Lucas 9:16 - Qullan Arunaka DC

¹⁶ Ukatsti Jesusax phisqa t'ant'ampi pä chawllampi aptasina, alaxpach uñtasin Diosar yuspagaräna, jalanuqasasti yatiqirinakaparuw churi jaqinakar lakintapxañapataki.

Aymar Bibliia 1986

¹⁶ Ucatwa Jesusajj pheska t'ant'ampi pä chawllampjja aptasina, alajjpachar uñtasinwa ucanacat Diosar yuspagararaqui. Pachjatatsti discipulonacaparuw churi jakenacar laquintapjjañapataqui.

Qullan Arunaca

¹⁶ Ucatwa Jesusajj pheska t'ant'ampi pä chawllampjja aptasina, alajjpachar uñtasinwa ucanacat Diosar yuspagararaqui. Pachjatatsti discipulonacaparuw churi jakenacar laquintapjjañapataqui.

Lucas 9:16 Jak'a apnaqawi uñst'ayäwi

Mateo 14:19

Ukxarusti Jesusax jaqinakan ch'ijir qunurañapatakiw mayïna. Ukatsti phisqa t'ant'ampi pä chawllampi katusin alaxpach uñtasaw Diosar yuspagaräna. T'ant'a pachjasinsti yatiqirinakaparuw churäna taqi jaqinakar lakintapxañapataki.

Mateo 15:36

ukatsti paqallq t'ant'ampi, chawllanakamp apxarusin Diosaruw yuspagaräna, t'ant'anak pachinuqasinsti yatiqirinakaparuw churäna, jupanakasti jaqinakaruw lakintarakïna.

Marcos 7:34

Ukatsti alaxpach tuqi uñtasaw jach'at samsüna, sarakïnwa: “¡Efatá!” sasa. (Ukax: “¡Jist'artam!” sañ muni.)

Lucas 22:19

Ukatsti, t'ant'a irtasin Diosaruw yuspagaräna, pachjasinsti jupanakaruw churäna, sarakïnwa: —Akax janchixawa, ukasti jumanak layku jiwayañatak katuyatawa. Uksti nayat amtasisin lurapxam —sasa.

Lucas 24:30

Kunapachatix manq'añatak qunt'asipkän ukkhasti, t'ant'a irtasin Diosaruw yuspagaräna, pachjasinsti jupanakaruw churäna.

Lucas 9:15

Jupanakasti ukham lurapxäna, taqinirakiw qunt'asipxäna.

Lucas 9:17

Taqiniw sist'asiñkam manq'apxäna, ukatsti jilt'anak tunka payan walaya apthapipxäna.

Juan 6:11

Jesusasti t'ant'anak amparapar katusin Diosaruw yuspagaräna, ukatsti qunuratäpkän uka jaqinakaruw lakintayäna. Chawllanaksti uka kipkarak lakintayäna, qawqhtix munapkän ukkha.

Juan 6:23

Ukchañkamasti, yaqha botenakaw Tiberias markat purinïna, kawkhantix Jesusax t'ant'a manq'ayañatak Tatitur yuspagarkäna uka chiqaru.

Hechos 27:35

Uk sasinsti, Pablox mä t'ant'a irtasin taqinin nayraqatapan Diosar yuspagaräna. Pachjasinsti manq'añ qalltarakïna.

Romanos 14:6

Maynitix mä uru yaqhachchixa, Tatitur jach'achañatakiw yaqhachi. Khititix taqi kunsa manq'ki ukasti, Tatitur jach'achañatakiw manq'i; ukatsti Diosaruw yuspagari; khititix taqi kunsa jan manq'ki ukaxa, Tatitur jach'achañatakiw jan manq'kiti, ukatsti Diosaruw yuspagararaki.

1 Corintios 10:30

Diosar yuspagarasatix manq'sta ukax, ¿kunatarak manq'ataxat k'umipxitanisti?

1 Corintios 11:24

ukatsti Diosar yuspagarasaw uka t'ant'a pachjäna, ukat säna: “Akax nayan janchixawa, jumanak layku katuyatawa. Aksti nayat amtasis lurapxam” sasa.

1 Samuel 9:13

Markar purisinsti, jank'akiw juparux thaqtapxäta, qullan chiqawjar janïr manq'ir sarkipana. Jupan puriniñapkamasti jaqinakax janïraw manq'apkaniti, jupaw wilañcha luqtatarux qullanañchañapa, uka qhipat jawsayata jaqinakax manq'asipkani. ¡Jank'ak sarapxam, jikxatasipkätawa! —sasa.