Lucas 6:21 - Qullan Arunaka DC

²¹ “Kusisiñanïpxtaw manq'at jichha awtjayasirinakaxa, jumanakasti sist'atäxapxätawa. “Kusisiñanïpxtaw jichha jachirinakaxa, qhiparusti larusipxätawa.

Aymar Bibliia 1986

²¹ “Cusisiñanïpjjtaw jichha awtjayasirinacajja, jumanacasti sist'atäjjapjjätawa. “Cusisiñanïpjjtawa jichha jachirinacajja, kheparusti larusipjjätawa.

Qullan Arunaca

²¹ “Cusisiñanïpjjtaw jichha awtjayasirinacajja, jumanacasti sist'atäjjapjjätawa. “Cusisiñanïpjjtawa jichha jachirinacajja, kheparusti larusipjjätawa.

Lucas 6:21 Jak'a apnaqawi uñst'ayäwi

Génesis 17:17

Ukatsti Abraham chachax uraqir p'iqip puriyañkamaw alt'asïna, ukatsti akham sasaw larusïna: “¿Patak maran jaqisti wawanirakïspati? ¿Sarasti llätunk tunka maranirusti wawanirakïspati?” sasa.

Génesis 21:6

Ukatsti Sara warmix sarakïnwa: “Diosaw nayarux larusiyitu, jichhasti taqi khitinakatix wawanïtax yatipkani ukanakaxa, nayampiw larusipxarakini.

Salmos 107:9

Umat pharjatanakaruw um churi, manq'at awtjatanakarusti jilarkir manq'a churaraki.

Salmos 119:136

Umjamaw jachax nayranakaxat warasi, yatichäwiman jan yäqatätap layku.

Salmos 143:6

Juma tuqiruw amparanakax luqtansma, waña uraqir uñtataw jumatjam pharjayasta.

Salmos 17:15

Nayasti kusisitaw jikxatasï; ajanuy ajanu jumar uñkatasina, ¡uñatatkä ukkhax nayraqataman jikxatasisina!

Salmos 28:7

Tatituw jach'a ch'aman arxatirixaxa; juparuw taqpach katuyasta, jupasti yanapt'ituwa. Chuymaxax kusisitawa, Tatituruw q'uchü, yuspagararakï.

Salmos 65:4

4 (5) Juman ajllit jaqix kusisiñaniwa, juma jak'an jakañapataki, qullan utaman utjasiñapataki. ¡Utaman utjir yänakampiy kusisiyapxita, qullan churäwinakamampiy phuqt'apxita!

Isaías 25:6

Taqi ch'aman Tatitusti, taqi markanakatakiw Jerusalén markan mä suma manq'äwi wakichani, suma manq'anakampi, suma vinonakampi.

Isaías 30:19

Jerusalenan jakir israelitanaka, janiw juk'ampi jachkxapxätati. Yanap mayisisa arnaqasitamatxa, Tatituw khuyapt'ayasïtam, arnaqasitam ist'asinsti jaysarakïtamwa.

Isaías 66:10

Tatitux siwa: “Jumanakax Jerusalén markarux wal munasipxta, jupamp chikaw jachapxta, jichhax wal kusisipxam, jupamp chikarak kusisipxam;

Jeremías 13:17

Jumanakatix jan ist'asipkätaxa, jach'a jach'a tukupxatamat jamasan jachä; nayranakaxatsti jachanakaw warasinini, Tatitun tamapar katuntat apasxatap layku.

Jeremías 31:25

Qarjatanakaru, jan ch'aman sarnaqirinakarusti manq'añampi, umañampi jilarkir churarakï” sasa.

Jeremías 31:9

Tatitur yuspagarasa, jacht'asisarakiw kuttanxapxani. Nayasti jalir uma thiyanakaruw jupanakar irparakï, jan liwisipxañapatakisti, mä suma khuskhachat thakhinjam irparakï. Nayaw Israelan awkipätxa, jupasti jilïr yuqall wawaxarakiwa.

Jeremías 9:1

1 (23) ¡Nayranakaxan jachapax mä uma jalsjamakïspa, walja jalir umanakjama, ukhamata markaxan jiwarat jaqinakata uruy aruma jachañaxataki!

