Lucas 4:12 - Qullan Arunaka DC

¹² Jesusasti supayarux sarakïnwa: —Qillqatan sarakiwa: “Janiw Tatit Diosamar yant'ätati” —sasa.

Aymar Bibliia 1986

¹² Jesusasti Supayarojj saraquïnwa: —Kellkatanjja saraquiwa: “Janiw Tatit Diosamar yant'ätati” —sasa.

Qullan Arunaca

¹² Jesusasti Supayarojj saraquïnwa: —Kellkatanjja saraquiwa: ‘Janiw Tatit Diosamar yant'ätati’ —sasa.

Lucas 4:12 Jak'a apnaqawi uñst'ayäwi

Salmos 106:14

Khä ch'usa wasaran Diosarux yant'apxäna, munatanakaparjamaw manq'a mayipxäna.

Salmos 95:9

nayra awkinakamax luräwinakax uñjkasasa, nayarux yant'apxitänwa.

Malaquías 3:15

Jiwasax uñjtanwa, jach'a jach'a tukurinakax kusisitäpxiwa, qhuru jaqinakatakisti jan walinak lurkasas taqi kunas jupanakatakix sumakipuniwa, Tatiturus yant'apxarakiwa, ukampis janiw kuna mutuñsa Tatitut katuqapkiti’ ” sasa.

Mateo 4:7

Jesusasti ukxarux sänwa: —Diosan arupan qillqatarakiwa: ‘Janiw Tatitu Diosamarux yant'ätati’ —sasa.

Lucas 4:13

Ukham supayax jan kunjämat Jesusar yant'ar puriyirjamäsaxa, mä juk'a pachatakiw Jesusat jithiqtawayäna.

1 Corintios 10:9

Janirak Tatiturux yant'kañäniti, kunjämtix jupanakat yaqhipanakax lurapkän ukhama, ukham luratapatsti katarinakan achjataw jiwarapxäna.

Deuteronomio 6:16

“Janirak jumanakan Tatit Diosamarux yant'apxamti, kunjämtix Masá chiqan lurapkta ukhama.