Lucas 3:11 - Qullan Arunaka DC

¹¹ Juanasti jupanakarux sänwa: —Khititix pä isinïki ukaxa, jan isinir may churañapawa; khititix manq'añanïki ukax, jan manq'añanïki ukampiw manq'asiñapa.

Aymar Bibliia 1986

¹¹ Juanasti jupanacarojj saraquïnwa: —Qhititejj pä camisanïqui ucajj mayjja jan camisaniru churjjañapawa; qhititejj mank'añanïqui ucajj jan mank'añanïqui ucamp mank'asiñapawa.

Qullan Arunaca

¹¹ Juanasti jupanacarojj saraquïnwa: —Qhititejj pä camisanïqui ucajj mayjja jan camisaniru churjjañapawa; qhititejj mank'añanïqui ucajj jan mank'añanïqui ucamp mank'asiñapawa.

Lucas 3:11 Jak'a apnaqawi uñst'ayäwi

Ezequiel 18:7

janiw khitirus t'aqhisiykiti, jan ukasti manuniparux kuntix manu lanti katuqkatayna uksa kutt'ayxarakiwa; janiw khititsa lunthatkiti, manq'añapatsti khititix jan manq'añanïki ukarus churarakiwa, jan isinirusa ist'ayarakiwa;

Daniel (hebreo) 4:27

27 (24) Ukhamïpansti, reyixay, kuntix iwxkäma ukarux jaysitaya: taqi kuns chiqaparupun uñjam, janirak juk'amp juchachaskxamti, ñanqha luräwinakam apanukum, jan kunaninakar yanapt'arakim. Inas ukhamat juma reyix sumankañampina, qamir kankañampin jakaskakchisma’ ” sasa.

Mateo 25:40

Reyisti jupanakarux saniwa: ‘Qhanak sapxsma, jumanakatix aka jan yäqat jila masinakaxar ukanak lurapxstaxa, nayaruw lurasipkista’ sasa.

Lucas 11:41

Jumanakax chuymanakamatay churäwinakam luqtapxamxa, ukhamat taqpachax q'umäxani.

Lucas 18:22

Jesusax uk ist'asin sänwa: —Ukampis may jan phuqktati: taqi kunatix utjktam ukanak aljaram, ukatsti jan kunaninakar churam, ukapachaw qamir kankañamax alaxpachan utjätam, ukatsti nayar arkita —sasa.

Lucas 19:8

Ukatsti Zaqueox sayt'asisin Tatiturux säna: —Tatay, yänakaxat chikatpach jan kunaninakar churxä; maynirutix lunthatsta ukarux, pusi ukkhampi kuttayxä —sasa.

Juan 13:29

Judasan qullqi katurïtapatxa, mayninakax amuyapxänwa, Jesusax Pascua urutak alanim siskaspas ukhama; jan ukax, jan utjirininakar qullqi churam siskaspas ukhama.

Hechos 10:2

Jupasti khuyapayasir jaqïnwa, taqpach utapankirinakapamp chikaw Diosar yupaychäna. Jupax judionakar yanapañatak walja qullqi churarakirïna, Dios chuyma jaqïtap laykux, jupax Tatitur mayisipunirïnwa.

Hechos 10:31

Jupasti sarakituwa: “Cornelio, Diosax mayisitanakam ist'iwa, pist'añan sarnaqirinakar khuyapayatanakamas Diosan nayraqatapan askit uñt'atarakiwa.

Hechos 10:4

Corneliosti wali axsarasaw angelar uñkatasin jiskt'i: “¿Kunach, Tata?” sasa. Angelasti siwa: “Diosax mayisitanakam ist'iwa, pist'añan sarnaqirinakar khuyapayatanakamas Diosan nayraqatapan askit uñt'atawa.

Efesios 4:28

Lunthatasirix jan juk'ampi lunthataspati, jan ukasti amparapampi irnaqañar uchaspan, ukhamat jan kunaninakar yanapt'añatakis utjarapini.

1 Timoteo 6:17

Aka uraqinkir qamirinakarux sañamawa: Jan jach'a jach'a tukupxpati, qamir kankañaparus janirak alkatasipxpati, ukanakasti tukusirikiwa. Nayraqatax jakkir Diosar katuyasipxpan, khititix taqi kunsa kusisit jakañasatak jilarkir churkistu ukaru.

1 Timoteo 6:18

Kunatix askïk uk lurapxañapatak iwxt'am, aski luräwinakan qamirkipstapxpan, ukatsti kunatix jupanakan utjki uk mayninakar churañatakix jank'akïpxarakpan.

Hebreos 6:10

Diosax chiqapar uñjiriwa, kuntix jumanakax lurapkta ukat janiw armaskaniti, qullan markankir jilatanakar munasiñ uñacht'ayatamatsa, yanapt'atamatsa, jichhakamas ukham lurasipkaktawa.

Santiago 1:27

Dios Awkir q'uma chuymampi arkañax akanakawa: Wajchanakaru, ijmanakaru, llakitanakar yanapt'aña, ukatsti akapach q'añu lurañanakampix janirak q'añuchasiña ukawa.

Santiago 2:14

Munat jilatanakaxa, ¿kuna askirakïspa maynitix saspa: “Nayax iyawsañanïtwa” sasa, ukat janirak lurañamp phuqkaspa ukasti? ¿Uka iyawsañapasti qhispiyaspati?

1 Juan 3:17

Ukampis mayni qamiritix jilapan pist'ayasitap yatkasin jan khuyapt'ayaskchi ukaxa, ¿kunjämarak Diosan munasiñapasti chuymapan utjaspasti?

1 Juan 4:20

Ukampis maynitix saspa: “Nayax Diosaruw munasta” sasa, ukat jilapar uñisiskarakchi ukax k'ari jaqïskiwa. Maynitix jilapar uñjkasin jan munaskchixa, ¿kunjämarak Diosar jan uñjkas munasispasti?