Lucas 21:25 - Qullan Arunaka DC

²⁵ “Ukapachax unañchanakaw uñstani: intina, phaxsina, warawaranakana; uraqinsti jaqinakax mayjt'atäpxaniwa, quta mathapinakan qhuthutitapat wal mulljasipxani.

Aymar Bibliia 1986

²⁵ “Ucapachasti unañchanacaw utjani intina, phajjsina, warawaranacana; orakensti marcanacajj mayjt'atäpjjaniwa, uqhamaraquiw sustjasipjjani kota mathapinacan ajjsarcañ khothutitanacapatjja.

Qullan Arunaca

²⁵ “Ucapachasti unañchanacaw utjani intina, phajjsina, warawaranacana; orakensti marcanacajj mayjt'atäpjjaniwa, uqhamaraquiw sustjasipjjani kota mathapinacan ajjsarcañ khothutitanacapatjja.

Lucas 21:25 Jak'a apnaqawi uñst'ayäwi

Salmos 46:3

3 (4) lamar qutan mathapinakapas qhuthutiskpan, qullunakarus uxix khathatiyaskpan.

Isaías 13:10

Uka urux intis ch'amaktxaniwa, phaxsis janiw qhantkxaniti, warawaranakas janirakiw juk'amp qhankxaniti.

Isaías 17:12

¡Ist'apxam, walja jaqinakan ch'axwatapax jach'a qutan qhuthutitapjamawa! Markanakax jach'at uxupxi jach'a jawiran qhuthutitapjama.

Isaías 24:23

Kunapachatix taqi ch'aman Tatitux reyjama taqi kunsa lurkan ukkhaxa, Sión qullunsa, Jerusalén markansa, intis phaxsis ch'amakt'aniwa, markapankir jilïrinakasti, Tatitun qhapaq kankañap uñjapxani.

Isaías 5:30

Kunapachatix chimpt'at urux purinkan uka uruxa, uka markax jach'a qutar uñtataw Israel markatakix qhuthutini, aka uraqisti q'ala ch'amakt'ayatäniwa, ch'iyara ch'amak qinayanakamp chhaqtayatäniwa.

Isaías 51:15

“Nayätwa Tatit Diosamaxa, sutixasti Taqi Ch'amani Tatitu satawa; nayaw jach'a qutxa unxtayta, uka mathapinaksa jach'aruw sartayta,

Jeremías 4:23

Uraqi uñatatta, ukasti jan amuykaña ch'usa wasarar tukutänwa; alaxpacha uñtarakta, ukansti janiw kuna qhanas utjkänti.

Daniel (hebreo) 12:1

“ ‘Ukapachaw Israel markan arxatiripa Miguel jilïr angelax uñstanini. “ ‘Ukasti llakisiñ urunakäniwa, uka urunakjamasti janipuniw kunapachas utjkänti, markanakan utjatapat aksaru. Uka urux purinkani ukapachasti, markamankirinakat qillqatan qillqantatäpki ukanakax, taqiniw qhispipxani.

Miqueas 7:4

Jupanakat walïki ukasti mä ch'aphi alir uñtatawa; chiq lurirïki ukasti yaqha ch'aphi alir uñtatarakiwa. Ukampis luräwinakapat wayt'añ urux jutaskiwa, kuntix marka uñch'ukirix yatiykäyätam uka uruxa. Ukapachaw jupanak taypin mayjt'asiñax utjani.

Mateo 24:29

“Uka llakisiñ urunak tukusxipansti, intix ch'amakt'xaniwa, phaxsis janiw qhantkxaniti, warawaranakax alaxpachat willirtaniniwa, alaxpachankir ch'amanakas ukürux khathatxaniwa.

Mateo 27:45

Ukapachasti chikürut chika jayp'ukamaw taqpach uraqix ch'amakt'äna.

Marcos 13:24

“Khä urunakansti uka t'aqhisiñanak qhipatxa, intix ch'amakt'aniwa, phaxsisti janiw qhankxaniti,

Marcos 13:26

Ukapachaw Jaqin Yuqaparux qinay taypin jutaskir uñjasini, jach'a ch'amampi, k'ajkir qhapaq kankañapampi.

Marcos 15:33

Chika ururusti akapachax niya chika jayp'ukamaw ch'amakt'äna.

Lucas 21:24

Yaqhipanakax nuwasïwin jiwarayatäpxaniwa, mayninakarusti yaqha markanakaruw katuntat apayapxani; Jerusalén markasti yaqha markat jutirinakan t'unjatäniwa, uka jaqinakan markar apnaqañapax tukuskani ukapachkama.

Lucas 21:26

Jaqinakax axsarañat samkarapxaniwa, kunatix aka uraqin luraskani uk yatisina; alaxpachan jach'a ch'amanakapamppachaw khathatini.

Hechos 2:19

Alaxpachan jach'a muspharkañanak uñacht'ayä, uraqinsti wilampi, ninampi, jiq'i qinayamp uñacht'ayä.

Apocalipsis 20:11

Ukatsti mä jach'a janq'u qhapaq qunuñ uñjarakta, ukan qunt'atäkän ukampiru. Jupan nayraqatapat uraqimpi alaxpachampix jan mayampitakiw chhaqtawayxäna, janirakiw kawkinsa wasitat uñjañäkxänti.