Lucas 4:18 - Qullan Arunaka DC

¹⁸ “Tatitun Ajayupaw nayxanki, jan kunaninakar suma yatiyäwinak churañatakiw ajllisitu; llakt'atanakar chuymachiriw khithanitu, katuntatanakar qhispiyasiñ yatiyäwinak yatiyiriw khithanitu, juykhunakar uñatatayiri, t'aqhisiyatanakar qhispiyiri,

Aymar Bibliia 1986

¹⁸ “Tatitun Ajayupaw nayjjanqui, suma yatiyäwinac pobrenacar churañataquiw ajllisitu; llact'at chuymanacar kolliriw qhitanitu, carcelanquirinacar khespita sarnakañat yatiyiriraqui, uqhamarac juyqhunacarus uñatatayiri; t'akhesiyatanacarus khespiyiriraqui;

Qullan Arunaca

¹⁸ “Tatitun Ajayupaw nayjjanqui, suma yatiyäwinac pobrenacar churañataquiw ajllisitu; llact'at chuymanacar kolliriw qhitanitu, carcelanquirinacar khespita sarnakañat yatiyiriraqui, uqhamarac juyqhunacarus uñatatayiri; t'akhesiyatanacarus khespiyiriraqui;

Lucas 4:18 Jak'a apnaqawi uñst'ayäwi

Génesis 3:15

Warmimpi jumampisti wiñayaw timasipxäta, uka warmin wawanakapampi, juman wawanakamampis timasipxarakiniwa. Warmin wawapasti p'iqit takxatätam, jumasti kayu wintut achjarakïta —sasa.

2 Crónicas 34:27

aka chiqataki, ukhamarak jaqinakap tuqi arsutaxa ist'asin chuymam ch'allxtayasitamata, nayatak jisk'ar tukutamata, isinakam ch'iyanuqasitamata, nayan nayraqataxan jachatamatxa, nayax jumar ist'smawa. Naya, Tatituw sisma.

Salmos 102:20

20 (21) katuntatanakan ayqutanakap ist'añataki, jiwañatak juchañchatanakar qhispiyañataki;

Salmos 147:3

Jupaw chuyma usuchjatanakarux waliptayi, chhuxrinakapsa k'umaracharaki.

Salmos 2:2

Akapach reyinakax mayacht'asipxiwa, jilïr jaqinakax mä amtañaruw puripxi, Tatitumpiru, ajllit reyipampir qallkatañataki.

Salmos 2:6

“Naya pachpaw reyixarux ajllista, Sión, qullan qullux patxaruw utt'ayta” sasa.

Salmos 34:18

18 (19) Tatitux llakimpi aynacht'atanakan jak'apankaskiwa, aynacht'at chuymap qhispiyañatakix jak'apankaskiwa.

Salmos 45:7

7 (8) Aski kankañarux munastawa, ñanqharusti uñistawa. Ukat Diosamax jumar ajllistam, masinakam taypin kusisiñampiw phuqhanttam.

Salmos 51:17

17 (19) Diosatak chiqpach luqtäwix llamp'u chuyma luqtañawa; ¡Diosay, llamp'uptat chuymarux janiw jumax jisk'achktati!

Isaías 32:3

Nayranakapampisti walpun uñatatasipxani, taqi kunsa suma amuyumpiw ist'apxani;

Isaías 35:5

Ukapachaw juykhunakax uñjapxani, uqaranakas ist'apxarakini;

Isaías 42:7

Juykhunakarusti uñjayañam munta, katuntatanakarus carcelat irpsuñamataki, kawki ch'amaka manqhanakantix jakapki ukata.

Isaías 45:13

Nayaw Ciro reyirux atipjañapatak uchta, thakhinakapsti sumaruw tukuyta; jupaw Jerusalén marka wasitat sayt'ayxani, Babilonia markan katuntat israelitanakarusti qullqi jan mayisaw antutxarakini.” Taqi ch'amani Tatituw ukham arsu.

