Mateo 3:10 - Qullan Arunaka DC

¹⁰ Ukampis hachax quqanak saphitpach tinksuyañatak niy wakicht'atäxiwa. Jan kuna achu churir quqasti phat'anukutawa, ukatsti ninar phichhantatarakiwa.

Aymar Bibliia 1986

¹⁰ Ucampis sapjjaracsmawa, niyawa hachajja kokanaca saphitpach phat'arañatakejja uscuta, jan cuna achu churiri kokasti phat'anucutawa, ucatsti ninaru phichantataraquiwa.

Qullan Arunaca

¹⁰ Ucampis sapjjaracsmawa, niyawa hachajja kokanaca saphitpach phat'arañatakejja uscuta, jan cuna achu churiri kokasti phat'anucutawa, ucatsti ninaru phichantataraquiwa.

Mateo 3:10 Jak'a apnaqawi uñst'ayäwi

2 Samuel 23:7

Uka ch'aphinakar llamkt'añatakisti, mä hierrompi jan ukax mä lanzampi aptasin, ninar willintatawa, ukan q'al nakhantañapataki.”

Salmos 1:3

Jupax, jawir thiyan ayruntat quqar uñtatawa: wakisitarjamaw achunak churi, laphinakapax janiw wañskiti. ¡Taqi luräwinakapasti walt'askakipuniwa!

Salmos 140:10

10 (11) Nina sank'a k'illiminak jupanakxarux jalxatpan; phuch'u p'iyanakar wiñayatak jaquntatäpxpan.

Salmos 92:12

12 (13) Aski jaqinakax palma quqanakjamaw jilapxi, Líbano qullunkir cedro quqanakjamaw jiltapxi.

Isaías 27:11

Mä quqan layminakapax wañsxi ukkhax p'akirtxiwa; warminakasti uka layminak apthapisaw phayasipxi. Mä jan amuyt'asir markawa. Ukatpï jupanakar irnuqir Tatitux jan khuyapt'ayaskanitixa.

Isaías 61:3

Sión qulluna llakt'atanakarux atipjatäñ lantxa, atipt'añ churiri, jachañ lantsti suma q'apkir kusisiñ qullanak churiri, chuyma kawkst'ata sarnaqaña lantsti, yupaychañ q'uchunak chuririraki. “Atipt'iri roble quqanaka” sasaw sutichapxarakïtam, pachpa Tatitun ayruntatanaka k'ajkir kankañap uñacht'ayañataki.

Jeremías 17:8

Jalir umani jawir thiyar ayruntat quqjamäniwa, saphinakapasti uka uma tuqir saphintatawa, lupin qhatintatapas janiw ñanqhachkiti, laphinakapas ch'uxñakipunïskiwa. Waña pachansti janiw mayjt'askiti, marpacharakiw achunakap churi.

Daniel (hebreo) 4:14

14 (11) uka angelax jach'at art'asisaw sarakïna: “ ‘Uka quqa liwinukupxam; layminakapsti khuchhurapxam, laphinakapsa wikharapxam, achunakapsa willitatapxam. Ch'iwipankki uka pampa laq'unakas jaltxapxpan, layminakapan tapachasir jamach'inakas chhuktawayxapxarakpan.

Malaquías 4:1

1 (19) Taqi ch'aman Tatitux siwa: “Urux jak'achasisinkiwa, hornor uñtat parintata, uka urusti taqi jach'a jach'a tukurinakampi, ñanqha luririnakampix jichhur uñtataw nakhantani. Uka uru purinkani ukapachaw jupanakar saphitpach nakhantani, janirakiw kunas jupanakat jilt'kaniti.

Mateo 21:19

Thakhi jak'an mä higo quqa uñjäna, ukar jak'achasisinsti, janiw mä achsa jikxatkänti, jan ukasti laphinakak uñjäna. Ukat Jesusax uka higo quqarux säna: —¡Janipun mayampis achu churamti! —sasa. Ukspachaw higo quqax wañsuwayxäna.

Mateo 7:19

Jan wali achu churir quqanakasti phat'anukutawa, ukatsti ninar phichhantatarakiwa.

Lucas 23:31

Ch'uxña alinakampitix uk lurapchixa, waña alimpix ¿kuns lurapxani? —sasa.

Lucas 3:9

Quqar saphitpach phat'anukuñatak hachax niy wakicht'atawa. Taqi jan suma achu churir quqax phat'anukutawa, ukatsti ninar phichhantatawa.”

Juan 15:2

Layminakaxat maynitix achu jan churkanixa, Awkixax khuchhunukuniwa; ukampis achu churir layminakarusti, juk'amp achuñapatakiw q'umachani.

Juan 15:6

Khititix jan nayampïkan ukax, anqar jaqunukutäniwa, ukatsti kamisatix waña layminakax ninar phichhantatäñatak apthapitax ukhamäniwa.

Hebreos 12:25

Kunapachatix Diosax qhuru arumpi arxayapkätam ukkhax amuyasipxam. Jan “janiw” sapxamti, israelitanakasti nayra pachax janiw ist'apkänti, ukat mutuyatäpxäna.

Hebreos 6:8

ukampis ch'aphinakaki, jan wali quranakak achuskchi ukaxa, janiw kunatakis walïkiti; Diosasti ñanqhachiwa, tukuyarux ninar phichhantatäniwa.