Lucas 24:39 - Qullan Arunaka DC

³⁹ Uñxatapxam amparanakaxsa, kayunakaxsa, nayäskapuntwa. Llamkt'apxita, uñkatapxarakita, mä ajayux janiw janchinïkisa, janirakiw ch'akhanïkisa, ukampis nayax janiw ukhamäkti —sasa.

Aymar Bibliia 1986

³⁹ Uñjjatapjjam amparanacajjsa uqhamarac cayunacajjsa, nayäsctwa. Llamct'apjjeta uqhamarac uñcatapjjeta, mä ajayojj janiw janchinïquisa, ni ch'aqhanïquisa, ucampis nayajj janiw uqhamäcti —sasa.

Qullan Arunaca

³⁹ Uñjjatapjjam amparanacajjsa uqhamarac cayunacajjsa, nayäsctwa. Llamct'apjjeta uqhamarac uñcatapjjeta, mä ajayojj janiw janchinïquisa, ni ch'aqhanïquisa, ucampis nayajj janiw uqhamäcti —sasa.

Lucas 24:39 Jak'a apnaqawi uñst'ayäwi

Eclesiastés 12:7

Uka qhipatsti laq'ax uraq laq'aruw kuttxani, kunjämäkäntix nayrax ukhama, ajayusti khititix churkän uka Diosaruw kutkatxani.

Números 16:22

Moisesampi, Aaronampisti ajanup uraqir puriñkamaw alt'apxäna, Tatiturux sapxarakïnwa: —Tatit Diosay, jumaw taqi jaqinakarus jakañ churtaxa, ¿mä sapa jaqin juchap laykukiti taqpach markatak q'apisïtasti? —sasa.

Lucas 23:46

Jesusax jach'at art'asïna akham sasa: —¡Awkixay, amparamaruw ajayux katuyasxsma! —sasa. Uk arsusin jiwawayxäna.

Lucas 24:38

Jesusasti jupanakarux sänwa: —¿Kunatarak mulljasipxtasti? ¿Kunatarak pächasiñasti chuymanakaman utjisti?

Lucas 24:40

Uk sasinsti Jesusax amparanakapampi kayunakapamp uñacht'ayasïna.

Juan 20:20

Ukatsti, amparapampi, ch'illapamp uñacht'ayäna. Yatiqirinakasti Tatitur uñjasin wal kusisipxäna.

Juan 20:25

Ukat maynïr yatiqirinakax Tomasirux sapxäna: —Tatituruw uñjapxta —sasa. Ukampis Tomasix sänwa: —Janitix amparanakapan clavompi p'iyjat uñjkä, luk'anaxampis uk jan llamkt'kä, ch'illaparus amparaxampi jan llamkt'karakï ukax, janiw iyawskäti —sasa.

Juan 20:27

Ukatsti Tomasiruw säna: —Luk'anamamp amparanakax llamkt'am, ukat uñxatarakim; ukatsti amparamamp ch'illax llamkt'am. Jan pächasimti; jan ukasti, iyawsam —sasa.

Hechos 1:3

Jesusax jiwatat jaktasinxa, jupa kipkaw jupanakar uñstäna, ukhamat chiqpachapun jaktxatapat uñacht'ayasa. Pusi tunka urun walja kutiw apostolunakapar uñstäna, Diosan qhapaq markapxat parlarakïna.

1 Tesalonicenses 5:23

Sumankañ churir Diosax jumanakarux qullanar tukuypan, juparak taqpach jakañam impan, ajayumsa, almamsa, janchimsa jan akch'a q'añuni, Jesucristo Tatitusan jutañapkama.

Hebreos 12:9

Ukhamarus kunapachatix wawanakäkäyätan ukkhax, janchi awkinakasax chiqachistänwa, jiwasanakasti ist'arakïyätanwa. ¿Jichhasti janit ukat juk'ampi jakañ jikxatañatak alaxpach Awkisar ist'añasasti wakiskisti?

1 Juan 1:1

Kunatix qalltatpach utjkäna, kuntix nanakax ist'apkta, kuntix uñjapkarakta ukanakat qillqanipxsma. Nanakaw uñjapxta, amparanakaxampiw llamkt'apxarakta. Ukasti jakañ Aruwa.