Lucas 6:45 - Qullan Arunaka DC

⁴⁵ Suma jaqix sumanak arsu, suma chuymanïtap layku, qhuru jaqisti jan walinak arsuraki, jan wali chuymanïtap layku. Ukhamasti kunatix chuymapan phuqt'atäki ukat parli.

Aymar Bibliia 1986

⁴⁵ Suma jakejj sumanacwa arsu suma chuymanïtap laycu, khoru jakesti jan walinacaracwa arsuraqui jan wali chuymanïtap laycu. Uqhamasti cunatejj chuymapan phokt'atäqui ucatwa parli.

Qullan Arunaca

⁴⁵ Suma jakejj sumanacwa arsu suma chuymanïtap laycu, khoru jakesti jan walinacaracwa arsuraqui jan wali chuymanïtap laycu. Uqhamasti cunatejj chuymapan phokt'atäqui ucatwa parli.

Lucas 6:45 Jak'a apnaqawi uñst'ayäwi

Salmos 140:5

5 (6) Khä jach'a jach'a tukur jaqinakax sipitanak wakicharapipxitu; ñanqha luririnakax qänanak jant'akt'arapipxitu, sarañaxarusti sipitanak uchantarapipxitu.

Salmos 59:12

12 (13) Taqi arsutanakapampiw juch lurapxi; jach'a jach'a tukuñapan katuntatäpxpan, k'ari juramentonakapan chinuntatäpxpan.

Salmos 59:7

7 (8) Kuns arsusipkakiwa, arsutanakapampis chuym ust'ayapxi: “Janiw khitis ist'kistaniti” sasa.

Proverbios 12:18

Jan amuyt'as arsur jaqix, arunakapampiw maynir chuym usuchji, amuyt'ampi arsur jaqin arunakapasti qullar uñtatawa.

Proverbios 15:23

¡Kunja askisa jiskt'aru wakiskir arunak arusxatañaxa, wakisitapar arusxatañasti juk'amp askiwa!

Proverbios 4:23

Taqi kunanakat sipansa chuymam imam, jakañaman uka chuymat jutatap layku.

Hechos 5:3

Ukat Pedrox Ananiasar säna: —Ananías, ¿kunatarak supayasti chuymamar manti, Qullan Ajayur k'arintañamataki, uraqi aljat qullqit mä chikat imaqañamatakisti?

Efesios 3:8

Nayasti qullan markapankirinakat wali sullkakïtwa; ukampis jupaw aka suma irnaqäwi churitu, jan judiöpkis ukanakar Criston jan jakt'kay qamir kankañapat suma yatiyäwi yatiyañaxataki.

Efesios 4:29

Jan wali arunakax lakamat jan mistpati, jan ukasti mayninakar ch'amañchir suma arunak mistpan, ukhamat ist'irinakatak askïñapataki.

Efesios 5:19

Maynit maynikam q'uchunakampi, ajay q'uchunakampi chuymachasipxam, ukatsti taqi chuymampi Tatitur q'uchupxam, jach'añchapxarakim.

Colosenses 3:16

Ukhamasti Tatitun arunakapax chuymanakamar phuqhantpan. Jumanakkamax taqi amuyt'a chuymampi yaticht'asipxam, iwxt'asipxarakim. Chuymanakaman Diosar yuspagaras ajay q'uchunak q'uchupxam.

Colosenses 4:6

Parlatanakamasti sumäñapapuniwa, sapa maynir kunjäm arusxatañsa yatipxañamarakiwa.

Hebreos 8:10

Kuna arust'äwtix khaya urun Israelampi lurkä ukax akhamäniwa, siw Tatituxa: Nayan kamachinakaxsti amuyuparuw uskü, chuymaparuw qillqantarakï. Nayax jupanakan Diosapäyäwa, jupanakasti nayan markaxäniwa.

Judas 1:15

taqinir taripañataki, jan wali luririnakar juchañchañataki, khitinakatix ñanqha arunak jupatak arsupkatayna uka jucha luririnakar juchañchañataki” sasa.