Lucas 21:24 - Qullan Arunaka DC

²⁴ Yaqhipanakax nuwasïwin jiwarayatäpxaniwa, mayninakarusti yaqha markanakaruw katuntat apayapxani; Jerusalén markasti yaqha markat jutirinakan t'unjatäniwa, uka jaqinakan markar apnaqañapax tukuskani ukapachkama.

Aymar Bibliia 1986

²⁴ Yakhepanacajj guerran jiwarayatäpjjaniwa, mayninacasti take marcanacaruw preso apatäpjjani; yakha marcat jutirinacaw Jerusalén marcjja tacsupjjani, cunapachcamatï uc lurañataquejj tiempojj churatäqui uca horascama.

Qullan Arunaca

²⁴ Yakhepanacajj guerran jiwarayatäpjjaniwa, mayninacasti take marcanacaruw preso apatäpjjani; yakha marcat jutirinacaw Jerusalén marcjja tacsupjjani, cunapachcamatï uc lurañataquejj tiempojj churatäqui uca horascama.

Lucas 21:24 Jak'a apnaqawi uñst'ayäwi

Génesis 34:26

Jamorampiru, Siquemampiru jiwarayasasti, Dinarux Siqueman utapat irpsunipxäna ukat sarxapxäna.

Éxodo 17:13

Josué chachasti espadampkamaw amalecitanakarux atipjäna.

Isaías 5:5

Walikiwa, jumanakaw nayan uva yapuxäpxtaxa, jichhax kuntix jumanakampi lurañ amtkta uk sapxäma: tukjatäpxañamatakix janiw arxatxapxämati, markaman pirqapsti aptxarakïwa ukhamat taksutäpxañamataki;

Isaías 63:18

Markamax mä juk'a urunakatakikiw uka qullan utamankänxa, ukampis jichhax uñisirinakaxaw uka qullan utam takisipxi.

Isaías 66:12

Ukatpï naya Tatitux sistxa: Nayaw jupxarux sumankañ mä jawirar uñtat jutayä, markanakan qamir yänakapasti, mä jach'a jawirjamaw jupxarux jutani. Jupaw jumanakarux manq'ayapxätam, amparaparuw ichxart'asipxätam, qunqurinakapxar qunt'ayasaw munart'asipxätam.

Isaías 66:19

Nayax mä chimpu churapxäma: ukatsti yaqha markanakaruw khithapxäma, Tarsis, Libia, Lidia, Tubal, Grecia markanakaru, ukhamarak quta tuqinkir jaya markanakaru, uka markanakasti janipuniw nayxat parlir ist'apxirïkänti, janirakiw nayan jach'a kankañaxsa uñjapxirïkänti; uka khithatanakaw nayan jach'a kankañaxat markanakar yatiyapxani.

Lamentaciones 1:15

Tatitux khitinakatix ch'amampi nayar arxatapkitäna ukanakarux jayaruw apanuku. Nayar nuwantañatakisti mä ejército khithanukuni, ukhamat ch'aman jaqinakaxar tukjañataki. ¡Tatitux ukhampach nayarux takxatitu, uvar uñtataw ch'irwsurakitu!

Daniel (hebreo) 12:7

Lino isimp isthapit chachasti, alaxpachar amparap luqtasaw, jakkir Diosan sutipxar juramentompi arsüna akham sasa: ‘Kimsa mara chikatanita, kunapachatix Diosan markapax jan juk'amp t'aqhisiyat uñjaskxani ukapachaw taqi akanakax tukusxani’ sasa.

Daniel (hebreo) 8:13

Ukatsti ist'araktwa, mä angelaru yaqha ángel masipar jiskt'askiri: ‘¿Wilañchanak sapür luqtasiñ chiqawjan lurapki ukanakax, kunapachas tukusxani? ¿Kunapachkamarak Tatitusti qullan utapan juchachasiñanak utjayaskakinisti? ¿Kunapachkamarak iyawsirinakapar takisipxanisti?’ sasa.

Daniel (hebreo) 9:27

Mä semanan uka jan wali reyix walja jaqinakamp suma arust'äwir mantani, chika semanarusti waxt'äwinak luqtasiñanaksa jark'xaniwa, wilañchanak luqtasiñ altaransti, jan walinak lurasaw Tatitur ñanqhachasini. Uka qhipatsti, Tatitux khititix jan walinak luras jupar ñanqhachki ukarux t'unjaniwa.’ ”

Malaquías 1:11

Taqi akapach uraqin nayarux jach'añchapxitu, taqi chiqanakan nayar jach'añchasax incienso q'aphiyapxi, ukatsti q'uma waxt'äwinakarak luqtapxitu.

Lucas 21:25

“Ukapachax unañchanakaw uñstani: intina, phaxsina, warawaranakana; uraqinsti jaqinakax mayjt'atäpxaniwa, quta mathapinakan qhuthutitapat wal mulljasipxani.

Romanos 11:25

Jilatanaka, nayax Diosan jamasan imantatäki uk yatipxañam munta, ukhamat jan jumanakax yatiñaninakjam tukusipkañamataki: yaqhip israelitanakax chuymanakap qalarayasipxi, ukasti jan israelitanakäpki ukanakan mantañapkamakiwa.

Hebreos 11:34

jan jiwarkay ninsa jiwarayapxänwa, espadampi jiwayatäñatsa jaltapxarakïnwa, jan ch'amanïkasas ch'am apsusaw nuwasiñatakix sayt'asipxäna, uñisirinakapan ejercitopar atipjasa.

Apocalipsis 11:2

Ukampis uta anqäxäkis ukxa janiw tupt'kätati, ukasti jan judiöpkis uka jaqinakar katuyatäxiwa, uka jaqinakasti pusi tunka payan phaxsiw Jerusalén qullan marka apnaqapxani.