Lucas 9:41 - Qullan Arunaka DC

⁴¹ Jesusasti sarakiwa: —¡Ay, jan iyawsañan jan wali jaqinaka! ¿Kunapachkamas taqi akanak uñjasax jumanakampikïskäxa? Akar uka wawam irptanim —sasa.

Aymar Bibliia 1986

⁴¹ Jesusajj saraquïnwa: —¡Ay, jan iyawsañan jan wali jakenaca! ¿Cunapachcamas jumanacampiquïscäjja, take acanac apjjäsisajja? Acar uca wawam irptanim —sasa.

Qullan Arunaca

⁴¹ Jesusajj saraquïnwa: —¡Ay, jan iyawsañan jan wali jakenaca! ¿Cunapachcamas jumanacampiquïscäjja, take acanac apjjäsisajja? Acar uca wawam irptanim —sasa.

Lucas 9:41 Jak'a apnaqawi uñst'ayäwi

2 Reyes 5:8

Eliseo profetasti reyin uka qillqat katuqasin isip ch'iyanuqasitap yatisinxa, mayniruw reyir sañapatak khithäna: “¿Kunatarak isim ch'iyanuqastasti? Uka chachax nayan ukar jutpan, ukhamat yatini, Israel markan mä profetan utjatapa” sasa.

Salmos 78:8

nayra pachan jakir awkinakapjam jan sarnaqapxañapataki, qallasir t'axmar jaqir jan tukupxañapataki, pächasir chuyman jaqir jan tukupxañapataki, Diosat saraqtir jaqir jan tukupxañapataki.

Éxodo 10:3

Moisesampi, Aaronampisti faraonan ukar sarasin jupar sapxäna: —Hebreonakan Tatit Diosapax akham siwa: “¿Kunapachkamarak nayatak jach'a jach'a tukuskakïtasti? Markaxar khithanukxam, nayar yupaychir sarañapataki,

Éxodo 16:28

Ukat Tatitux Moisesar säna: —¿Kunapachkamas jumanakax kamachi arunakaxampiru, yatichäwinakaxampir jan ist'apkäta?

Jeremías 4:14

Jerusalén, ñanqhanakat chuymam q'umachasim, ukhamat jumax qhispit uñjasïta. ¿Kunapachkamas uka jan wali amtañanakampix apnaqayasïta?

Números 14:11

Tatitusti Moisesarux sänwa: —¿Kunapachkamarak aka markasti nayar jisk'achaskakitanisti? ¿Kunapachkamarak nayat pächasisipkakini, jupanak taypin walja muspharkañanak lurkipansa?

Números 14:27

—¿Kunapachkamarak aka ñanqhar jichuntat israelitanakan parlatanakap isch'ukïsti? Niyaw ist'ta nayxat jan wali parlatanakapa.

Mateo 11:28

Taqi qarjatanaka, llakimpi atipjatanaka, nayar jutapxam, nayaw samarayapxäma.

Mateo 12:39

Jesusasti jupanakarux sänwa: —Ñanqha lurir aka jaqinakax mä unañcha mayipxi; ukampis janiw mayampis Jonasan unañchapat sipan yaqha unañchax churaskxaniti.

Mateo 12:45

Ukatsti jupax jupat juk'ampi yaqha paqallqu ñanqha ajayunak tantachi, jupanakamp chikaw uka jaqin chuymapar mantasin ukan jakapxi, uka jaqin sarnaqäwipasti nayra jakañapat sipan juk'ampi jan walïxiwa. Uka kipkaw aka jan wali jaqinakampix lurasirakini”.

Mateo 16:4

Dios nayraqatan jan wali sarnaqir aka jaqinakax mä unañcha mayipxi; ukampis janiw yaqha unañchax Jonasan unañchapat sipan churaskxaniti” sasa. Uk sasinsti, Jesusax jupanakar jaytanukuwayasin sarawayxäna.

Mateo 17:17

Jesusasti sarakïnwa: —¡Pächasiri, jan wali amtani jaqinaka! ¿Kunapachkamarak jumanakampïskästi? ¿Kunapachkamarak jumanakasti ch'am tukuyapxitätasti? Akawjar uka waynar irpanipxam —sasa.

Mateo 23:36

Qhanak sapxsma, taqi uka luräwinakatxa, jichhür jakirinakaw mutuyäwi katuqapxani.

