Lucas 4:7 - Qullan Arunaka DC

⁷ Jumatix nayar killt'asisin yupaychitätaxa, taqpachaw jumankxani —sasa.

Aymar Bibliia 1986

⁷ Jumatejj nayar quillt'asisin yupaychitätajja, takpachaw jumancjjani —sasa.

Qullan Arunaca

⁷ Jumatejj nayar quillt'asisin yupaychitätajja, takpachaw jumancjjani —sasa.

Lucas 4:7 Jak'a apnaqawi uñst'ayäwi

Salmos 72:11

¡Taqpach reyinakax jupa nayraqatar killt'asipxpan! ¡Taqpach markanakarak juparux luqtapxpan!

Isaías 45:14

Tatitusti Israelarux siwa: “Egiptonkir yapu lurir jaqinakasa, Etiopiankir alakipa lurir jaqinakasa, Jabá chiqankir jach'a jaqinakasa, jumatakiw alt'asipxani, juman t'aqhisiyat jaqinakamäniwa, juman qhipamarak cadenampi ñach'antat sarapxani, juma nayraqatar killt'asisinsti sapxaniwa: ‘Chiqpachapuniw Tatitux jumanak taypinkaski, janiw yaqha diosax utjkiti” sasa.

Isaías 46:6

Yaqhip jaqinakax quripsa qullqipsa ina ch'usaruw tukjapxi, diosanak luriri mä jaqiruw jikxatapxi, mä dios lurañapatakiw quripsa qullqipsa churapxi; ukatsti uka diosar killt'asisaw yupaychapxi.

Mateo 2:11

Utar mantasinsti wawarux, María taykapampïskir jikxatapxäna; ukatsti killt'asisin wawarux yupaychapxäna. Imasiñanakap jist'arasinsti, quri, incienso, mirra uka churäwinak juparux katuyapxäna.

Lucas 17:16

Jupasti Jesusan nayraqataparuw killt'asïna, ajanupsa uraqkam alt'asaw jupar yuspagaräna. Aka jaqisti Samaria markankirïnwa.

Lucas 4:6

sarakïnwa: —Nayax taqi akapach markanakan munañanïñapampi, jach'a kankañapamp churäma. Taqi akanaksti nayaw katuqta, khitirutix nayax churañ munkta ukaruw churarakï.

Lucas 4:8

Jesusasti supayarux siwa: —Saraqit nayat, supaya; Qillqatan siwa: “Tatit Diosamaruw yupaychäta, jupa saparukiw arkäta” —sasa.

Lucas 8:28

Jesusar uñjasinsti jupan nayraqataparuw killt'asi, arnaqt'asisa: —¡Jesús, alaxpachankir Diosan Yuqapa!, ¿kuna lurañamas nayamp utji? Achikt'assmawa, janiy t'aqhisiyistati —sasa.

Apocalipsis 22:8

Naya, Juanaw, ist'ta, taqi ukanak uñjarakta. Ukanak ist'asa, uñjasasti, uñacht'aykitu uka angelan nayraqataparuw jupar yupaychañatak killt'asta.

Apocalipsis 5:8

ukatsti ukspachaw, uka pusi jakaskirinakasa, uka pä tunka pusin jilïrinakas Cordero nayraqatan killt'asipxäna. Sapa maynin arpax utjäna, inciensompi phuqt'ata qurit lurat qiru ast'atkamarakïnwa, uka inciensosti Diosan markapan mayisitanakapänwa.