Lucas 15:8 - Qullan Arunaka DC

⁸ “Jan ukax, ¿khiti warmisa tunka qullqinïsax may chhaqhayasispa ukaxa, janit micha qhantayasisax utap sum pichskaspa uka qullqi jikxatañkam thaqkarakispaxa?

Aymar Bibliia 1986

⁸ “¿Jan ucajj, qhiti warmich tunca sencill kollkenïsajj may chhakayasinjj jan lampar khantayasisajj wali amuyumpi utap pichsusquejj jicjjatañcamajja?

Qullan Arunaca

⁸ “¿Jan ucajj, qhiti warmich tunca sencill kollkenïsajj may chhakayasinjj jan lampar khantayasisajj wali amuyumpi utap pichsusquejj jicjjatañcamajja?

Lucas 15:8 Jak'a apnaqawi uñst'ayäwi

Ezequiel 34:12

Kunjämtix mä suma awatirix chhaqhat ovejanakap thaqhir sarkixa, ukhamarakiw nayax chhaqhat markaxar thaqhir sarä, mä ch'amak urun jupanakax maysar saranukupkatayna uka chiqanakat kuttayanxarakï.

Mateo 5:15

Janirakiw mä micha qhanas jamas manqhar uchañatak aqtayatäkaspati, jan ukasti, alay chiqar uchatäñapawa uta manqhankirinakar sum qhantañapataki.

Lucas 15:7

Nayasti sapxsmawa: alaxpachan uka kipkaw juk'amp kusisiñax utji, mä juchararan kutikipstatapatxa, llätunk tunka llätunkan aski jaqinakan jan kunat kutikipstañapas utjki ukanakat sipana.

Lucas 15:9

Jikxatasinsti uñt'at masinakaparu, uta jak'a masinakaparuw jawsthapi, ukat jupanakarux saraki: ‘Nayamp chik kusisipxam, chhaqhatäkän uka qullqi uñstayasxta’ sasa.

Lucas 19:10

Jaqin Yuqapax kunatix chhaqhatäkän uk thaqhiri, qhispiyirirakiw juti —sasa.

Juan 10:16

Yaqha ovejanakax utjarakituwa; ukanakasti janiw aka tamankirïkiti; ukanakarux anakiniñaxarakiwa. Jupanakax ist'apxitaniwa, ukatsti mä sapa tamakïniwa, mä sapa awatirinikiraki.

Juan 11:52

janiw judionak laykukit jiwañapäkänxa, jan ukasti Diosan wawanakapax yaqha markanakan ananukutäpkän ukanakar mayar jawsthapiñatakiw jiwañaparakïna.

Hechos 19:19

Yaqhipanakasti layqäpkatayna ukanakax, layqasiñ qillqatanakap apanisin taqinin nayraqatapan ninar phichhantapxäna. Uka qillqatanakasti wali jila alanïnwa, niya phisqa tunk waranqa qullqïnwa.

Efesios 2:17

Cristox jutasin taqiniruw sumankañ suma yatiyäwinak yatiyi, Diosat jayankapkäyät uka jan judionakaru, ukhamarak jupa jak'ankapkän uka judionakarusa.