Lucas 8:3 - Qullan Arunaka DC

³ ukhamaraki Cuza sat chachan Juana warmipa, Cuzax Herodesan yänakap apnaqirïnwa; Susanampi, yaqha warminakamp kuna, khitinakatix yänakapampi yanapapkän ukanaka.

Aymar Bibliia 1986

³ Uqhamaraqui Cuzan warmip Juana, Cuzasti Herodesan mä apnakeripänwa; Susana, uqhamarac yakha warminacamp cuna, qhitinacatï yänacapampi sirvipcäna ucanaca.

Qullan Arunaca

³ Uqhamaraqui Cuzan warmip Juana, Cuzasti Herodesan mä apnakeripänwa; Susana, uqhamarac yakha warminacamp cuna, qhitinacatï yänacapampi sirvipcäna ucanaca.

Lucas 8:3 Jak'a apnaqawi uñst'ayäwi

1 Crónicas 29:14

ukampisa, ¿kunarakït nayasti, kunarak markaxasti walja yänak jumar churañatakisti? Chiqpachansa taqi kunaw jumat juti, ukatsti kuntix jumat katuqapksma ukak churapxaraksma.

Isaías 23:18

Ukampis Tiro markax janiw uka jikxatatanakapat kusiskaniti, jan ukasti, Tatituruw luqtani, ukampisti khitinakatix Tatitur yupaychapki ukanakatakiw walja manq'añanaka, suma isinak alapxani.

Mateo 14:1

Uka urunakanxa, Galilea marka apnaqir Herodes reyix, Jesusat parlir ist'äna,

Mateo 14:3

Herodes reyipï Bautisir Juanarux katuntayasin carcelar apantayataynaxa. Ukham lurañapatakisti Herodías warmiw juchanïna, khititix Filipo jilapan warmipäkän uka,

Mateo 14:6

Herodesan urupansti, Herodiasan phuchhapax taqi jawillatanak nayraqatan thuqt'iriw mistunïna, uka thuqt'atapasti Herodesatakix sinti sumänwa,

Mateo 2:11

Utar mantasinsti wawarux, María taykapampïskir jikxatapxäna; ukatsti killt'asisin wawarux yupaychapxäna. Imasiñanakap jist'arasinsti, quri, incienso, mirra uka churäwinak juparux katuyapxäna.

Mateo 20:8

“Niya ch'amakthapi jayp'urusti, yapunix yapu lurayir jilïriparuw säna: ‘Irnaqirinakar jawsam, ukatsti irnaqatapat qullqi churxam, qhipa irnaqirinakat qalltasa, nayra irnaqirinakar tukuyasa’ sasa.

Mateo 25:40

Reyisti jupanakarux saniwa: ‘Qhanak sapxsma, jumanakatix aka jan yäqat jila masinakaxar ukanak lurapxstaxa, nayaruw lurasipkista’ sasa.

Mateo 26:11

T'aqhin jakirinakax jumanak taypin utjapuniniwa, ukampis nayax janiw jumanakampipunïkäti.

Mateo 27:55

Ukawjansti, walja warminakaw jayat uñch'ukisipkäna, jupanakasti Galileatpach Jesusar yanapir arkanipxatayna.

Lucas 24:10

Apostolunakar yatiyapkän ukanakasti akïrinakänwa: Magdalankir María, Juana, Santiagon taykap María, yaqha warminakamp kuna.

Juan 12:6

Judasax janiw jan utjirininakat khuyapayasisin arskänti, jan ukasti lunthatätapat ukham arsüna, jupax qullqi katurit utt'ayatänwa, uka qullqitsti lunthatasirïnwa.

Hechos 13:1

Antioquía iglesianxa, profetanakampi, yatichirinakampiw utjarakïna. Jupanakasti akanakänwa: Bernabé, Simeón (khitirutix “Negro” sasa sutichapkarakïna), Cirenenkir Lucio, Manahem (khititix, Galilea apnaqir Herodes Antipasamp chika jilasitayna uka), ukhamarak Saulo.

2 Corintios 8:9

Jumanakasti yatipxtawa, Jesucristo Tatitusax munasiñapan qamirïkasin jumanak laykux jan kunanir tukuwayi, ukhamat jupan jan kunan tukutapampix jumanakan qamirkipstapxañamataki.

Filipenses 4:22

Taqi khitinakatix Diosan qullan markapankirïpki jupanakas aruntanipxtamwa, ukatsti khitinakatix romano emperadoratak irnaqapki jupanakas aruntanipxaraktamwa.

1 Timoteo 5:10

Jupanakasti suma luräwinak luririt uñt'atäñapawa, wawanakap sum uywatap layku, utapar sart'irinakar sum katuqatap layku, qullan markapankirinakan kayunakap jariqatap layku, t'aqhisirinakar yanapatap layku, yaqha aski luräwinak lurañatak ch'amachasitap layku.