Lucas 7:7 - Qullan Arunaka DC

⁷ ukat naya kipkas jumar jikxatir jutañarux jan uchaskti. Ukampis mä aruk arsum, uywataxasti k'umaräxaniwa.

Aymar Bibliia 1986

⁷ Ucatwa jan naya quicpasa jumar jicjjatiri jutañarojj uchascti. Arsu mayac arsum, uywatajjasti c'umaräjjaniwa.

Qullan Arunaca

⁷ Ucatwa jan naya quicpasa jumar jicjjatiri jutañarojj uchascti. Arsu mayac arsum, uywatajjasti c'umaräjjaniwa.

Lucas 7:7 Jak'a apnaqawi uñst'ayäwi

Salmos 107:20

may arsusakiw jupanakarux k'umaraptayäna; ¡manqhapachat qhispiyäna!

Salmos 33:9

Jupax arupampikiw taqi kun utt'ayawayi; arsutapampikiw taqi kun sayt'ayawayi.

Éxodo 15:26

Sarakïnwa: “Jumanakatix naya, Tatit Diosaman arunakapar sum ist'apxäta, munañaxsa lurapxäta, ukatsti kamachi arunakaxarusa, kamachinakaxarus phuqhapxarakïta ukapachaxa, janiw kawkïr mutuyäwinaktix egipcionakar apaykta ukanak apayanipkämati. Nayätwa jumanakar k'umarachir Tatitumaxa” sasa.

Marcos 1:27

Uk uñjasinsti taqiniw muspharapxäna, ukat jiskt'asipxarakïna: —¿Kunas akaxa? ¡Wali ch'amampirakis aka machaq yatichäwinak yatichixä! ¡Aka jaqix ñanqha ajayunakar alissuñatakisa, ukanakamp ist'ayasiñatakis munañanirakisä! —sasa.

Lucas 4:36

Taqiniw mulljasipxäna, ukatsti jupanakkamaw parlarasipxarakïna: —¿Kuna arunakarak akasti? ¡Aka jaqix munañan kankañampi, ch'amapampix ñanqha ajayunakar alissukirakisä! —sasa.

Lucas 5:13

Jesusasti juparux amparapampiw llamkt'äna, akham sasa: —Muntwa, q'umachatäxam —sasa. Ukspachaw lepra usupax chhaqtawayxäna.

Lucas 7:6

Jesusasti jupanakampiw saräna, niya utar jak'achkipan capitanax mä qawqha masinakap khitsunïna Jesusar akham siri: “Tatay, jan mayjt'asimti, janiw nayax askïkti utaxar mantañamatakixa;

Lucas 7:8

Naya kipkaw jilïrinakan munañapankarakta, soldadonakas nayan apnaqatarakiwa. Kunapachatix jupanakat maynirux sistxa ‘saram’ sasaxa, ukspachaw sari; maynirutix ‘jutam’ sistxa, ukspacharakiw juti; uywataxarutix kuna lurañarus khitta ukkhaxa, luriwa” sasa.

Deuteronomio 32:39

Jichhax amuyasipxam, naya sapakïtwa Diosaxa. Janiw nayat sipan yaqha diosanakax utjkiti. Nayaw jakañ churta, nayarakiw jakañ apaqta; nayaw usuchnuqta, nayarakiw k'umarachta. ¡Janiw khitis utjkiti ch'amaxat qhispirixa!

1 Samuel 2:6

Tatituw jakañ churistu juparakiw jiwañ apayanistu.