Ezequiel 7:16

Mulljat palomanakjamas qullunakar jaltapxpan, juchanak lurapxatapat jiwarasipkakipuniniwa.

Ezequiel 9:4

juparusti sarakïnwa: “Jerusalén marka muytam, ukatsti uka markan jan wali luräwinakap layku llakt'ata jikxatasir jaqinakan parapar mä chimpu uchäta” sasa.

Mateo 5:4

“Kusisiñanïpxiw t'aqhisirinakaxa, jupanakax chuymachatäpxaniwa.

Mateo 5:6

“Kusisiñanïpxiw aski kankañ utjañap munirinakaxa, jupanakax phuqhat uk katuqapxani.

Lucas 1:53

Manq'at awtjatanakarux askimpiw phuqt'i, qamirinakarusti jan kunan khithanuku.

Lucas 6:20

Jesusasti yatiqirinakapar uñkatasaw säna: “Kusisiñanïpxtaw jan kunaninakaxa, Diosan qhapaq markapax jumanakankiwa.

Lucas 6:22

“Kusisiñanïpxtaw kunapachatix jaqinakax uñisipkätam, jupanak taypit jaqunukupkätam, kunayman jan wali sapkätam, sutinakamsa ñanqha sutjam amuyapkani, Jaqin Yuqap layku ukapachaxa.

Lucas 6:25

“¡Ay, kunakïpkät jichha sist'atanaka, jumanakax awtjayasipxätawa! “¡Ay, kamachapkakït jichha larusirinaka, jumanakax llakisiñatsa jachapxätawa!

Juan 11:35

Jesusasti jachänwa.

Juan 4:10

Jesusasti juparux sänwa: —Jumax janiw yatktati kuntix Diosax churañ munktam uka, janirakiw yatktati khitïtsa nayax uka. Yatisma ukkhasti, jumaw nayarux uma mayitasma, nayasti jakkir uma churirisma —sasa.

Juan 6:35

Jesusasti jupanakarux sänwa: —Nayätwa jakañ churir t'ant'axa. Nayan ukar jutirix, janiw mayampis manq'at awtjayaskxaniti; nayar iyawsiristi, janiw mayampis umat pharjayaskxaniti.

1 Corintios 4:11

Jichhürkamas manq'at awtjata, umat pharjata, isit jalstataw sarnaqapxta; jaqis uñisipxituwa, janiw utanïpkaraktsa,

2 Corintios 11:27

Walja kutiw irnaqäwinakan jan walt'añanakan uñjasta; walja kutiw jan ikin uñjasta; manq'atsa awtjata umatsa pharjataw sarnaqta; walja kutiw jan manq'atäkti; thayansa thayjata, isitsa jalstataw sarnaqta.

2 Corintios 12:10

Ukat t'ukhasiñanakaxat kusista, jisk'achayasitanakaxata, pist'ayasiñanakaxata, Cristo layku arknaqat uñjasitaxata, jan walt'añanak t'aqhisitaxat kusista, kunapachatix wali t'ukha uñjaskta ukkhasti, juk'ampi ch'amaniw tukta.

2 Corintios 6:10

Llakitäpkirista ukham uñjasipxta, ukampis kusisitakipunïsipktwa; jan kunanïpkirista ukham uñjasipxta, ukampis waljaniruw qamiriptayapxta; janis kunanïpkirista ukhamäpxtwa, ukampis janiw kunas pist'apkituti.

Santiago 1:12

Yant'ar ch'amampi atipjir jaqix kusisiñaniwa, yant'ar atipjirix jakañ pillu waxt'äwjam katuqani, Diosax jupar munirinakar churañatakiw arsuwayi.

Apocalipsis 21:3

Ukatsti jach'a aru ist'arakta qhapaq qunuñat art'asiniri: “¡Akaxay, Diosax jichhax jaqinak taypin jaki! Jupanakampiw jakani, jupanakasti markapäniwa, Dios kipkarakiw jupanakampïni, jupanakan Diosaparakïniwa.

Apocalipsis 7:16

Janiw manq'atsa umatsa t'aqhiskxapxaniti, janirakiw intis nakhantkaniti, lupis jupanakar jan walt'aykarakiniti,