Lucas 9:10 - Qullan Arunaka DC

¹⁰ Apostolunakax kuttanxasin kuntix lurapkatayna uk Jesusarux yatiyapxäna. Jesusasti jupanakarux Betsaida markaruw irpäna.

Aymar Bibliia 1986

¹⁰ Apostolonacapasti cuttanjjasinjja, cuntejj lurapcatayna uc Jesusarojj yatiyapjjäna. Ucjjarusti Jesusajj apostolonacapampejj mä wasar chekaruw sarapjjäna, Betsaida marca jac'aru.

Qullan Arunaca

¹⁰ Apostolonacapasti cuttanjjasinjja, cuntejj lurapcatayna uc Jesusarojj yatiyapjjäna. Ucjjarusti Jesusajj apostolonacapampejj mä wasar chekaruw sarapjjäna, Betsaida marca jac'aru.

Lucas 9:10 Jak'a apnaqawi uñst'ayäwi

Zacarías 1:10

Ukampis janïra jupax nayar siskipan ukkhaw ch'uxña alinak taypinkkän uka caballor lat'xatat jaqix säna: “Tatituw aka jaqinakarux khithani, taqi uraqpach muytanipxañapataki” sasa.

Mateo 11:21

“¡Corazín marka, jumax llakkañätawa! ¡Betsaida marka, jumax kamachkakïta! Tiro markampina, Sidón markampintix taqi aka muspharkañanakax lurasisapän ukaxa, ukspachaw jupanakax llakisiñ isinakampi isthapita, Diosar kutikipstapxasapäna.

Marcos 2:7

“¿Kamisarak aka jaqisti ukham parlxanisti? Uka arunakapax Diosar ñanqhachir arunakawa. Dios sapakiw juchanak pampachaspaxa” sasa.

Lucas 10:17

Paqallq tunka payanix wali kusisitaw kuttanxapxäna, juparusti sapxänwa: —Tatay, ñanqha ajayunakamppachaw sutimar jaysapxitu —sasa.

Juan 1:44

Felipex Betsaida markankirïnwa, Andresampi Pedrompisti uka markankirïpxarakïnwa.

Hebreos 13:17

Irpirinakamar jaysapxam, jupanakarux ist'apxarakim, jupanakax jan inakt'asaw jumanakar uñjapxtam, Diosax taqi luräwinakamat jupanakar maykani uk yatisina. Kunatix jupar kusisiyki uk lurañatak ch'amachasipxam, jan ukhamäkani ukasti jumanakatakix janiw askïkaniti.