —Jayp'thapiruw Tatitux manq'añatak aycha churapxätam, willjtarusti walja t'ant'a churapxarakïtam, sist'asiñkamaw manq'apxäta. Jupax jumanakan arusitanakam ist'iwa, ¿kunatarak nanakatak arusipxtasti? Janiw jumanakax nanakatak arusipktati jan ukasti Tatitutakiw tuqisipxtaxa —sasa.

Éxodo 23:15

Jan levaduran t'ant'a manq'añ uru uruyäta, arsutaxarjamasti paqallq uruw jan levaduran t'ant'a manq'äta. Abib sat phaxsin luräta, uka phaxsin Egiptot mistunitam layku. Ukampis uka uruyäwirux janiw khitis ukhamak jan kun apanis nayar uñstir jutañapäkiti.

Mateo 15:11

Kunatix jaqin purakapar mantki ukax janiw jaqirux q'añuchkiti. Jan ukasti, kuna arunakatix jaqin lakapat mistki ukaw jaqirux q'añuchi —sasa.

Mateo 4:10

Jesusasti juparux sänwa: —Saraqit nayat supaya, Diosan qillqatapasti siwa: ‘Tatitu Diosamarukiw yupaychäta, jupa saparukiw arkäta’ —sasa.

Mateo 4:7

Jesusasti ukxarux sänwa: —Diosan arupan qillqatarakiwa: ‘Janiw Tatitu Diosamarux yant'ätati’ —sasa.

Marcos 7:20

Ukatsti saskakïnwa: —Kunatix jaqin chuymapat mistki ukaw jaqirux q'añuchi.

Lucas 4:12

Jesusasti supayarux sarakïnwa: —Qillqatan sarakiwa: “Janiw Tatit Diosamar yant'ätati” —sasa.

Lucas 4:4

Jesusasti juparux sänwa: —Qillqatan siwa: ‘Janiw jaqix t'ant'a sapampikit jakkani, jan ukasti taqi kuntix Diosax siski uka arunakampiw jakarakini’ —sasa.

Lucas 4:8

Jesusasti supayarux siwa: —Saraqit nayat, supaya; Qillqatan siwa: “Tatit Diosamaruw yupaychäta, jupa saparukiw arkäta” —sasa.

Juan 15:26

“Nayaw Awkixat jutki uka Ajay khithanipxäma, ukatsti kunatix chiqäki uk yatichapxätam. Uka Ajayuw jumanakar yanapapxätam, jupaw nayat arsurakini.

Juan 6:63

Ajayuw jakañ churirixa; janchix janiw kunatakis askïkiti. Kunanaktix nayax jumanakar sapksma ukax ajayun jakañ churir arunakawa.

Romanos 15:4

Taqi kunatix nayratpach Qillqatäkän ukanakax jiwasanakaruw yatichistu, uka Qillqatanakan jikxatapxtan; llamp'u kankaña, chuymachasiña, suyt'äwin ch'amañchasiña.

Efesios 6:17

Qhispiyasiñasti mä cascor uñtat p'iqir asxatasiñatakïpan, Diosan arupasti Qullan Ajayun churat mä espadar uñtatäpan.

Deuteronomio 8:3

Diosax t'aqhisiyapkchïyätam, manq'atsa awtjayapkchïyätam ukasa, jupax maná sat manq'añ manq'ayapxtam, uka manq'añsti janiw jumanakasa, nayra awkinakamas uñt'apkataynati, ukhamat jumanakan yatipxañamataki: jaqix janiw t'ant'a sapampiki jakkiti, jan ukasti Tatitun lakapat mistki uka arunakampiw jakaraki.