Mateo 3:11 - Qullan Arunaka DC

¹¹ Nayasti, chiqpachansa umampiw bautisapxsma, ukhamat jumanakax Tatitur kutikipstapxatam uñacht'ayañataki; ukampis khititix nayat qhipa jutki ukax Qullan Ajayumpi, ninampiw bautisapxätam. Jupasti nayat sipan juk'amp ch'amaniwa, nayasti janirakiw jupan wiskhup apañatakis askïkti.

Aymar Bibliia 1986

¹¹ Nayasti chekpachansa umampiw bautisapjjsma, jumanacar arrepientisir uñjasina, ucampis qhititejj nayat khepajja jutcani ucajj Kollan Ajayumpi, ninampiraquiw bautisapjjätam. Jupapï nayat sipan juc'ampi ch'amanejja, nayasti jupan wisqhup apañataquis janiw asquïcti.

Qullan Arunaca

¹¹ Nayasti chekpachansa umampiw bautisapjjsma, jumanacar arrepientisir uñjasina, ucampis qhititejj nayat khepajja jutcani ucajj Kollan Ajayumpi, ninampiraquiw bautisapjjätam. Jupapï nayat sipan juc'ampi ch'amanejja, nayasti jupan wisqhup apañataquis janiw asquïcti.

Mateo 3:11 Jak'a apnaqawi uñst'ayäwi

Isaías 4:4

Kunapachatix nayax taripäwi arunakap arskä, markaxarus mutuykarakï, Jerusalén markan utjasirinakarux jaqinak jiwarayapxatapatxa pampacharakïwa.

Isaías 44:3

nayax wasaran uma jalayä, waña uraqinsti jisk'a jawiranak jalayä. Wawanakamarusti mä machaq jakañ churä, jupanakxarux suma waxt'äwinak apayanï.

Mateo 3:6

Jupanakasti juchanakap arsusipxäna, ukat Juanax Jordán jawiran jupanakar bautisäna.

Marcos 1:4

Khä urunakan Bautisir Juanax wasaran uñstäna; taqiniruw parläna akham sasa: “Tatitur kutikipstxapxam, bautisasipxarakim, ukhamat juchanakaman pampachatäñapataki” sasa.

Lucas 1:17

Jupa, Juanasti Tatitun nayraqatap sarani, Elías profetan ajayupat ajayuni, ch'amapat ch'amaniraki, awkinakar wawanakapampi sumankthapiyañataki, jan jaysasirinakasti jaysañ yatiqapxañapataki. Ukhamat jaqinakar Tatitur katuqapxañapatak wakichani —sasa.

Lucas 3:16

ukampis Juanax taqiniruw säna: “Nayax chiqpachan umampiw bautisapxsma, ukampis mayni jutki ukax Qullan Ajayumpi, ninampiw bautisapxätam. Jupax nayat sipan juk'amp ch'amaniwa, nayasti janirakiw askïkti wiskhu t'isnup jararañatakisa.

Lucas 3:3

Juanasti Jordán jawira thiyanak q'al muytäna, ukansti jaqinakarux sänwa: “Bautisasipxam, jan wali luräwinakamat kutikipstapxam, ukhamat juchanakaman pampachatäñapataki” sasa.

Juan 1:15

Juanasti jupat parläna akham sasa: “Jupatpï nayax arsupxäyäsmaxa: Nayan qhipaxat jutki ukax, nayat sipan juk'amp jilïriwa, jupasti nayax janïr utjkäyät ukkhatpach utjapunïnwa” sasa.

Juan 1:30

Jupatpï nayax arsupxäyäsmaxa: ‘Nayan qhipaxat jutki ukaxa, nayat sipan juk'amp jilïriwa, jupasti nayax janïr utjkäyät ukkhatpach utjapunïnwa’ sasa.

Hechos 1:5

Chiqpachansa Juanax umampiw bautisäna, ukampis jumanakax akat mä qawqha ururux Qullan Ajayump bautisataw uñjasipxäta —sasa.

Hechos 19:4

Pablosti sänwa: —Juanax, Diosar kutikipstir jaqinakaruw bautisäna, jupanakarusti sarakïnwa: “Nayan qhipax mayniw jutani, ukasti Jesusawa, juparuw iyawsapxäta” —sasa.

Hechos 8:36

Thakhinsti, uma chiqäwja sarkasaw uka etiope jaqix säna: —Akaxay umaxa; ¿kunarak bautismo katuqañaxatak jark'itaspasti? —sasa.

Hechos 8:38

Ukatsti ukspachaw jupax carro sayt'ayäna; ukatsti panpachaniw umar mantapxäna, ukat Felipex uka etiope jaqir bautismo katuqayäna.

1 Corintios 12:13

Uka kipkarakiw taqi jiwasanakax judionakasa, jan judionakasa, t'aqhisiyat jaqinakasa, jan t'aqhisiyat jaqinakas bautismo katuqapxtan, mä sapa Ajay tuqi, mä janchik tukuñasataki; taqinis uka pachpa Ajayut katuqaraktan.

Efesios 3:8

Nayasti qullan markapankirinakat wali sullkakïtwa; ukampis jupaw aka suma irnaqäwi churitu, jan judiöpkis ukanakar Criston jan jakt'kay qamir kankañapat suma yatiyäwi yatiyañaxataki.

Tito 3:5

janiw kuna aski luratas laykuti, jan ukasti khuyapayasiñap laykuw qhispiyistu, q'umachasa, machaqat yuriyasa, ukhamarak Qullan Ajayu tuqi machaq jakañ churasa.

1 Pedro 5:5

Ukhamaraki, jumanakax waynanaka, Diosan markap irpirinakarux ist'apxam. Taqiniw maynit maynikam llamp'u chuymamp ist'asipxañama, qillqatan siwa: “Diosax jach'a jach'a tukurinakarux jisk'achiwa, llamp'u chuymaninakarusti munasiñapampiw yanapi.”