Mateo 3:7

Kunapachatix Bautisiri Juanax fariseonakaru, saduceonakaru, bautisayasir jutapxatap uñjäna ukkhasti, jupax sänwa: “¡Katari jaqinaka! ¿Khitirak jumanakarusti Diosan jach'a mutuyäwipat jaltañ yatiyapxtamsti?

Marcos 10:14

Jesusasti uk uñjasax phiñasïnwa, ukat sarakïna: —Wawanakax nayan ukar jutasipkpan sama, jan jark'apxamti, Diosan qhapaq markapax jupanakjamankiwa.

Marcos 10:49

Jesusasti uk ist'asin pachparuw sayt'äna, ukat sarakïna: —Irptanipxam —sasa. Irptir saririnakasti juykhurux sapxänwa: —Jan axsaramti, sayt'asim, jawsasktamwa —sasa.

Marcos 9:19

Jesusasti jupanakarux sänwa: —¡Jan iyawsañan jaqinaka! ¿Kunapachkamas jumanakampikïskäxa? ¿Kunapachkamas jumanakax ch'am tukuyapxitäta? Irptanipxam uka waynaru —sasa.

Lucas 8:25

Ukatsti yatiqirinakaparux sarakïnwa: —¿Kawkinkis iyawsañanakamaxa? —sasa. Jupanakasti mulljataw muspharasipxäna, ukatsti maynit maynikamaw jiskt'asipxäna: —¿Khitirakïpach aka jaqisti, thayas, umas tuqinuqatax juparux jaysakirakisä? —sasa.

Lucas 9:40

Yatiqirinakamaruw uka ñanqha ajay alissuñapatak achikt'asta, jupanakasti alissuñatakix janiw ch'amanïpkiti —sasa.

Lucas 9:42

Kunapachatix uka waynax Jesusan ukar niya jak'achasinkän ukapachaw ñanqha ajayux pampar liwinuküna; ukampis Jesusax uka ñanqha ajayuruw tuqinuqäna, uka waynarusti k'umaraptayxänwa, ukat awkipar katuyxarakïna.

Juan 14:9

Jesusasti juparux sarakïnwa: —Felipe, akkha mararakis jumanakampïtxä, ¿janit jichhakam uñt'kistasti? Khititix nayar uñjkituxa, Awkirux uñjarakiwa, ukhamasti ¿kunatarak mayistasti: “Awkir uñacht'ayapxita” sasasti?

Juan 20:27

Ukatsti Tomasiruw säna: —Luk'anamamp amparanakax llamkt'am, ukat uñxatarakim; ukatsti amparamamp ch'illax llamkt'am. Jan pächasimti; jan ukasti, iyawsam —sasa.

Hechos 13:18

Diosax pusi tunka maraw wasaran jupanakan jan wali luräwinakap uñjäna.

Hechos 2:40

Pedrosti uka arunakampi, yaqha arunakampi kunaw jupanakar parläna, iwxt'asin sarakïna: —¡Aka ñanqha jucharar jakañat jithiqtapxam! —sasa.

Romanos 2:4

Jumasti Diosan jan tukuskir munasiñapsa, walikiw sañapsa, llamp'uchasiñapsa janiw yäqktati, munasiñapan jupa tuqir kutikipstatamsa janiw amuyasktati.

Deuteronomio 32:5

“Qhuru chuymani ñanqha jaqinaka, Diosaru ñanqhachirinaka, wawapat uñt'atäñatakis jan askinaka.

Hebreos 3:19

Ukhamasti jupanakax jan iyawsapxatap laykuw jan mantapkänti.

Hebreos 4:11

Uka samarañar mantañatakix wal ch'amañchasiñasaw wakisi, jan khitis khä jan iyawsirinakjam sarnaqaskañapataki.

Hebreos 4:2

Jiwasanakasti jupanakjamarakiw suma yatiyäwi arunak katuqtan; ukampis jupanakan ist'atapax inamayakïnwa, jan iyawsäwi chuymamp ist'apxatap layku.

Hebreos 7:25

Ukat jupa tuqi Diosar jak'achasirinakarux wiñayatak qhispiyaspa, jupanakatak Diosar mayiñatakix jupax wiñayatakiw jaki.