Lucas 2:32 - Qullan Arunaka DC

³² Jupäniw taqi markanakar qhantir qhanaxa, Israel markamar jach'ar aptirisa” sasa.

Aymar Bibliia 1986

³² Juparaquiw take marcanacar khantir khanajja, jupäniw Israel marcamaru jach'ar aptirejja” sasa.

Qullan Arunaca

³² Juparaquiw take marcanacar khantir khanajja, jupäniw Israel marcamaru jach'ar aptirejja” sasa.

Lucas 2:32 Jak'a apnaqawi uñst'ayäwi

Salmos 85:9

9 (10) Diosax jak'asankapuniwa, iyawsirinakapar qhispiyañatakixa; qhapaq kankañapasti uraqisan utjasini.

Isaías 11:10

Uka uru purinkan ukkhasti, Davidat mayni saraqiripaw uka marka apnaqañatak qunt'asini, taqi markanakaruw mayawjar tantacht'ani. Markapasti jach'ar aptatäña, ch'amanirakiw tukuni.

Isaías 4:2

Uka urux purinkani ukapachasti, jupanakax taqi kunan phuqt'ataw suman jakasxapxani. Markaxasti wali jach'ar tukt'asaw jakxani, kuna achunaktix uraqipax churkani taqi ukanakata. Khitinakatix Jerusalén markan qhiparapkani ukanakarusti, janiw taqinir mutuykäti, pachpa markan jakapxañapatakiw wakichä, ukatsti “Tatitun ajllit markapa” sas sutichatäpxaniwa.

Isaías 45:25

Nayïpan taqi Israel markax atipjani, nayankatapatsti wal kusisirakini.”

Isaías 49:6

“Nayax Israel markan ayllunakapar tantacht'iriw khitsma, markapar kuttayanxiriw khitsma. Ukampis uka luräwix juk'akïspawa. Ukatpï jumarux markanakan qhanapar tukuyämaxa, qhispiyasiñaxsa aka uraqi tukusin utjkis uka markanakar apañamataki.”

Isaías 49:9

katuntatanakarus sapxañamataki: ‘Jichhax antutatäxapxtawa’ sasa, ch'amakankirinakarusti: ‘Qhanar mistunxapxam’ sañataki. Taqi thakhi chiqanakansti walja chhuxllanak jikxatapxäta, kawki wasara qullunakansa uywanakamatakix chhuxlla jikxatapxakïtawa.

Isaías 51:4

“Markanaka, ist'apxita, jach'a markanaka sum ist'apxita: Nayaw yatichäwinakax qhanañchä, kamachinakaxasti markanakatakix mä irpäniwa.

Isaías 60:19

“Urusti janiw intin qhanañapax munaskxaniti, arumasti janirakiw phaxsin qhanañapas munaskxaniti, jan ukasti naya, Tatitu Diosamaw juman wiñay qhanamäyäxa.

Isaías 9:2

2 (1) Ch'amakan jakir markax mä jach'a qhan uñjani; ch'amakan jakir jaqinakatakix mä suma qhanaw qhantani.

Jeremías 2:11

Diosar jan uñt'ir mä markan diosanakap apanukutapa, uka diosanakapax jan chiqa diosäpkchi ukasa. Ukampis markaxax nayarux apanukuwayituwa, nayax chiqpach Diosäkta ukasa, jan kunatak inamay idolonak laykukiw apanukuwayapxitu.

Zacarías 2:5

5 (9) Naya kipkaw mä nina uyur uñtat Jerusalén markaxar muyuntä, marka taypinsti jach'a kankañax uñacht'ayä. Naya Tatituw uk arsta.’ ”

Mateo 4:16

Ch'amakankir jaqinakax mä jach'a qhan uñjapxi; mä suma qhanaw qhanti jiwañ ch'amakan jakapki ukanakataki” sasa.

Lucas 2:10

Angelasti jupanakarux sänwa: “Jan axsarapxamti, suma yatiyäwinak apanta, akasti taqi markpachatak wali kusisiñäniwa.

Lucas 2:31

juparusti taqi jaqinak nayraqataruw uchtaxa.

Hechos 26:23

“Cristo Tatitux jiwañapapunïnwa, jiwasinsti, juparakiw jiwatanak taypit nayraqat jaktañapäna, jaktasinsti, Diosan qhanapat markasankir jaqinakaru, yaqha markankir jaqinakar yatiyañaparaki” sasa.

Hechos 28:28

Yatipxam, jichhürut uksarux Diosan qhispiyasiñapax, jan judío jaqinakaruw yatiyasiski, jupanakasti ist'apxaniwa —sasa.

1 Corintios 1:31

Kunjämtix Qillqatax siski ukarjama: “Maynitix jach'achasiñ munchixa, Tatitut jach'achaspan” sasa.

Apocalipsis 21:23

Uka markatakix janiw intisa, phaxsisa qhanañapatak munaskiti, Diosan k'ajatapa qhantayatap layku, qhaniripasti Corderowa.