Lucas 9:40 - Qullan Arunaka DC

⁴⁰ Yatiqirinakamaruw uka ñanqha ajay alissuñapatak achikt'asta, jupanakasti alissuñatakix janiw ch'amanïpkiti —sasa.

Aymar Bibliia 1986

⁴⁰ Discipulonacamarojj achict'asiractwa uca ñankha ajay alissupjjañapataqui, ucampis jupanacajj janiw ch'amanïpquiti —sasa.

Qullan Arunaca

⁴⁰ Discipulonacamarojj achict'asiractwa uca ñankha ajay alissupjjañapataqui, ucampis jupanacajj janiw ch'amanïpquiti —sasa.

Lucas 9:40 Jak'a apnaqawi uñst'ayäwi

2 Reyes 4:31

Ukchañkamasti, Guehazí uywatapax jupanakat nayra sarkatayna, ukatsti wawan ajanupxaruw thujru ayxatatayna, ukampis wawax janiw juk'sa unxtkänti, janirakiw jakirjamäkänsa; ukat Guehazí uywatax Eliseor jikxatir saräna, juparusti sarakïnwa: —Wawax janiw unxtkisa —sasa.

Mateo 17:20

Jesusasti jupanakarux sänwa: —Pisi iyawsañanïpxatam laykuwa. Qhanak sapxsma, mä jisk'a mostaza jatha ukch'akis iyawsañanakamax utjaspaxa, aka qullurux: ‘Akawjat yaqha chiqar jittam’ sapxasmawa, qullusti yaqhawjaruw jittaspa. Janiw kunas jumanakatakix ch'amäkaspati.

Lucas 9:1

Jesusax tunka payan yatiqiriparuw tantacht'äna, ukat kunayman ñanqha ajayunakar alissuñataki, usutanakar qullañatakiw ch'amampi munañanïñamp churäna.

Lucas 9:39

juparusti mä ñanqha ajayuw katunti ukaw akatjamat warariyi, wal thalayi, lakapatsti jupuq jutayi. Walpun t'aqhisiyi, janirakiw antutañ munkiti.

Lucas 9:41

Jesusasti sarakiwa: —¡Ay, jan iyawsañan jan wali jaqinaka! ¿Kunapachkamas taqi akanak uñjasax jumanakampikïskäxa? Akar uka wawam irptanim —sasa.