Lucas 14:16 - Qullan Arunaka DC

¹⁶ Jesusasti juparux sänwa: —Mä jaqiw mä jach'a manq'añ wakichayäna, ukat walja jaqinakar jawsayarakïna.

Aymar Bibliia 1986

¹⁶ Ucatwa Jesusajj juparojj saraquïna: “Mä jakew mä jach'a mank'aña waquiyäna, ucat walja jakenacar jawsayaraquïna.

Qullan Arunaca

¹⁶ Ucatwa Jesusajj juparojj saraquïna: “Mä jakew mä jach'a mank'aña waquiyäna, ucat walja jakenacar jawsayaraquïna.

Lucas 14:16 Jak'a apnaqawi uñst'ayäwi

Cantar de los cantares 5:1

Kullakitay, nayan munasitaxay, panqar yapuxarux mantxtwa. Mirraxampi, q'apkir qullanakaxamp apthapisxtwa, misk'xa tapatpach manq'antta, vinoxsa, lechexsa umt'araktwa. Munat jila masinaka, manq'apxam, umapxarakim, ¡qawqhtix munapkta uk umantapxam!

Zacarías 10:7

Israelitanakax wal kusisipxani kunjämtix soldadonakax vino umantasax wal kusisipki ukhama; uk uñjasax wawanakapax kusisirakiniwa nayan taqi ukanak lurataxata.

Apocalipsis 22:17

Qullan Ajayumpi Corderon esposapampisti sapxiwa: “Jutam” sasa. Ist'irïki ukasti sarakpan “Jutam” sasa. Umat pharjayasiristi, jutpan; um muniristi, jakañ umat inak umt'arakpan.

Apocalipsis 3:20

Uñtam, nayax punkunkasktwa, jawsaskaraktwa; khititix nayan aruxa ist'asin jist'aritanixa, nayax jupan ukaruw mantä, jupampiw manq'asirakï.