Lucas 12:19 - Qullan Arunaka DC

¹⁹ Ukatsti naya pachpaw sarakï: Jilata, walja yänakaw utjtam walja maratak imata; jichhasti samart'am, manq'asim, umt'asim, kusisirakim’ sasa.

Aymar Bibliia 1986

¹⁹ Ucatsti saraquïwa: Walja yänacaw jichhajj utjitu, walja maranacatac imata, ucatsti samarasï, mank'asï, umasï, cusisiraquï” sasa.

Qullan Arunaca

¹⁹ Ucatsti saraquïwa: Walja yänacaw jichhajj utjitu, walja maranacatac imata, ucatsti samarasï, mank'asï, umasï, cusisiraquï’ sasa.

Lucas 12:19 Jak'a apnaqawi uñst'ayäwi

Job 14:1

Jaqin jakäwipax mä juk'a urutakikiwa, t'aqhisiñanakampi phuqhantata.

Salmos 49:18

18 (19) Jakkasax kusisitas sarnaqaskpan, qamirïtapat jach'ar aptatas uñjasiskpan,

Salmos 62:10

10 (11) Ch'axwañanakarux jan wayusipxamti; ¡janirak lunthatasiñarus chuym katuyasipxamti! Qamiris tukusipkätaxa, qullqir jan alkatapxamti.

Proverbios 10:2

Jan wali tuqit jikxatat qamir yänakax janiw askïkiti, chiqapat jikxatat yänakasti jiwañat qhispiyi.

Proverbios 14:24

Yatiñan jaqin pillupax yatiñ kankañapawa, jan yatiñan jaqinakansti, pisi amuyt'aparakiwa.

Proverbios 18:11

Qamiritakix qamir yänakapax pirqanakampi muyuntat markäkaspas ukhamawa.

Proverbios 23:5

Qamir kankañax mä juk'atakikiwa; pakanakar uñtataw akatjamat chhaqtawayxi, chhiqhanakapas tukuskaspa ukhama.

Proverbios 27:1

Qharürutxa jan jach'a jach'a tukkamti; janiw khitis yatkiti kuntix jutir urunakax apankani ukxa.

Eclesiastés 11:9

Waynäkas k'uchirtasim; kunatix askïki ukat kusisim. Chuymamax kunjämarutix munki, nayramas kuntix uñjki ukhamar luram; ukampis taqi ukanakat Diosaw taripätam.

Eclesiastés 2:24

Mä jaqitakix manq'asiña, umaña, irnaqäwipat kusisiña ukakiw juk'amp askixa, ukampis taqi ukas Tatitut jutatap amuyarakta.

Isaías 22:13

Ukampis jumanakax kusiskañ phunchhäwi lurapxtaxa; vacanaka, ovejanaka jiwarayapxtaxa, aycha manq'apxtaxa, vino umapxaraktaxa. Ukatsti, “manq'asiñäni, umt'asiñäni, qharürux jiwxchiñänixaya” sapxaraktawa.

Isaías 5:11

¡Ay, kunakïkan jumanakatakixa, khitinakatix qhantatitpach machañatak sartapxta, arumkamas machasipkaktawa!

Isaías 5:8

¡Ay, kunakïkan jumanakatakixa, utanaksa ukkhar akkharuw alapxtaxa, uraqinaksa ukkhar akkharuw katuntapxtaxa, janiw khitirus jalt'asiyapktati, uka uraqinakxarux jumanakakïpkasmas ukham utjantasipxtaxa!

Isaías 56:12

Ukatsti sapxarakiwa: “¡Jutapxam! Jichhax wal machapxañäni. Qharürus uka kipkarak lurapxañäni, ukat sipansa juk'ampi machjasipxañäni” sasa.

Oseas 12:8

8 (9) Israelitanakasti sarakiwa: ‘¡Jïsa, qamiriw tukta, taqi kun jikxatt'asirakta; ukampis janiw khitis jalaqtanak uñjataxat juchañchkitaspati, lunthatasiñampi jikxatatäkchi ukasa!’

