Lucas 12:18 - Qullan Arunaka DC

¹⁸ Ukat amuyt'asirakïna: ‘Jichhax yatxtwa, kuntix lurkä uka. Juyra imañ utanak q'al tinkurayä, ukat juk'amp jach'anak lurä, ukaruw taqi juyranakaxsa, taqi yänakaxsa imä.

Aymar Bibliia 1986

¹⁸ Ucat amuyt'asiraqui: “Jichhajj yatjjtwa cuntejj lurcäjja uca. Juyra imañ utanacajj k'al tincurayä, ucatsti juc'amp jach'anac lurä, ucaruw take juyranacsa, uqhamarac take cuna utjirejjsa imäjja.

Qullan Arunaca

¹⁸ Ucat amuyt'asiraqui: ‘Jichhajj yatjjtwa cuntejj lurcäjja uca. Juyra imañ utanacajj k'al tincurayä, ucatsti juc'amp jach'anac lurä, ucaruw take juyranacsa, uqhamarac take cuna utjirejjsa imäjja.

Lucas 12:18 Jak'a apnaqawi uñst'ayäwi

Salmos 17:14

Tatay, ch'amamampiy jupanakat qhispiyita; ¡akapachat jupanakar jaqunukum, akapachan jakañapax tukuspan! Yänakampix qamirkipstasipkakpan, wawanakapax phallañkam manq'apxpan, allchhinakapatakis jilt'askakpan.

Mateo 6:26

Uñtapxam jalanaqaskir jamach'inakaru: janiw jupanakax satapkisa, apthapipkisa, janirakiw juyranaksa pirwanakar imapkiti; ukampis alaxpachankir Awkimaw ukanakarux manq'ayi. ¡Jumanakasti jamach'inakat sipan juk'amp munatäpxtawa!

Lucas 12:17

Ukat uka qamirix lup'ïna: ‘¿Kuns luräxa? Janiw kawkhar uka juyranak imañaxas utjkituti’ sasa.

Lucas 12:19

Ukatsti naya pachpaw sarakï: Jilata, walja yänakaw utjtam walja maratak imata; jichhasti samart'am, manq'asim, umt'asim, kusisirakim’ sasa.

Lucas 12:21

Ukhamaw jupatakik taqi kun arkuntasir jaqimpix lurasini, ukampis Dios nayraqatan jan kunan jaqiwa.”

Lucas 12:24

Uñtapxam jamach'inakaru: ukanakax janiw phawapkisa, apthapipkisa, juyra imasiñanakapas utjkarakiti, ukampis Diosaw ukanakarux manq'ayi. ¡Jumanakax uka jamach'inakat sipansa juk'amp munatäpxtawa!

Lucas 18:4

Walja urunakaw taripirix uka warmir jan ist'añ munkänti, ukat amuyt'asisin sarakïna: ‘Diosarux janiw axsarkti, janirakiw khitirus yäqkaraktti,

Lucas 18:6

Tatitusti sarakïnwa: “Qhuru taripirix ukham siwa.

Santiago 3:15

Uka yatiñ kankañax janiw Diosat jutkiti, jan ukasti akapach yatiñ kankañakiwa, jaqin amuyt'apakiwa, pachpa supayat juti.

Santiago 4:13

Jumanaka, akham arsurinak ist'apxam: “Jichhüru, jan ukax qharürus khä markaruw sarapxañäni, ukansti mä maraw alakip lurañäni, ukatsti qullqi jikxatañäni” sasa,

Santiago 4:15

Ukampis akham sapxañamawa: “Dios munan ukax jakaskañäniwa, ukatsti uka aka lurañäni” sasa.