Lucas 15:13 - Qullan Arunaka DC

¹³ Mä qawqha urutsti sullkïr yuqax, taqi kunap aljantasin yaqha markaruw sarxäna, ukan jan wal sarnaqas qullqip ina ch'usar tukuntäna.

Aymar Bibliia 1986

¹³ Mä kawkha urutsti sullquïr yokajj take cunap aljantasinjja, yakha marcaruw sarawayjjäna, ucanwa kollkepjja ina ch'usar tucuntäna, jan wal jacasina.

Qullan Arunaca

¹³ Mä kawkha urutsti sullquïr yokajj take cunap aljantasinjja, yakha marcaruw sarawayjjäna, ucanwa kollkepjja ina ch'usar tucuntäna, jan wal jacasina.

Lucas 15:13 Jak'a apnaqawi uñst'ayäwi

Salmos 73:27

Jumat jayarst'irinakax jiwapxaniwa; arsutam jan phuqhirinakarusti t'unjätawa.

Proverbios 18:9

Jayrasir jaqimpi, tukjir jaqimpix, ¡niyas jilapurjamawa!

Proverbios 21:17

Kusist'äwinakar munir jaqix, jan kunaniruw tukuni, machañanakampiru, suma q'apkir qullanak uchasiñanakampir munir jaqix, jan kunaniw tukusini.

Proverbios 21:20

Yatiñan jaqin utapanxa qamir yänakampi, suma q'apkir qullanakampiw utji, jan amuyt'asir jaqin utapansti t'unanakakiw utji.

Proverbios 27:8

Yurïwipat jayan sarnaqir jaqix, tapapat jayan sarnaqir jamach'ir uñtatawa.

Proverbios 28:7

Diosan kamachip phuqhirix, ch'ikhi wawawa, taqi kun tukuntir wawasti, awkiparux p'inqachayiwa.

Proverbios 29:3

Yatiñ kankañan wawax awkipar kusisiyiwa; jan wali sarnaqir warminakamp sarnaqiristi, qullqi tukunti.

Proverbios 6:26

Jan wali sarnaqir warmix qullqi laykukiw sarnaqi, chachanïkasin jucha lurir warmisti, aski chachäki uka katuykamaw sari.

Isaías 1:4

¡Ay, jucharar jaqinaka, ñanqhampi phuqhantat marka, ñanqhanak lurir jaqinakat saraqirinaka, jan ist'asiri ñanqha wawanaka! Tatitut jayarst'atäpxtawa, Israelan Qullan Diosaparux apanukuwayapxtawa, qhiparuw kutt'awayxapxta.

Isaías 22:13

Ukampis jumanakax kusiskañ phunchhäwi lurapxtaxa; vacanaka, ovejanaka jiwarayapxtaxa, aycha manq'apxtaxa, vino umapxaraktaxa. Ukatsti, “manq'asiñäni, umt'asiñäni, qharürux jiwxchiñänixaya” sapxaraktawa.

Isaías 30:11

Tatiturux jan ist'apxamti, chiqa thakhitsti maysar saranukupxam, janirak Israelan Qullan Diosapatsa parlapxamti” sasa.

Isaías 56:12

Ukatsti sapxarakiwa: “¡Jutapxam! Jichhax wal machapxañäni. Qharürus uka kipkarak lurapxañäni, ukat sipansa juk'ampi machjasipxañäni” sasa.

Jeremías 2:13

“Markaxax pä jach'a juchanak luri: Naya suma jakañ umarusti, apanukuwayapxituwa, ukatsti jupanakax pachpa phuch'unakap allisipxi, uka phuch'unakaparusti umax janiw sayt'karakiti.

Jeremías 2:31

Jichhax khitinakatix akankapkta ukanakax sum ist'apxita: ¡janiw nayax jumanakatak mä parintat wasarar uñtatäkti, janirakiw axsarkay ch'amakan phuqhantat p'iyar uñtatäkti! ¿Ukatsti, kunatarak sapxistasti: ‘kuntix munapktxa uk lurapxä, janirakiw jumarux yupaychkxapxämati sasasti’?

Jeremías 2:5

Tatitux jumanakarux sapxtamwa: “Janiw kuna jan walsa nayra awkinakamarux lurkti, ukatsipana, jupanakaw nayat jithiqtawayapxi. Jan kunatak inamaya diosanakaruw yupaychapxi, jupanakas ina ch'usaruw tukupxaraki.

Miqueas 6:3

Tatitux sarakiwa: “Markaxay, jichhax sita, ¿kuna jan walsa jumarux lursma, jan ukax kuncha sisma?

Lucas 15:12

sullkïristi awkiparux sänwa: ‘Tatay, kunatix nayar wakt'kitu uka yänak churxita’ sasa. Ukat awkipax utjiripat jupanakar churxäna.

Lucas 15:14

Ukampis kunapachatix qullqip q'al tukuntxatayna, ukkhaw mä jach'a mach'ax khä markan utjäna, ukat jupax manq'añ jan jikxatkxänti.

Lucas 15:30

Ukampis jan wali warminakampi sarnaqas qullqim tukuntir yuqam purinipansti, jumax mä lik'i vaca qallu jupatakix kharsuytaxa’ sasa.

Lucas 16:1

Jesusax yatiqirinakapar sarakïnwa: “Mä qamir jaqiw utjäna, jupasti yänak apnaqirinïnwa, uka yänak apnaqirit qamir jaqir yatiyiriw jutapxäna: ‘Yänak apnaqirimax yänakam tukuntaski’ sasa.

Lucas 16:19

“Mä qamir jaqiw utjäna, ukasti wali suma lliphipkir isimpiw isthapisirïna, sapürurakiw jach'a manq'añanak wakichayirïna.

Efesios 2:13

Ukampis jichhax Cristo Jesusan wila wartatap laykuw jupampix mayakïxapxtaxa, nayrax jayankapxäyätawa, jichhasti jak'ankxapxtawa.

Efesios 2:17

Cristox jutasin taqiniruw sumankañ suma yatiyäwinak yatiyi, Diosat jayankapkäyät uka jan judionakaru, ukhamarak jupa jak'ankapkän uka judionakarusa.

2 Pedro 2:13

Mayninakar t'aqhisiyapxatapat jupanakax t'aqhisipxani, urpach ukham lurasax kusisitäpkaspas ukham amuyasipxi. ¡Mä p'inqa jan walipuniw jupanakan luratanakapaxa, kunapachatix jumanakamp chika uka suma phunchhäwinakaman jikxatasipki ukkhaxa!