Amós 6:13

Jumanakax jan kunatak kusisipxtaxa, sapxaraktawa: “Munañanïñxa kipka ch'amasampiw jikxatastanxa” sasa.

Habacuc 1:16

Ukatwa chawlla katurix qänanakaparu, anzuelonakaparusa, suma luqtäwinakampi, incienso q'aphinakampi waqaychi, ukanakäpan suma walja manq'anakax utjarapi.

Lucas 12:18

Ukat amuyt'asirakïna: ‘Jichhax yatxtwa, kuntix lurkä uka. Juyra imañ utanak q'al tinkurayä, ukat juk'amp jach'anak lurä, ukaruw taqi juyranakaxsa, taqi yänakaxsa imä.

Lucas 16:19

“Mä qamir jaqiw utjäna, ukasti wali suma lliphipkir isimpiw isthapisirïna, sapürurakiw jach'a manq'añanak wakichayirïna.

Lucas 21:34

“Amuyasipxam, chuymanakam janiy qalarayasipxamti; jan wali lurañanakampi, machañanakampi, aka uraqin llakisiñanakampi, ukatarak taqi ukanakax akatjamat sipitar uñtat khä urux katuntasipkiristam, uka urusti akapachan jakir taqi jaqinakxaruw jutani.

1 Corintios 15:32

Nayax Éfeso markan jaqi manq'an animalanakampjamaw jaqinakamp nuwasta. Jiwatanakan jaktañapatix jan chiqäkchi ukasti, ¿uk lurasin, kunarak jikxatsti? Kunjämtix yaqhipanakax sapki ukhamarak lursnaxa: “¡Manq'asiñäni, umt'asiñäni, qharürux jiwxchiñänixaya!” sasa.

Filipenses 3:19

jupanakasti nina infiernor jaquntatäpxaniwa, diosapasti jupanakan kipka munañanakapakiwa, jupanakasti p'inqasiñ lantix jach'a jach'aw tukupxi. Akapach yänakatak lup'isipki.

1 Timoteo 5:6

Ukampis janchin munañap lurir ijma warmisti, jakaskirpach jiwatäxiwa.

1 Timoteo 6:17

Aka uraqinkir qamirinakarux sañamawa: Jan jach'a jach'a tukupxpati, qamir kankañaparus janirak alkatasipxpati, ukanakasti tukusirikiwa. Nayraqatax jakkir Diosar katuyasipxpan, khititix taqi kunsa kusisit jakañasatak jilarkir churkistu ukaru.

2 Timoteo 3:4

Aljantasir ch'uxña chuymaninaka, jan p'inqaninaka, jach'a jach'a tukurinaka, Diosar thaqhañat sipansa, jupanakan kusisiñap thaqhirinakäniwa.

Santiago 5:5

Jumanakasti aka uraqin taqi kunan phuqt'ataw jakapxtaxa, khariñ uywar uñtataw puquntapxtaxa, ¡jichhasti jumanakar jiwarayañ urux purinxiwa!

1 Pedro 4:3

Jumanakasti kunjämtix Tatitur jan uñt'ir jaqinakax lurapki ukanak lurapxäyätaxa, jan walinak lurasa, jan walinak amtasa, manq'äwinak wakichasa, machantasisa, k'ari diosanakar yupaychasa.

Apocalipsis 18:7

Kunjämtix jupax jach'a jach'a tukurïkänxa ukhamarak jichhax t'aqhisiyapxam, ayquyapxam; jupax chuymapan amuyiwa: ‘Nayax akan reinar uñtat qunt'atäsktwa, janiw ijmäkti, janirakiw t'aqhiskäsa’ sasa.

1 Samuel 30:16

Ukatsti, kawkhankapkäntix uka lunthatanakax ukakamaw irpäna, jupanakasti, taqi uka pampan aywitatatäsipkänwa, ukan manq'asipkäna, umasipkäna, ukhamarak jach'a phunchhäwi lurasipkäna, taqi kunanaktix jupanakax filisteonakan uraqipata, Judá uraqitsa lunthatanipkatayna ukata.