Lucas 6:20 - Qullan Arunaka DC

²⁰ Jesusasti yatiqirinakapar uñkatasaw säna: “Kusisiñanïpxtaw jan kunaninakaxa, Diosan qhapaq markapax jumanakankiwa.

Aymar Bibliia 1986

²⁰ Jesusasti ucapachawa discipulonacapar uñtasinjj saraqui: “Cusisiñanïpjjtaw jumanaca pobrenacajja, Diosan reinopasti jumanacanquiwa.

Qullan Arunaca

²⁰ Jesusasti ucapachawa discipulonacapar uñtasinjj saraqui: “Cusisiñanïpjjtaw jumanaca pobrenacajja, Diosan reinopasti jumanacanquiwa.

Lucas 6:20 Jak'a apnaqawi uñst'ayäwi

Salmos 37:16

Aski jaqin mä juk'ak utjatapaxa, ñanqha jaqin yänakapat sipansa wali askiwa.

Proverbios 16:19

Jan yäqat jaqinakamp jisk'ar tukuñax juk'amp askiwa, jach'a jach'a tukur jaqinakamp qamirkipstañat sipana.

Proverbios 19:1

Jan kunani, chiqa kankañan jaqïñax juk'amp askiwa, jan yatiñan k'arintasir jaqïñat sipana.

Isaías 29:19

Llamp'u chuymani jaqinakasti, jan kunani jaqinakasa, Qullan Tatitun kusisipxani.

Isaías 66:2

¡Taqi akanak nayaw amparaxamp lurta, taqi kunas nayankiwa! Naya Tatituw uk arsta. “Kawkïr jaqirutix nayax uñtkta ukaxa, jan kunani, llakt'at sarnaqki, arunakaxsa sum phuqkaraki uka jaqiwa.

Sofonías 3:12

Nayasti jumanak taypirux llamp'u chuymani, aski jaqinak jaytawayä, jupanakasti nayar iyawsas sarnaqirïpxaniwa.

Zacarías 11:11

Ukürpachaw uka arust'äwix t'unjat uñjasïna, uñch'ukisipkitäna uka oveja alakipanakasti, kuntix nayax lurkäyäta uka tuqi Tatitun parlaskatap amuyapxäna.

Mateo 11:5

Juykhunakax uñjxiwa, kayu usutanakas sarnaqxiwa, lepra usuninakax q'umachatäxiwa, uqaranakas ist'xiwa, jiwatanakax jaktxiwa, jan kunaninakarus qhispiyasiñan utjatapax yatiyatäxarakiwa.

Mateo 25:34

Ukapachaw Reyix kupïxapankirinakar sani: ‘Jumanakax jutapxam, Awkixan qullananakapa, aka uraqi qalltatpacha jumanakatak wiñay jakañ wakichatäkis uk katuqapxam.

Mateo 5:1

Jesusax walja jaqinak uñjasinxa, mä qulluruw makhatäna ukat qunt'asïna. Ukatsti yatiqirinakapax jupan ukaruw jak'achasipxäna,

Lucas 12:32

“Jisk'a tama ovejanakaxa, jan axsarapxamti, Dios Awkimax khuyapayasiñapan qhapaq markap churañ munapxtam.

Lucas 13:28

Ukan wararipxäta, laka ch'akhanakamsa t'urusipxäta, Abrahamampi, Isaacampi, Jacobumpi, taqi profetanakamp Diosan qhapaq markapankatap uñjasina, jumanakasti anqar jaqunukutäpxätawa.

Lucas 14:15

Uk ist'asinsti, manq'añatak qunt'atäpkän ukanakat mayniw Jesusar säna: —Diosan qhapaq markapan jach'a manq'äwin manq'irix kusisiñaniwa.

Lucas 16:25

Abrahamasti juparux sänwa: ‘Wawa, amtasim, jumax jakañaman askinak katuqtaxa, Lazarosti jan walinak katuqi. Jichhasti akan jupax kusisiñ katuqxi, jumarusti t'aqhisiñaw wakt'tam.

Lucas 4:18

“Tatitun Ajayupaw nayxanki, jan kunaninakar suma yatiyäwinak churañatakiw ajllisitu; llakt'atanakar chuymachiriw khithanitu, katuntatanakar qhispiyasiñ yatiyäwinak yatiyiriw khithanitu, juykhunakar uñatatayiri, t'aqhisiyatanakar qhispiyiri,

Hechos 14:22

Uka markanakansti Tatitur iyawsirinakarux ch'amañcht'apxänwa, ixwt'apxarakïnwa: “Tatitur iyawsañanakaman ch'aman sayt'apxam. Diosan markapar mantañatakix, t'aqhisiñax wakisipuniwa” sasa.

2 Corintios 6:10

Llakitäpkirista ukham uñjasipxta, ukampis kusisitakipunïsipktwa; jan kunanïpkirista ukham uñjasipxta, ukampis waljaniruw qamiriptayapxta; janis kunanïpkirista ukhamäpxtwa, ukampis janiw kunas pist'apkituti.

2 Corintios 8:2

Jupanakax yant'anakan jikxatasipkchïn ukasa, wali kusisitäpxiwa; jan kunanïpkchi ukasa, qamirinakäkaspas ukham taqi chuymaw waxt'äwinakap churapxi.

2 Corintios 8:9

Jumanakasti yatipxtawa, Jesucristo Tatitusax munasiñapan qamirïkasin jumanak laykux jan kunanir tukuwayi, ukhamat jupan jan kunan tukutapampix jumanakan qamirkipstapxañamataki.

1 Tesalonicenses 1:6

Jumanakasti nanakar uñtasa, Cristor uñtasaw arkapxtaxa, ukatsti wali jach'a t'aqhisiñanak taypinsa, kusisiñampiw Qullan Ajayun yatiyäwip katuqapxtaxa.

2 Tesalonicenses 1:5

Taqi ukanakax, Diosan chiqapar uñjirïtap uñachayistu; Diosan qhapaq markapar mantañatak askïpxañamataki, uka laykuw t'aqhisisipkaraktaxa.

Santiago 1:12

Yant'ar ch'amampi atipjir jaqix kusisiñaniwa, yant'ar atipjirix jakañ pillu waxt'äwjam katuqani, Diosax jupar munirinakar churañatakiw arsuwayi.

Santiago 2:5

Munat jilatanakaxa, aka arunak ist'apxam: Diosax aka uraqin jan kunaninakaruw ajllisi, jupanakan iyawsañan qamirïpxañapataki, ukhamat Diosan qhapaq markap mä waxt'äwjam katuqapxañapataki, jupar munirinakatakiw uk arsuwayi.

Apocalipsis 2:9

Nayax taqi luräwinakam yatta, t'aqhisitamsa, pist'añan sarnaqatamsa yatiraktwa, ukampis ajay tuqin qamirïtawa. ‘Judiöpxtwa’ siri jaqinakan jumxat jan wali parlatanakap yatiraktwa, ukampis chiqpachan jupanakax supayan tamapankasipkiwa.

1 Samuel 2:8

Diosaw pisi utjirinirux jan walt'añanakat apsu, mayjasir jaqirusti t'unanak taypit waysuraki, aytat jaqinak taypin qunt'ayañataki. ¡Tatitunkiw taqi akapachaxa!