Lucas 14:21 - Qullan Arunaka DC

²¹ Uywatasti kuttanxasin taqi uk uywiripar yatiyäna. Ukatsti uywirix wal phiñasïna, uywataparux sarakïnwa: ‘Jank'ak saram, plazanakata, marka thakhinakat irptanim jan kunaninakaru, suchunakaru, juykhunakaru, kayu usutanakaru’ sasa.

Aymar Bibliia 1986

²¹ Uca uywatasti cuttanjjasinjja ucjj take uywiriparuw yatiyäna. Ucat uywirejj colerasi, uywataparusti saraquiwa: “Janc'aqui saram, plazanacat, callenacat irptanim pobrenacaru, manconacaru, cojonacaru, juyqhunacampiru.”

Qullan Arunaca

²¹ Uca uywatasti cuttanjjasinjja ucjj take uywiriparuw yatiyäna. Ucat uywirejj colerasi, uywataparusti saraquiwa: ‘Janc'aqui saram, plazanacat, callenacat irptanim pobrenacaru, manconacaru, cojonacaru, juyqhunacampiru.’

Lucas 14:21 Jak'a apnaqawi uñst'ayäwi

Salmos 38:7

7 (8) Jikhanixax ninjamaw nakhitu; ¡janchixas q'ala usuntatawa!

Isaías 35:6

suchunakasti tarujanakjamaw sink'usipxani, amutunakasti arnaqasipxarakiniwa. Wasara waña uraqitsti, umax walipuniw jalsuni.

Jeremías 5:1

Tatitux siwa: “Jerusalén markan thakhinakap muytanipxam, sum uñatatanipxam, plazanakan thaqtanipxam, inach maynirus chiqap lurir jaqi jikxatapxäta, inach chiqa chuymani jaqi jikxatapxarakïta. Uktix jikxatapxät ukapachasti, Jerusalén markarux juchanakap pampachäwa.

Zacarías 11:11

Ukürpachaw uka arust'äwix t'unjat uñjasïna, uñch'ukisipkitäna uka oveja alakipanakasti, kuntix nayax lurkäyäta uka tuqi Tatitun parlaskatap amuyapxäna.

Zacarías 11:7

Nayasti khariñatak yaqhachatäki uka ovejanak uñjañaruw uchasta, sinti t'ukha ovejanakaruw jilpach uñjarakta. Ukatsti pä thujrunak aytasta: mayarux “Walikïskaña” sasaw sutichta, mayarusti “Mayakïña” sasaw suticharakta.

Mateo 11:28

Taqi qarjatanaka, llakimpi atipjatanaka, nayar jutapxam, nayaw samarayapxäma.

Mateo 11:5

Juykhunakax uñjxiwa, kayu usutanakas sarnaqxiwa, lepra usuninakax q'umachatäxiwa, uqaranakas ist'xiwa, jiwatanakax jaktxiwa, jan kunaninakarus qhispiyasiñan utjatapax yatiyatäxarakiwa.

Mateo 15:12

Yatiqirinakapasti Jesusar jak'achasisin jiskt'apxäna: —¿Amuyastati? Fariseonakax arunakam ist'asax wal mayjt'asipxi —sasa.

Mateo 18:31

Jupamp chika mayni irnaqirinakax uk lurir uñjasax wal chuym usuyasipxäna, ukat taqi ukanak reyir yatiyir sarapxäna.

Mateo 20:7

Yapunirusti sapxänwa: ‘Janiw khitis irnaqir achikasipkituti’ sasa. Ukat yapunix jupanakar säna: ‘Ukhamax uva yapuxar irnaqir sarasipkam’ sasa.

Lucas 14:13

Manq'añ wakichaykäta ukkhasti, jan kunaninakaru, suchunakaru, kayu usutanakaru, juykhunakar jawsayam;

Lucas 14:20

Maynïristi sarakïnwa: ‘Jichhakiw jaqichasta ukat jan sarkäti’ sasa.

Lucas 14:22

Ukxarusti uywatax sarakïnwa: ‘Tata, arsutamarjamaw phuqta, ukampis qunt'asiñax utjaskakiwa’ sasa.

Lucas 14:24

Nayasti sapxsmawa, nayraqat jawsaykta ukanakat janiw khitis manq'axat manq'kaniti’ —sasa.

Lucas 24:47

ukatsti taqi markanakan jupxat parlasini, ukhamat taqinis Diosar kutikipstaniñapataki, juchanakapas pampachatäñapataki. Jumanakasti Jerusalenat qalltasina,

Lucas 9:10

Apostolunakax kuttanxasin kuntix lurapkatayna uk Jesusarux yatiyapxäna. Jesusasti jupanakarux Betsaida markaruw irpäna.

Juan 9:39

Ukatsti Jesusax sänwa: —Nayax akapachar taripañatakiw jutta, juykhunakan uñjapxañapataki, uñjapki ukanakasti juykhu tukupxañapataki —sasa.

Hebreos 13:17

Irpirinakamar jaysapxam, jupanakarux ist'apxarakim, jupanakax jan inakt'asaw jumanakar uñjapxtam, Diosax taqi luräwinakamat jupanakar maykani uk yatisina. Kunatix jupar kusisiyki uk lurañatak ch'amachasipxam, jan ukhamäkani ukasti jumanakatakix janiw askïkaniti.

Hebreos 2:3

¿Kunjämarak uka jach'a qhispiyasiñar jan yäqkañän ukasti mutuyatäñat jaltañänisti? Pachpa Tatituw uka qhispiyasiñat nayraqat yatiyäna, ukatsti khitinakatix uka qhispiyasiñat ist'apkän ukanakarakiw jiwas taypin qhanañchistäna.

Santiago 2:5

Munat jilatanakaxa, aka arunak ist'apxam: Diosax aka uraqin jan kunaninakaruw ajllisi, jupanakan iyawsañan qamirïpxañapataki, ukhamat Diosan qhapaq markap mä waxt'äwjam katuqapxañapataki, jupar munirinakatakiw uk arsuwayi.

Apocalipsis 19:15

Lakapatsti mä ari espadaw mistüna markanakar ukampi chhuxriñchjañataki. Uka markanakarusti wali qhuru kankañampiw apnaqani. Jupa pachparakiw vino ch'irwsuñatak uvanak takirani, ukasti taqi ch'aman Diosan q'apisiñapawa.

Apocalipsis 22:17

Qullan Ajayumpi Corderon esposapampisti sapxiwa: “Jutam” sasa. Ist'irïki ukasti sarakpan “Jutam” sasa. Umat pharjayasiristi, jutpan; um muniristi, jakañ umat inak umt'arakpan.

1 Samuel 2:8

Diosaw pisi utjirinirux jan walt'añanakat apsu, mayjasir jaqirusti t'unanak taypit waysuraki, aytat jaqinak taypin qunt'ayañataki. ¡Tatitunkiw taqi akapachaxa!

1 Samuel 25:12

Davidan uywatanakapasti thakhinjamaw kuttawayxapxäna. Ukatsti Davidan ukar purisax kuntix Nabal jaqix siskatayna taqi ukanak yatiyapxäna.