Lucas 14:15 - Qullan Arunaka DC

¹⁵ Uk ist'asinsti, manq'añatak qunt'atäpkän ukanakat mayniw Jesusar säna: —Diosan qhapaq markapan jach'a manq'äwin manq'irix kusisiñaniwa.

Aymar Bibliia 1986

¹⁵ Uc ist'asinjja mesan kont'atäpcän ucanacat maynïriw Jesusar säna: —Cusisiñaniw Diosan reinopan t'ant'a mank'erejja.

Qullan Arunaca

¹⁵ Uc ist'asinjja mesan kont'atäpcän ucanacat maynïriw Jesusar säna: —Cusisiñaniw Diosan reinopan t'ant'a mank'erejja.

Lucas 14:15 Jak'a apnaqawi uñst'ayäwi

Mateo 25:10

Jupanakan aceite alir sarañapkamasti, jaqichasir waynax purinxänwa, wakicht'atäpkän uka phisqa tawaqunakasti jupampiw jaqichasïwir mantxapxäna, ukatsti punkux jist'antasxarakïnwa.

Mateo 8:11

Nayasti sapxsmawa, waljaniw inti jalsu tuqita, inti jalanta tuqitsa jutapxani, ukatsti Abrahamampi, Isaacampi, Jacobumpi manq'iriw alaxpach suma markan qunt'asipxani,

Lucas 12:37

Kawkïr uywatanakarutix uywiripax suykir jikxatki ukanakax kusisiñanïpxiwa. Qhanak sapxsma, uka uywiripax jupa pachpaw manq'añatak uywatanakapar qunt'ayani, ukatsti sapa maynir manq'a luqtarakini.

Lucas 13:29

Jaqinakax Diosan qhapaq markapan manq'añatak qunt'asiriw jutapxani, inti jalsu tuqita, inti jalanta tuqita, amsta tuqita, aynach tuqita.

Lucas 22:16

Nayax sapxsmawa, janiw mayampis aka Pascua manq'a manq'käti Diosan qhapaq markapan phuqhasiñapkama —sasa.

Lucas 22:30

qhapaq markaxansti, jumanakax nayan manq'añaxat manq'apxäta, umapxarakïta, ukatsti Israelan tunka payan ayllupar taripañatakiw qunt'asipxarakïta.”

Apocalipsis 19:9

Ukatsti angelax sarakituwa: “Aka arunak qillqam: ‘Corderon jaqichasïwipar jawsayatanakax kusisiñanïpxiwa’ ” sasa. Ukatsti saskakiwa: “Aka arunakax Diosan chiqa arunakapawa” sasa.