Lucas 7:50 - Qullan Arunaka DC

⁵⁰ Ukampis Jesusax warmir saskakïnwa: —Iyawsatam laykuw qhispiyatäxtaxa, jichhax kusisitak sarxam —sasa.

Aymar Bibliia 1986

⁵⁰ Ucampis Jesusajj warmirojj sänwa: —Iyawsatam laycuw khespiyatätajja, jichhajj cusisitaqui sarjjam —sasa.

Qullan Arunaca

⁵⁰ Ucampis Jesusajj warmirojj sänwa: —Iyawsatam laycuw khespiyatätajja, jichhajj cusisitaqui sarjjam —sasa.

Lucas 7:50 Jak'a apnaqawi uñst'ayäwi

Eclesiastés 9:7

T'ant'amsti kusisiñamp manq'asim, vinomsa kusisiñampirak umt'asim, juman luratanakamax Tatiturux kusisiyiwa.

Habacuc 2:4

Kunatix qillqañamäki ukax akawa: ‘Ñanqha jaqinakax jach'a jach'aw tukupxi, ukampis aski jaqinakax Tatitur chiq arkatapampiw jakapxani’ sasa.”

Mateo 9:22

Ukspachaw Jesusax kutikipstäna, ukatsti warmir uñjasin sänwa: —Jan llakisxamti, Diosar iyawsatamat k'umaräxtaxa —sasa. Jupasti ukspachaw k'umaräxäna.

Marcos 10:52

Ukxarusti Jesusax sänwa: —Sarxam; iyawsatam laykuw k'umaräxtaxa —sasa. Juykhusti ukspachaw nayrat waliptasax wasitat uñjxäna, ukatsti Jesusaruw arkxaruwayxäna.

Marcos 5:34

Jesusasti sänwa: —Wawa, iyawsatam laykuw k'umaräxtaxa. Jichhasti sumak sarxam. Usumatsti k'umaräxtawa —sasa.

Lucas 17:19

Ukat uka jaqirux säna: —Sayt'am ukatsti sarxam, iyawsatam laykuw k'umarachatäxtaxa —sasa.

Lucas 18:42

Jesusasti sänwa: —¡Uñjxam, iyawsatam laykuw k'umarachat uñjasxtaxa! —sasa.

Lucas 7:9

Jesusasti uk ist'asin walpun uka jaqit muspharäna, ukat jupar arkir jaqinakar uñtasin sarakïna: —Israelitanak taypinsti janiw aka jaqjam wali iyawsañan jikxatkti —sasa.

Lucas 8:18

“Ukhamasti, sum ist'apxam, khitintix utjki juparux juk'ampiw churasini; ukampis khitintix jan utjki jupatxa, kunatix utjañapäki ukamppach apaqasini”.

Lucas 8:42

jupasti mä sapa imill wawanikïnwa, niya tunka payan marani, uka imill wawasti jiwañampïskänwa. Thakhinjam sarkipansti, jupar arkir walja jaqinakaw Jesusarux ñiqjapxäna.

Lucas 8:48

Jesusasti juparux sänwa: —Waway, iyawsatam laykuw k'umaräxtaxa, jichhax sumak sarxam —sasa.

1 Samuel 1:17

Ukatsti Elí sacerdotex sarakïnwa: —Jichhax jan llakisxamti, sumakiy sarxam, Israelan Diosapay jumarux kuntix maykta uk churarakpan —sasa.