Mateo 4:3 - Qullan Arunaka DC

³ Supayasti Jesusar yant'añatakiw jak'achasïna, akham sasa: —Jumatix Diosan Yuqapästa ukaxa, aka qalanakar t'ant'ar tukuyam —sasa.

Aymar Bibliia 1986

³ Supayasti ucapachajj jac'achasiraquïnwa Jesusar yant'añataqui, aqham sasa: —Jumatejj Diosan yokapästa ucajja, aca kalanacarojj t'ant'ar tucuyam —sasa.

Qullan Arunaca

³ Supayasti ucapachajj jac'achasiraquïnwa Jesusar yant'añataqui, aqham sasa: —Jumatejj Diosan yokapästa ucajja, aca kalanacarojj t'ant'ar tucuyam —sasa.

Mateo 4:3 Jak'a apnaqawi uñst'ayäwi

Éxodo 16:3

Sapxarakïnwa: —¡Tatitux Egipton jiwarayistasapän ukax walïsapänwa! Khayansti aychan phukhunak jak'aruw qunt'asïyätan, t'ant'sa sist'asiñkamaw manq'asïyätan, ukampisa, jumanakax taqinir manq'at jiwarayiriw aka wasarar irpanipxistaxa —sasa.

Mateo 14:33

Ukapachaw botenkirinakax killt'asisin Jesusarux sapxäna: —¡Jumax chiqpachapuniw Diosan Yuqapätaxa! —sasa.

Mateo 16:16

Simón Pedrosti sänwa: —Jumax Cristo Tatitütawa, jakkir Diosan Yuqapätawa —sasa:

Mateo 26:63

Jesusasti janiw kuns arskänti. Ukat sacerdotenakan jilïripax jupar säna: —Jakkir Diosan sutipxaruw chiq arsuñamatak maysma. Sapxita: ¿Jumax Diosan Yuqapa Cristötati? —sasa.

Mateo 3:17

Alaxpachatsti mä aruw ist'asïna akham siri: “Akapï munat Wawaxaxa, khitirutix nayax ajlliskta ukaxa” sasa.

Marcos 1:1

Diosan Jesucristo Yuqapxata suma yatiyäwi arunakax akhamat qallti.

Marcos 3:11

Ñanqha ajayunakasti Jesusar uñjasinxa, nayraqatapar killt'asisin jach'at wararipxäna: —¡Jumax Diosan Yuqapätawa! —sasa.

Marcos 5:7

ukatsti, jach'at juparux art'äna: —¡Jesús, Alaxpachankir Diosan Yuqapa! ¿Kuna lurañamas nayamp utji? ¡Diosan sutiparuw achikt'assma, janikiy t'aqhisiyistati! —sasa.

Lucas 1:35

Angelasti sänwa: —Qullan Ajayuw jumxar jutani, ukatsti alaxpach Diosan ch'amapaw mä qinayjam jumarux imxattätam. Yurkani uka wawax Diosan Qullan Wawapa satarakïniwa.

Lucas 22:70

Ukatsti taqiniw jiskt'apxäna: —Ukhamasti, ¿jumax Diosan Yuqapätati? —sasa. Jesusasti jupanakarux sänwa: —Jïsa, jumanakpachaw sasipktaxa —sasa.

Lucas 4:3

Ukhamäskiriruw supayax jupar säna: —Jumatix Diosan Yuqapästaxa, aka qalanakarux t'ant'ar tukuyam —sasa.

Lucas 4:41

Ñanqha ajayunakasti walja usutanakat akham arnaqt'asisaw mistxapxäna: —¡Jumax Diosan Yuqapätawa! —sasa. Ukampis Jesusax uka ñanqha ajayunakarux tuqinuqänwa, janiw jupanakarux arsuykänti, jupanakan Cristötap yatipxatap layku.

Lucas 4:9

Ukatsti Jesusarux Jerusalén markaruw irpäna, ukansti templo patar irpsusaw sarakïna: —Diosan Yuqapästaxa, akat aynachar jalaqtam;

Juan 1:34

Nayasti uñjtwa, uk arsurakta: Jupapï Diosan Yuqapaxa.”

Juan 1:49

Natanaelasti sarakïnwa: —Yatichiri, ¡jumax Diosan Yuqapätawa, Israel markan Reyipa! —sasa.

Juan 20:31

Ukampis kunanakatix akan qillqatäki ukanakax Jesusan Cristötapa, Diosan Yuqapätap iyawsapxañamatak qillqatawa, jupar iyawsasinsti, wiñay jakañ katuqapxañamataki.

Juan 9:35

Jesusax uka juykhur jaqunukupxatap yatïna; jupamp jikisisinsti, jiskt'änwa: —¿Jumax Diosan Yuqapar iyawstati? —sasa.

Hechos 9:20

Ukatsti Saulox sinagoganakan Cristot yatiyañ qalltäna: “Jesusax Diosan Yuqapawa” sasa.

2 Corintios 1:19

Diosan Jesucristo wawapasti, khitittix Silvanosa, Timoteosa, nayasa parlapksma ukax janiw “jïsa, janiwa” sirïkänti, jan ukasti, jupanxa Diosan arunakapax chiqapapunïnwa,

Gálatas 2:20

Chiqpachansa, nayax Cristomp chikaw ch'akkatat uñjasta, janiw nayax jakxtti, jan ukasti, Cristow nayan jakxi. Jichhasti janchin jakaskasaxa, Diosan Yuqapar iyawsatax laykuw jakaskta, nayar munasin jakañap naya layku apt'asiwayi.

1 Tesalonicenses 3:5

Ukat nayax janiw juk'ampi suyañ munkti, jumanakax kunjämäsipktas iyawsäwin uk jiskt'añatakiw khithanta, inampis yant'irix yant'apxiristam ukat wal llakisïyäta, ukhamäspa ukasti nanakan irnaqataxax inamayakïspawa.

Hebreos 12:16

Jumanakat jan khitis wachuq juchan sarnaqkpati, kunatix qullanäki ukarux janirak jisk'achpati; Esaú chachasti ukham luräna, mä juk'a manq'a laykukiw jilïr kankañap aljasïna.

Hebreos 4:14

Diosan Jesús Yuqapaw jiwasan jach'a Jilïr sacerdotesaxa, jupax alaxpachkamaw puri. Ukat juparux taqi iyawsañampi arkañasa.

Hebreos 7:3

Jupan awkipatsa, taykapatsa, nayra awkinakapatsa janiw kunas yatiskiti; janirakiw kawkhan yuritapasa, jiwatapas yatiskiti; ukat jupax Diosan Yuqapäkaspas ukham wiñay sacerdotexa.

1 Juan 3:8

ukampis juch luririx supayankiwa, supayasti qalltatpach juch luri. Ukatakiw Diosan Yuqapax juti: supayan luräwip t'unjañataki.

Apocalipsis 2:10

Kuna t'aqhisiñanakatix jumxar jutkani ukanakat jan axsaramti, supayax jumanakat yaqhipanakarux carcelaruw jist'antayani, taqpach jumanakan yant'atäpxañamataki; tunka ururakiw t'aqhisipxäta. Ukampis jiwañkam sayt'asim, nayasti wiñay jakañ churäma.