Lucas 21:34 - Qullan Arunaka DC

^34-35 “Amuyasipxam, chuymanakam janiy qalarayasipxamti; jan wali lurañanakampi, machañanakampi, aka uraqin llakisiñanakampi, ukatarak taqi ukanakax akatjamat sipitar uñtat khä urux katuntasipkiristam, uka urusti akapachan jakir taqi jaqinakxaruw jutani.

Aymar Bibliia 1986

³⁴ “Amuyasipjjam, jan chuymanacamjja vicionacampi machañanacampi kalarayasipjjamti, uqhamarac aca jacañan llaquisiñanacampisa jan qhä urun jumanacajj acatjamat catjayasipjjañamataqui,

Qullan Arunaca

³⁴ “Amuyasipjjam, jan chuymanacamjja vicionacampi machañanacampi kalarayasipjjamti, uqhamarac aca jacañan llaquisiñanacampisa jan qhä urun jumanacajj acatjamat catjayasipjjañamataqui,

Lucas 21:34 Jak'a apnaqawi uñst'ayäwi

Génesis 19:32

ukhamasti awkisar machjayañäni, ukat jupampiw ikintasiñäni, ukhamat jupatak wawanïñasataki —sasa.

Génesis 19:35

Uka arumasti wasitat awkiparux vinomp machjayapxäna, sullka phuchhasti awkipampiw ikintarakïna; ukampis janirakikiw Lot chachax amuyaskänti, kunapacha phuchhapan jupamp ikintatapsa, sartxatapsa.

Génesis 27:14

Jacobusti cabritonak aptiriw saräna, ukatsti taykapan ukaruw apanïna. Rebecasti mä suma manq'a phayt'äna, kunjämtix Isaacax munirïki ukhama.

Salmos 35:8

¡Chijix akatjamat jupanakar katuntpan! ¡Pachpa sipitanakapar jalt'apxpan! ¡Jan walt'añar puripxpan!

Proverbios 21:4

Jach'a jach'a tukuñasa, wali yatiñan tukuñasa, jan walinak lup'iñas juchawa.

Proverbios 23:20

Machir jaqinakampix jan mayachasimti, janirak sinti manq'ir jaqinakampisa.

Eclesiastés 9:12

Mä tuqitxa, jaqix janiw jan walt'añan uñjasiñap yatiskiti: kunjämatix chawllanakax qänan katuntatäpki, jamach'inakas sipitar jalt'apki, ukhamarakiw jaqix jan amuyaski ukkhax jan walt'añampi katuntat uñjasi.

Isaías 28:7

Profetanakasa, sacerdotenakasa, vino umantasaw uksar aksar liwinaqtas sarnaqapxi. Tatitun unañchäwi arunakap katuqañatakix vinompi q'ala machjatäpxiwa, jan walt'añanak taripañatakis machantatäpxiwa.

Oseas 4:11

“Wachuqa juchanakan sarnaqañampi, vino machañanakampixa, jaqirux jan amuyun tukuyi.

Levítico 10:9

“Kunapachatix jumasa, yuqanakamasa Tatitump Jikisiñ Carpar mantañatakïpxäta ukapachax, janiw vinsa, kuna p'usqtat umañanaksa umapxätati, jan jiwapxañamataki. Aka arsüwisti, wawanakaman wawanakapatak mä kamachiwa,

Mateo 13:22

Ch'aphi taypir purir jathasti, suma arunak ist'ir jaqinakawa, akapach yänakat llakisitapampi, qamir yänakar munatapampiw atipjayasipxi. Taqi ukanakaw suma arunakar chhaqtayi, janirakiw chuymanakapan jiltaykiti.

Marcos 13:9

“Ukampis jumanakax amuyasipxam; markan jilïrinakaparuw jumanakarux katuyapxätam, sinagoganakansti jawq'jataw uñjasipxäta. Jumanakarusti nayar arkapxatam laykux, jupanakar nayxat qhanañchapxañamatakiw jilïrinakampina, reyinakampin nayraqatapar irpapxätam.

