Lucas 17:2 - Qullan Arunaka DC

² Uka jaqin mä jach'a qalamp kunkat chinuntasin qutar jaquntatäñapax askïspawa, aka jisk'anakat maynir juchar puriyañapat sipansa.

Aymar Bibliia 1986

² Asquïsapänwa, uca jakejj mä molino kalamp cuncata chinuntasin kotar jakontatäñapajja, aca jisc'anacat maynir juchar puriyañapat sipansa.

Qullan Arunaca

² Asquïsapänwa, uca jakejj mä molino kalamp cuncata chinuntasin kotar jakontatäñapajja, aca jisc'anacat maynir juchar puriyañapat sipansa.

Lucas 17:2 Jak'a apnaqawi uñst'ayäwi

Isaías 40:11

Kunjämatix mä awatirix ovejanakap sum uñjasixa, ukhamarakiw jupax amparapar ovejanak ichxart'asi, jichha wawachat ovej qallunakarus sum uñjaraki.

Zacarías 13:7

Taqi ch'aman Tatitux siwa: “¡Sartasim espada, ajllit reyixaru jiwayam! ¡Munat awatirixar jiwayam, ukhamat markaxax ovejanakar uñtat aywitatani, nayasti saraqirinakaparux q'ala tukjarakï!

Mateo 17:27

Ukampis jupanakar jan mayjt'ayañatakix qutar saram, ukatsti chawlla katuñ anzuelo umar jaquntam, kawkïr chawlltix katkäta ukan lakapan mä qullqi jikxatäta. Uka qullqsti nayampita jumampit qullqi churañäki uk churanxam —sasa.

Mateo 18:10

“Ukhamasti janipun aka jisk'alalanakat maynirus jisk'achapxamti. Nayasti sapxsmawa, jupanakan angelanakapax alaxpachan sapürupuniw Awkixan nayraqatapankasipki.

Mateo 18:14

Uka pachparakiwa, alaxpachankir Awkimax janiw aka jisk'alalanakat khitinsa chhaqhañap munkiti.

Mateo 26:24

Jaqin Yuqapax Qillqatarjamaw phuqhaski, ukampis ¡kunakïkan Jaqin Yuqapar katuntayir jaqitakixa! Jupan jan yuriñapax walïsapänwa —sasa.

Marcos 9:42

“Khititix nayar iyawsir jisk'a wawanakar juchar puriyaspa ukkhaxa, uka jaqix mä jach'a molino qalampi kunkar chinuntasin quta manqhar jaquntatäñapax walïspawa.

Juan 21:15

Manq'añ tukuyatatsti, Jesusax Simón Pedroruw jiskt'äna: —Simón, Juanan yuqapa, ¿jupanakat sipan juk'ampit munasista? —sasa. Pedrosti juparux sänwa: —Jïsa, Tatay, jumaw nayan jumar munasitax yattaxa —sasa. Jesusasti juparux sänwa: —Ukhamax ovejanakaxar awatim —sasa.

1 Corintios 9:15

Ukampis janipuniw nayax kun katuqañatakis maykti, janirakiw mä kun nayar churapxañamatakis qillqanipksmati. Ukham lurkpachaxa, askïspaw nayan jiwxañaxaxa. ¡Janiw khitis uka kusisiñ apaqkitaspati!

1 Corintios 9:22

Kunapachatix pisi iyawsañan jilatanakampi chikäkäyät ukkhaxa, jupanakjamarakiw tukta, jupanakan Cristor iyawsapxañapataki. Mä arunxa, jupanakjamaw tukta, ukhamat mä qawqhanis qhispitäpxañapataki.