Isaías 49:9

katuntatanakarus sapxañamataki: ‘Jichhax antutatäxapxtawa’ sasa, ch'amakankirinakarusti: ‘Qhanar mistunxapxam’ sañataki. Taqi thakhi chiqanakansti walja chhuxllanak jikxatapxäta, kawki wasara qullunakansa uywanakamatakix chhuxlla jikxatapxakïtawa.

Isaías 50:4

Khitinakatix chuyma usutäpki, qaritäpki ukanakar chuymachañatakiw Tatitux yatichitu. Sapa qhantatiw nayarux sartayitu, jupan mä suma yatiqiripjama, ukhamat suma yatichäwinakap katuqañataki.

Isaías 57:15

Alaxpachankir Tatitu, khititix wiñayatak jakki, sutipasti qullanäkaraki, ukax akham siwa: “Nayax alay qullan chiqan jakta, ukampis khititix alt'at chuymani, llakt'ata sarnaqki ukarux ch'amañcharaktwa.

Isaías 59:21

Tatitux siwa: “Nayaw jumanakampix mä arust'äwi lurta, arsuraktwa, ch'amaxasa, yatichäwinakax churapksma ukanakasa, janipuniw jumanakatxa juk'ampi jayarst'kxaniti, janirakiw wawanakamatsa jayarst'kxaniti, ukanakasti wiñayatakipunïniwa” sasa.

Isaías 61:1

Tatitun ajayupax nayxankiwa, jupaw nayarux yaqhachasitu; jan kunaninakar suma yatiyäwinak yatiyiriw khithanitu, llakt'atanakaru chuymachiri, katuntatanakar antutat sarnaqasiñ yatiyiri, carcelankirinakar antutat sarnaqasiñ churiri,

Isaías 66:2

¡Taqi akanak nayaw amparaxamp lurta, taqi kunas nayankiwa! Naya Tatituw uk arsta. “Kawkïr jaqirutix nayax uñtkta ukaxa, jan kunani, llakt'at sarnaqki, arunakaxsa sum phuqkaraki uka jaqiwa.

Ezequiel 9:4

juparusti sarakïnwa: “Jerusalén marka muytam, ukatsti uka markan jan wali luräwinakap layku llakt'ata jikxatasir jaqinakan parapar mä chimpu uchäta” sasa.

Daniel (hebreo) 9:24

“ ‘Paqallq tunka semanaw mäkipañapa, markaman jakirinakamxaru, qullan markamxaru, mutuyäwinakan tukusxañapataki, ñanqha luräwinakat pampachäwi jikxatañataki, wiñayatak aski kankañ utt'ayañataki; unañchäwimpi profecía arunakampi phuqhasiñapataki, Qullan utax q'umachata luqtatäxañapataki.

Sofonías 3:12

Nayasti jumanak taypirux llamp'u chuymani, aski jaqinak jaytawayä, jupanakasti nayar iyawsas sarnaqirïpxaniwa.

Zacarías 11:11

Ukürpachaw uka arust'äwix t'unjat uñjasïna, uñch'ukisipkitäna uka oveja alakipanakasti, kuntix nayax lurkäyäta uka tuqi Tatitun parlaskatap amuyapxäna.

Malaquías 4:2

2 (20) Ukampisa, khitinakatix nayar axsartas sarnaqapkta ukanakatakixa, chiqapar uñjañaxax intir uñtataw k'ajani, qhanapasti jaqinakatakix qhispiyasiñ apanini. Jumanakasti kusisiñata jalnaqapxäta kunjämtix vaca qallunakax uyut mistusax jalnaqapki ukhama.

Mateo 11:5

Juykhunakax uñjxiwa, kayu usutanakas sarnaqxiwa, lepra usuninakax q'umachatäxiwa, uqaranakas ist'xiwa, jiwatanakax jaktxiwa, jan kunaninakarus qhispiyasiñan utjatapax yatiyatäxarakiwa.

Mateo 12:18

“¡Uñkatapxam nayan ajllitaxaru, khitirutix nayar luqtañapatak jawsaskta ukaru! Nayax juparux wal munasta, jupasti nayarux kusisiyituwa. Nayan Ajayuxsti jupxaruw uchä, jupasti chiqa kankañax taqi markanakar yatiyani.

