Lucas 4:41 - Qullan Arunaka DC

⁴¹ Ñanqha ajayunakasti walja usutanakat akham arnaqt'asisaw mistxapxäna: —¡Jumax Diosan Yuqapätawa! —sasa. Ukampis Jesusax uka ñanqha ajayunakarux tuqinuqänwa, janiw jupanakarux arsuykänti, jupanakan Cristötap yatipxatap layku.

Aymar Bibliia 1986

⁴¹ Walja usutanacataracwa ñankha ajayunacajj mistjjapjjäna aqham arnakt'asisa: —¡Jumajj Diosan Yokapätawa! —sasa. Ucampis Jesusajj tokenokänwa uca ñankha ajayunacarojja. Uqhamasti janiw jupanacarojj arsuycänti, jupanacajj jupan Cristötapa yatipjjatap laycu.

Qullan Arunaca

⁴¹ Walja usutanacataracwa ñankha ajayunacajj mistjjapjjäna aqham arnakt'asisa: —¡Jumajj Diosan Yokapätawa! —sasa. Ucampis Jesusajj tokenokänwa uca ñankha ajayunacarojja. Uqhamasti janiw jupanacarojj arsuycänti, jupanacajj jupan Cristötapa yatipjjatap laycu.

Lucas 4:41 Jak'a apnaqawi uñst'ayäwi

Mateo 26:63

Jesusasti janiw kuns arskänti. Ukat sacerdotenakan jilïripax jupar säna: —Jakkir Diosan sutipxaruw chiq arsuñamatak maysma. Sapxita: ¿Jumax Diosan Yuqapa Cristötati? —sasa.

Mateo 4:3

Supayasti Jesusar yant'añatakiw jak'achasïna, akham sasa: —Jumatix Diosan Yuqapästa ukaxa, aka qalanakar t'ant'ar tukuyam —sasa.

Mateo 8:16

Jayp'u tuqirusti ñanqha ajayun mantat jaqinak irpanipxäna; Jesusasti mä sapa arsutapampikiw uka ñanqha ajayunakarux alissüna, ukhamarak yaqha usutanakarus k'umaraptayäna.

Mateo 8:29

jupanakasti wali jach'at art'apxäna: —¡Jesús, Diosan Yuqapa, nanakampix jan kuns luramti! ¿Janïräkipanti nanakar t'aqhisiyir jutta? —sasa.

Mateo 8:4

Jesusasti juparux sarakïnwa: —Jan khitirus uk yatiyamti, jan ukasti sacerdoter uñachayasir saram, ukatsti Moisesan yatichäwiparjam mä luqta churam, ukhamat sacerdotenakan nayraqatapan k'umaräxatam uñstañapataki —sasa.

Marcos 1:25

Jesusasti uka ñanqha ajayurux tuqinuqänwa: —¡Amukt'am, uka jaqit misturakim! —sasa.

Marcos 1:32

Inti jalanta sujsthapirusti, Jesusan ukaruw taqi usutanakampiru, ñanqha ajayun mantat jaqinakampir irpanipxäna,

Marcos 1:34

Jesusasti kunayman usutanakaruw k'umaraptayäna, jaqinakatsti kunayman ñanqha ajayunak alissüna; janirakiw uka ñanqha ajayunakarux kunsa arsuykänti, khitïkäntix Jesusax uk jupanakan uñt'apxatap layku.

Marcos 3:11

Ñanqha ajayunakasti Jesusar uñjasinxa, nayraqatapar killt'asisin jach'at wararipxäna: —¡Jumax Diosan Yuqapätawa! —sasa.

Lucas 4:39

Jesusasti jupa tuqir alt'asin uka usuparux tuqinuqäna, ukat ukspachaw uka usupax apaqtxäna. Ukspachaw jupax sayt'asïna, ukat jupanakar manq'a churarakïna.

Juan 20:31

Ukampis kunanakatix akan qillqatäki ukanakax Jesusan Cristötapa, Diosan Yuqapätap iyawsapxañamatak qillqatawa, jupar iyawsasinsti, wiñay jakañ katuqapxañamataki.

Santiago 2:19

Jumasti mä sapa Diosan utjatap iyawstaxa, uk iyawsasasti walik lurasktaxa; ukampis supayanakax ukham iyawsaraki, axsarañatsti khathatipxarakiwa.