Lucas 4:23 - Qullan Arunaka DC

²³ Jesusasti jupanakarux sänwa: —Jichhax jumanakax aka säwi sapxitäta: “Qulliri, jumapach qullasim” sasa. Ukatsti sapxarakitätawa: “Kunanaktix Cafarnaúm markan lurktas ukanak aka markaman lurarakim” —sasa.

Aymar Bibliia 1986

²³ Jesusasti jupanacarojj sänwa: —Jichhajj jumanacajj sapjjetätaw aca säwi: “Kolliri, jumapach kollasim” sasa. Ucatsti sapjjaraquitätawa: “Cunanactejj Capernaum marcanjj lurctas ucanacjja aca marcamanjja luraraquim” —sasa.

Qullan Arunaca

²³ Jesusasti jupanacarojj sänwa: —Jichhajj jumanacajj sapjjetätaw aca säwi: ‘Kolliri, jumapach kollasim’ sasa. Ucatsti sapjjaraquitätawa: ‘Cunanactejj Capernaum marcanjj lurctas ucanacjja aca marcamanjja luraraquim’ —sasa.

Lucas 4:23 Jak'a apnaqawi uñst'ayäwi

Mateo 13:54

ukatsti Nazaret markaparuw purxäna, ukansti sinagogan yatichañ qalltäna. Ist'apkän uka jaqinakasti wal muspharasipxäna, sapxarakïnwa: —¿Kawkitarak aka jaqisti ukham yatiñ kankañ yatiqanpachasti? ¿Kunjämatarak uka muspharkañanak lurpachasti?

Mateo 4:13

Ukampis janiw Nazaret markar qhiparkänti, jan ukasti Cafarnaúm markar jakiriw sarxäna; uka markasti Galilea quta thiyankänwa, Zabulón, Neftalí uka ayllunakan uraqipana.

Mateo 4:23

Jesusax Galilea uraqpach muytäna, sinagoganakan Diosan qhispiyasiñ arunakap yatiyasa, usutanakar k'umaraptayasa, ayquñanakap apaqasa.

Marcos 6:1

Jesusax uka chiqat markaparuw kuttawayxäna, yatiqirinakapasti jupamp chikaw sarxapxarakïna.

Lucas 2:39

Tatitun kamachiparjam taqi kun phuqhasinsti, Galilea uraqinkir Nazaret markaparuw kuttxapxäna.

Lucas 2:51

Ukat Jesusax jupanakamp chik Nazaret markar kuttxäna, ukatsti jupanakar ist'asaw sarnaqäna. Taykapasti taqi akanak chuymaparuw imäna.

Lucas 4:16

Jesusax Nazaret markaruw sarxäna, kawkhantix jupax jilkatayna ukaru. Sábado urunsti, saraparjamaw sinagogar mantäna, ukatsti Qillqatanak ullart'añatakiw sayt'asïna.

Lucas 4:31

Ukatsti Jesusax Galileankir Cafarnaúm sat markaruw sarxäna; ukansti sábado urux jaqinakaruw yatichäna.

Lucas 4:35

Jesusasti ñanqha ajayurux akham sasaw tuqinuqäna: —¡Amukt'am, aka jaqitsti mistum! —sasa. Ukapachaw ñanqha ajayux taqinin uñjkañ jaqirux uraqir jaqunuküna, ukat jan usuchjasaw jaqit mistuwayxäna.

Lucas 6:42

¿Kunjämarak jilamarusti sañ muntasti, ‘Jilata, nayramat uka jisk'a q'añu apst'äma’ sasa, juman nayraman mä jach'a lawa utjaskipansti? ¡K'ari chuyman jaqi!, nayraqat nayramankkis uka jach'a lawa apsusim, ukat jumax jilaman nayrapan jisk'a q'añux utjkis uk apsuñatak sum uñjäta.

Juan 4:28

Warmisti wakullap jaytawayasin markaruw saräna, ukansti jaqinakaruw yatiyäna akham sasa:

2 Corintios 5:16

Ukat nanakax jan khititsa akapachan amtäwinakaparjam lup'kxapxti; nayrapachax uka amtäwinakarjam Cristot lup'ipkchïyäta ukasa, jichhax janiw jupat ukham lup'kxapxti.