Lucas 23:5 - Qullan Arunaka DC

⁵ Ukampis jupanakax juk'amp ch'amampiw sasipkakïna: —Taqi Judeankir jaqinakaruw yatichäwinakapampi mayjt'ayi. Galileat qalltani, jichhas akan ukham luraskakiwa —sasa.

Aymar Bibliia 1986

⁵ Jupanacasti sasipcaquïnwa juc'amp ch'amampi: —Take Judeanquir jakenacaruw yatichäwinacapampi mayjt'ayi. Galileat kalltani, ucatsti lurascaquiw acäcansa —sasa.

Qullan Arunaca

⁵ Jupanacasti sasipcaquïnwa juc'amp ch'amampi: —Take Judeanquir jakenacaruw yatichäwinacapampi mayjt'ayi. Galileat kalltani, ucatsti lurascaquiw acäcansa —sasa.

Lucas 23:5 Jak'a apnaqawi uñst'ayäwi

Salmos 22:16

16 (17) Jan wali jaqinakax anunakjamaw q'al muyuntitu; amparanakaxsa, kayunakaxsa q'al jurqhiritu.

Salmos 57:4

4 (5) Jaqnuqataw uraqin uñjasta, jaqi manq'an leonanak taypinjam jikxatasta; laka ch'akhanakapax lanzanakjama, mich'inakjamawa, laxrapax ari espadar uñtatarakiwa.

Salmos 69:4

4 (5) Ina ch'usat uñisirinakaxax ñik'utanakaxat sipansa juk'amp jilawa; ina ch'usat nayar uñisipxitu, jiwayañpun munapxitu; jan lunthataskta ukanak kutiyañatakiw wayt'apxitu.

Mateo 11:1

Kunapachatix Jesusax tunka payan yatiqirinakapar iwxt'añ tukuyxän ukkhasti, jak'ankkis uka markanakaruw Diosan arunakap yatichir sarxäna.

Mateo 2:1

Kunapachatix Herodesax uka markan reyïkän ukapachaw Jesusax Judea uraqina, Belén markan yurïna. Jerusalén markarusti amawt'a jaqinakaw inti jalsu tuqit purinipxäna,

Mateo 27:24

Pilatosti jaqir inamay arxayatap amuyasïna, jaqinakan juk'ampi uxtatap uñjasasti, uma aptayanïna, ukatsti taqi jaqin uñjkañaw amparanakap uka umampi jariqasïna, akham sasa: —Aka jaqin wilap wartañatakix janiw nayax kuna juchanïktsa; jumanakaw juchanïsipkäta —sasa.

Mateo 4:23

Jesusax Galilea uraqpach muytäna, sinagoganakan Diosan qhispiyasiñ arunakap yatiyasa, usutanakar k'umaraptayasa, ayquñanakap apaqasa.

Marcos 1:14

Juanar carcelt'apkän uka qhipatsti, Jesusax Galilearuw saräna, Diosan suma yatiyäwi arunakap yatiyasa.

Lucas 11:53

Kunapachatix Jesusax ukawjat sarxän ukkhasti, kamachi yatichirinakampi, fariseonakampix walpun jupatakix arusipxäna, ukat juparux wal jiskhintapxäna,

Lucas 23:23

Jupanakasti Jesusar ch'akkatayañatakix jach'at arnaqasipkakïnwa; ukham arnaqapxatap laykuw kuntix munapkän uk jikxatapxäna.

Lucas 23:6

Uk ist'asinsti, Pilatox jupanakaruw jiskt'äna: ¿Aka jaqix Galileankiriti?, sasa.

Juan 1:43

Qhipürusti Jesusax Galilea tuqiruw sarañ amtäna, Feliper jikxatasinsti, juparuw säna: —Arkita —sasa.

Juan 19:15

Judionakasti juk'ampiw art'apxäna: —¡Cruzar ch'akkatam! ¡Cruzar ch'akkatam! —sasa. Pilatosti jupanakarux jiskt'änwa: —¿Jumanakan reyimarut ch'akkatästi? —sasa. Sacerdotenakan jilïrinakapasti sapxarakïnwa: —Nanakan reyixax Cesarakiwa, janiw juk'amp yaqha reyix utjapkituti —sasa.

Juan 2:11

Kuntix Jesusax Galilea uraqinkir Caná markan lurkän ukax nayrïr muspharkañ luräwipänwa; uka luräwimpiw ch'amap uñacht'ayäna, yatiqirinakapasti juparux iyawsapxarakïnwa.

Juan 7:41

Mayninakasti sapxänwa: —Akax Cristowa —sasa. Ukampis mayninakax sapxarakïnwa: —¿Kamisarak Cristosti Galileat jutaspasti?

Juan 7:52

Juparusti sapxarakïnwa: —¿Jumax Galileankirirakïtati? Qillqatanak sum yatxatam, ukat yatïta jan khiti profetas Galileat jutatapa —sasa.

Hechos 10:37

Judea uraqin luraskäna uk jumanakax yatxapxtawa. Taqi kunas Galilea markan qalltäna, Juanax Nazaretankir Jesusar bautiskän uka qhipata.

Hechos 23:10

Ch'axwañax juk'ampïxänwa, soldadonakan jilïripasti axsarañat säna: “Pablor jisk'a jisk'a tukjapxakispawa” sasa. Ukat soldadonak jawsayanïna, judionak taypit Pablor irpsusin cuartelar wasitat irpantayxäna.

Hechos 5:33

Uk ist'asinsti, jilïrinakax walpun q'apisipxäna, apostolunakar jiwayañ munapxarakïna.

Hechos 7:54

Uka arunak ist'asinti, Jach'a Tantachäwinkir jilïrinakax Estebanatak walpun q'apisipxäna, laka ch'akhanakapsa t'urusipxarakïnwa.

Hechos 7:57

Ukampis jupanakax jinchunakap llupantasipxäna, ukatsti jach'at art'asin mayak Estebanarux katuntapxäna.