Mateo 12:20

Usuchjatanakarux janiw juk'amp usuchjkaniti, niya jiwirpacharusti janirakiw jiwaykaniti. Jan ukasti, ñanqt'atanakarux ch'amañchaniwa, chiqapar uñjañampi atipjaykani ukürkama.

Mateo 4:16

Ch'amakankir jaqinakax mä jach'a qhan uñjapxi; mä suma qhanaw qhanti jiwañ ch'amakan jakapki ukanakataki” sasa.

Mateo 5:3

“Kusisiñanïpxiw Tatitur taqi chuyma alkatirinakaxa, jupanakankiw Diosan qhapaq markapaxa.

Lucas 4:17

Juparusti Isaías profetan qillqatap churapxäna, jist'arasinsti akham qillqat jikxatäna:

Lucas 6:20

Jesusasti yatiqirinakapar uñkatasaw säna: “Kusisiñanïpxtaw jan kunaninakaxa, Diosan qhapaq markapax jumanakankiwa.

Lucas 7:22

Ukat Jesusax jupanakar säna: —Sarapxam, ukatsti kuntix uñjapkta, ist'apkarakta ukanak Juanar yatiyanipxam. Kunjämtix juykhunakax uñjki, kayu usutanakas sarnaqki, lepra usuninakas q'umachat uñjaski, uqaranakas ist'ki, jiwatanakas jaktki, jan kunaninakarus qhispiyasiñ arunakax churatäkaraki taqi ukanak yatiyapxam.

Juan 1:41

Andresax janïr kunäkipan Simón jilapar thaqhirix saräna, ukat sarakïna: —Cristoruw jikxatapxta —sasa.

Juan 12:46

Nayax qhanätwa, ukat akapachar qhantir jutta. Khititix nayar iyawskitani ukax janiw ch'amakan sarnaqkaniti.

Juan 3:34

Diosan khithanitapax Diosan arunakap parli, Diosax Ajayup jilarkir churatap layku.

Hechos 10:38

Diosaw Qullan Ajayun ch'amap jupar churarakïna. Jesusax askinak lurasaw sarnaqäna, supayan munañapan t'aqhisiyat jakapkän uka jaqinakar k'umarachasa, Diosan jupampïtap laykuw taqi ukanak luräna.

Hechos 26:18

Jupanakan nayranakap jist'arañamataki, jan juk'amp ch'amak thakhin sarnaqapxañapataki. Jan juk'amp supayan apnaqatäsipkañapataki, jan ukasti Diosar arkapxañapataki; nayar iyawsasin juchanakapat pampachäwi katuqapxañapataki, Diosan ajllit markap taypin churäwi katuqapxañapataki’ sasa.

Hechos 4:26

Akapach reyinakax mayacht'asipxiwa, jilïr jaqinakax mä amtañaruw puripxi, Tatitumpiru, ajllit Cristompir qallkatañataki” sasa.

Hechos 4:27

“Chiqpachansa, aka markan mayachasipxi Herodesampi, Poncio Pilatompi, romano jaqinakampi, Israel markampi qullan Jesús luqtirimar jiwayañataki, khitirutix nanakan reyixatak ajlliskta ukaru.

Colosenses 1:13

Diosax ch'amakanakan munañapat qhispiyistu, Jesucristo Yuqapan qhapaq markaparuw irpantistu,

Santiago 2:5

Munat jilatanakaxa, aka arunak ist'apxam: Diosax aka uraqin jan kunaninakaruw ajllisi, jupanakan iyawsañan qamirïpxañapataki, ukhamat Diosan qhapaq markap mä waxt'äwjam katuqapxañapataki, jupar munirinakatakiw uk arsuwayi.

1 Pedro 2:9

Ukampis jumanakax Tatitunkiritak ajllitäpxtawa, reyir luqtir sacerdotenakäpxtawa; mä q'uma markäpxtawa; Diosan ajllisit markapäpxtawa. Ukatpï, Diosan muspharkañ luräwinakap yatiyapxañamaxa, Diosaw jumanakarux ch'amakat irpsusinxapxtam, suma muspharkañ qhanapar mantxapxañamataki.