Marcos 4:19

jupanakax akapach yänakaruw sinti munapxi, qamiriptañ munañaw mayjt'ayi, taqi kunanïñ munapxi. Taqi ukanakaw chuymanakapar phuqhanti, Diosan arunakap q'al chhaqtayi, uka jaqisti jan achuniw uñjasi.

Lucas 10:41

Jesusasti juparux sarakïnwa: —Marta, Marta, walja lurañanakamp aynacht'atätawa,

Lucas 12:40

Ukhamasti jumanakax wakicht'atäpxam; jaqin Yuqapasti kunapachatix jan amuyasipkäta, ukapachaw jutani.”

Lucas 17:3

¡Wal amuyasipxam! “Jilamatix chuym ust'ayätamxa, tuqinuqam; pampachxit sätamsti, pampachxarakim.

Lucas 21:8

Jesusasti sänwa: —Amuyasipxam, jan sallqjayasipxamti. Waljaniw sutixar jutapxani: ‘Nayätwa Cristoxa’ jan ukax, ‘Uka urux purinxiwa’ sasa. Ukampis jan ukanakar arkapxamti.

Lucas 8:14

Ch'aphinak taypir purir jathasti, khitinakatix aru ist'apki jupanakawa, ukampis juk'at juk'at kunayman llakisiñanakampi, qamir kankañampi, akapach kusist'añanakampiw atipjayasipxi, ukhamat achu jan churapkiti.

1 Corintios 5:11

Jan ukasti, sapxäyäsmawa: Cristor iyawsirïkasin wachuq juchan sarnaqaski, mich'asiski, yaqha diosar yupaychaski, ñanqhachaski, machaski, lunthatasiski ukanakampix jan chikachasipxamti, sasa. Ukham jaqinakampix janipun manq'apxamsa.

Gálatas 5:20

idolonakar yupaychañanaka, layqasiñanaka, uñisisiñanaka, ch'axwanakan sarnaqañanaka, jan wali amtañanaka, phiñasiñanaka, jupatakik munañanaka, t'aqaqtañanaka, yaqhachasiñanaka,

Deuteronomio 29:19

19 (18) “Ukhamasti aka juramento arunak ist'asintix jumanakat khitis jupa pachpa suma jaqïtap amuyasis akham sani: ‘Taqi kunaw nayatakix walt'askani, munañaxar lurkä ukkhasa’ sasa, uka jaqiw juchanïni Diosan taqi Israel markpachar mutuyañapatakixa.

Filipenses 4:6

Janipun kunatsa llakisipxamti, taqi kunsa Diosarupun mayisipxam, ukatsti yuspagarapxarakim.

Hebreos 12:15

Janiy khitirus Diosan munasiñapax pist'pati, ukhamat jan maynis mä k'ask'a qurar uñtat jaqinakar jan walt'ayaskañapataki.

2 Pedro 3:10

Ukampis Tatitun jutañap urux akatjamat lunthatar uñtataw purinini. Alaxpachanakasti mä jach'a axsarkañ uxuñampiw t'unthaptani, kunanakatix alaxpachan utjki ukanakax ninamp tukjatäniwa, uraqisti, kunanakapatix utjki ukanakamppach Diosan taripäwipar katuyatäniwa.

2 Pedro 3:14

Ukatpï munat jilatanaka, akanak suyt'kasaxa, Tatitumpi sumankañatak ch'amachasipxam, taqi kunsa askpun lurapxam, ukhamat jupan jumanakar jan juchani, jan q'añucht'at jikxatañapataki.

Apocalipsis 3:3

Yatichäwi katuqatamat amtasimaya; ukarjam arkam, Diosar kutikipstarakim. Janitix p'arxtaskätaxa, lunthatar uñtataw akatjamat jutä, janiw kunapacha puriniñaxsa yatkätati.

1 Samuel 25:36

Abigail warmisti utapar kuttanxän ukkhaxa, Nabal chachaparux reyitakjam mä jach'a manq'äwi luraskir jikxatäna. Jupasti wali k'uchikïnwa, wali machantataraki. Ukat jupax qhipüru willjtakamax janiw kunsa chachaparux siskänti.