Lucas 23:2 - Qullan Arunaka DC

² Pilato nayraqatan juchañchañ qalltapxäna akham sasa: —Aka jaqirux markasar pixtuskir katjapxta. Ukatsti ‘Impuestox janiw Romankir emperadorarux churañäkiti’ siwa, ukhamarus nayax ‘Cristötwa’ sarakiwa, mä arunsti ukax ‘rey’ sañ muni —sasa.

Aymar Bibliia 1986

² Ucanwa juchañchañ kalltapjjäna aqham sasa: —Aca jakerojj jakenacasar pejjtusquirwa jicjjatapjjta: “Impuestjja janiw romano emperadorarojj pagañasäquiti” siwa, uqhamaraquiw “Cristöt” saraquiwa, mä arunsti ucajj “rey” sañ muni.

Qullan Arunaca

² Ucanwa juchañchañ kalltapjjäna aqham sasa: —Aca jakerojj jakenacasar pejjtusquirwa jicjjatapjjta: ‘Impuestjja janiw romano emperadorarojj pagañasäquiti’ siwa, uqhamaraquiw ‘Cristöt’ saraquiwa, mä arunsti ucajj ‘rey’ sañ muni.

Lucas 23:2 Jak'a apnaqawi uñst'ayäwi

1 Reyes 18:17

Jikxatasinsti juparux sänwa: —Ukhamaxa, ¿jumätati Israel markar ukataqi jan walt'ayirixa? —sasa.

Salmos 35:11

K'ari irkatirinakaw nayatakix uñsti, kuntix jan yatkta uk jiskhipxitu.

Salmos 62:4

4 (5) Nayar tinkuyañak lup'isipki; k'arisiñax walpun kusisiyi. Lakakiw jach'añchapxitu, chuymampisti ñanqhachapxituwa.

Jeremías 20:10

Jaqinakan jisk'at parlasitanakapsa ist'araktwa: “¡Taqi chiqansa axsarañakiw utjaski!” sasa. “¡Jutapxam, juchañchapxañäni!” sapxiwa. Pachpa masinakaxas nayan pantjasiñax suyt'apxi. “Inas sallqjayaschini; ukat atipjañäni, jupatsa phuqsusirakiñäni” sapxarakiwa.

Jeremías 38:4

Ukatsti uka jilïrinakax reyir sapxarakïnwa: —Jeremiasarux jiwayañawa, ukham parlatapampix kawkïr soldadonakatix markar qhiparapki, kawkïr jaqinakatix aka markankapki ukanakaruw ch'ama thayjtayi. Aka jaqix janiw aka markan askipa munkiti, jan ukasti aka markan aynacht'añap muni —sasa.

Amós 7:10

Betel markan Amasías sacerdotepaxa, Israel markan Jeroboam reyipar yatiyiriw khiti: “Amós chachax israelita jaqinakaruw jumar ñanqhachañatak amtayaski. Markasti janiw juk'ampi ukham parlaykaspati.

Zacarías 11:8

Mä phaxsinak kimsa awatirinakar alisnukta, jupanakatak munasiñaxan pist'atapata, ukhamarak nayar uñisipxatapata.

Mateo 17:27

Ukampis jupanakar jan mayjt'ayañatakix qutar saram, ukatsti chawlla katuñ anzuelo umar jaquntam, kawkïr chawlltix katkäta ukan lakapan mä qullqi jikxatäta. Uka qullqsti nayampita jumampit qullqi churañäki uk churanxam —sasa.

Mateo 22:21

Jupanakasti sapxänwa: —Cesarankiwa —sasa. Jesusasti jupanakarux sarakïnwa: —Cesarankki ukxa, Cesarar churapxam, Diosankkis uksti, Diosarurak churapxam —sasa.

Mateo 27:11

Ukatsti Jesusax marka apnaqirin nayraqatapar irpatänwa, marka apnaqiristi jiskt'arakïnwa: —¿Jumätati judionakan reyipaxa? —sasa. Jesusasti sarakïnwa: —Jumaw sasktaxa —sasa.

Marcos 12:17

Ukxarusti Jesusax jupanakarux sarakïnwa: —Cesarankki uk Cesarar churapxam, Diosankki uksti Diosarurak churapxam —sasa. Jupanakasti uk ist'asinxa wali muspharataw qhiparapxäna.

Marcos 15:2

Pilatosti Jesusarux jiskt'änwa: —¿Chiqat jumax judionakan reyipätaxa? —sasa. Jesusasti ukxarux sänwa: —Jïsa, ukhamapunïskiwa, jumaw sasktaxa —sasa.

Lucas 23:14

ukat sarakïna: —Jumanakaw aka jaqirux nayan ukar irpanipxtaxa: “Jaqiruw pixtu” sasa, nayasti jumanak nayraqatan jiskt'arakta, ukatsti jumanakan juchañchatanakamat janiw kuna juchsa jikxatkti.

Lucas 23:5

Ukampis jupanakax juk'amp ch'amampiw sasipkakïna: —Taqi Judeankir jaqinakaruw yatichäwinakapampi mayjt'ayi. Galileat qalltani, jichhas akan ukham luraskakiwa —sasa.

Juan 18:29

Ukat Pilatox jupanakamp parlir mistunïna, ukatsti sarakïnwa: —¿Kunatarak aka jaqirusti juchañchapxtasti? —sasa.

Juan 18:30

Jupanakasti sapxarakïnwa: —Janitix jach'a juchanïkaspa ukaxa, janiw juman ukar irpanipkiristti —sasa.

Juan 19:12

Pilatosti ukapachatpach Jesusar antutañ munäna; ukampis judionakax jach'at art'apxäna: —¡Aka jaqirutix antutnukütaxa, janiw Cesaran jila masipäktati! ¡Khititix reyir tukuñ munki ukax, Cesar emperadoran uñisiripawa! —sasa.

Hechos 24:13

Janirakiw aka jaqinakax taqi kunanakattix juchañchapkitu ukanakat irkatapkitaspati.

Hechos 24:5

Aka jaqix markar jan walt'ayir jaqiwa. Taqi chiqan judionakarux ch'axwayi, pitthapiraki, nazareno sat tamankirinakan p'iqichiripawa.

Romanos 13:7

Taqinirus wakisitaparjam churapxam: Qullqi churañächi ukasti, churapxam; impuestonak churañächi ukasti, churapxam; yäqañ wakischi ukasti, yäqapxam, jach'añchañ wakischi ukasti, jach'añchapxam.