Lucas 22:70 - Qullan Arunaka DC

⁷⁰ Ukatsti taqiniw jiskt'apxäna: —Ukhamasti, ¿jumax Diosan Yuqapätati? —sasa. Jesusasti jupanakarux sänwa: —Jïsa, jumanakpachaw sasipktaxa —sasa.

Aymar Bibliia 1986

⁷⁰ Ucspachaw takeni jisct'apjjäna: —¿Uqhamasti jumajj Diosan Yokapätati? —sasa. Jesusasti jupanacarojj sänwa: —Jïsa, jumanacpachaw sasipctajja —sasa.

Qullan Arunaca

⁷⁰ Ucspachaw takeni jisct'apjjäna: —¿Uqhamasti jumajj Diosan Yokapätati? —sasa. Jesusasti jupanacarojj sänwa: —Jïsa, jumanacpachaw sasipctajja —sasa.

Lucas 22:70 Jak'a apnaqawi uñst'ayäwi

Salmos 2:7

Tatitun arsutap yatiyä: Jupax situwa: “Jumaw nayan wawaxätaxa: jichhüruw jumarux jakañ chursma.

Mateo 26:25

Aljantkani uka Judasasti, akham sasaw Jesusar jiskt'äna: —Yatichiri, ¿nayätti? —sasa. Jesusasti juparux sänwa: —Jïsa, jumätawa —sasa.

Mateo 26:64

Jesusasti sarakïnwa: —Jumaw uk sasktaxa. Nayasti sapxaraksmawa, Jaqin Yuqaparux ch'aman Diosan kupïxapan qunt'atäskir uñjapxäta, alaxpachat qinayxan jutaskir uñjapxarakïta —sasa.

Mateo 27:11

Ukatsti Jesusax marka apnaqirin nayraqatapar irpatänwa, marka apnaqiristi jiskt'arakïnwa: —¿Jumätati judionakan reyipaxa? —sasa. Jesusasti sarakïnwa: —Jumaw sasktaxa —sasa.

Mateo 27:43

Diosaruxay jupax alkatchixa, munaschi ukax jichhax jupar qhispiypanaya. Jupasti: “Diosan Yuqapätwa” sischixaya —sasa.

Mateo 27:54

Jesusar uñjir capitanampi, soldadonakampisti, uraq khathatimpi, taqi kunatix luraskäna ukanakampi uñjasax, axsarañat sapxäna: —¡Aka jaqix chiqpachapuniw Diosan Yuqapätayna! —sasa.

Mateo 3:17

Alaxpachatsti mä aruw ist'asïna akham siri: “Akapï munat Wawaxaxa, khitirutix nayax ajlliskta ukaxa” sasa.

Mateo 4:3

Supayasti Jesusar yant'añatakiw jak'achasïna, akham sasa: —Jumatix Diosan Yuqapästa ukaxa, aka qalanakar t'ant'ar tukuyam —sasa.

Marcos 14:62

Jesusasti sänwa: —Jïsa, nayätwa. Jumanakax Jaqin Yuqaparux jach'a ch'aman Diosan kupïxapan qunt'at uñjapxäta, ukatsti alaxpach qinayanak patan jutaskir uñjapxarakïta —sasa.

Marcos 15:2

Pilatosti Jesusarux jiskt'änwa: —¿Chiqat jumax judionakan reyipätaxa? —sasa. Jesusasti ukxarux sänwa: —Jïsa, ukhamapunïskiwa, jumaw sasktaxa —sasa.

Lucas 22:71

Ukat jupanakax sapxäna: —¿Kunat juk'amp irkatirsa jichhax muntanxa? Jiwas pachpaw kipka lakapat ist'tanxa —sasa.

Lucas 23:3

Ukat Pilatox jupar jiskt'äna: —¿Jumax judionakan reyipätati? —sasa. Jesusasti sänwa: —Jumaw uk sasktaxa —sasa.

Lucas 4:41

Ñanqha ajayunakasti walja usutanakat akham arnaqt'asisaw mistxapxäna: —¡Jumax Diosan Yuqapätawa! —sasa. Ukampis Jesusax uka ñanqha ajayunakarux tuqinuqänwa, janiw jupanakarux arsuykänti, jupanakan Cristötap yatipxatap layku.

Juan 1:34

Nayasti uñjtwa, uk arsurakta: Jupapï Diosan Yuqapaxa.”

Juan 1:49

Natanaelasti sarakïnwa: —Yatichiri, ¡jumax Diosan Yuqapätawa, Israel markan Reyipa! —sasa.

Juan 10:30

Awkimpi nayampix mayakïpxtwa —sasa.

Juan 10:36

Dios pachpatix nayar ajllisin akapachar khithanchitu ukaxa, ¿kunatarak jumanakasti “nayax Diosan Yuqapätwa” sataxampi Diosarus ñanqhachkirista ukham amuyapxtasti?

Juan 18:37

Ukatsti Pilatox Jesusar jiskt'änwa: —¿Ukhamasti jumax Reyïtati? —sasa. Jesusasti sänwa: —Jumaw nayan Reyïtax arsusktaxa. Nayax ukatakiw yurta, kunatix chiqäki uk yatiyiriw akapachar jutta. Taqi khitinakatix chiqan sarnaqki ukanakax nayan arux ist'apxi —sasa.

Juan 19:7

Judeankir jilïr jaqinakasti sapxarakïnwa: —Mä kamachiw nanakan utjapxitu, uka kamachirjamasti, Diosan Yuqap tukutap laykux jiwañapawa —sasa.