Lucas 12:1 - Qullan Arunaka DC

¹ Ukchañkamasti walja jaqinakapuniw tantthaptäna, kayunakatsa takirasipxänwa. Jesusasti nayraqatax yatiqirinakaparuw säna: “Fariseonakan k'ari yatichäwipat amuyasipxam, jupanakax taqi kunas chiqäkaspa ukham yatichasaw jaqinakar sallqjapxi.

Aymar Bibliia 1986

¹ Ucchañcamasti jakejj waranka warankaw tantthaptäna, cayunacatsa taquirasipjjänwa. Jesusasti yatekerinacaparuw saraqui: —Amuyasipjjam fariseonacan levadurapata, sañ munta, c'ari chuymanacapata.

Qullan Arunaca

¹ Ucchañcamasti jakejj waranka warankaw tantthaptäna, cayunacatsa taquirasipjjänwa. Jesusasti yatekerinacaparuw saraqui: —Amuyasipjjam fariseonacan levadurapata, sañ munta, c'ari chuymanacapata.

Lucas 12:1 Jak'a apnaqawi uñst'ayäwi

2 Reyes 7:17

Reyix jupan yanapiriparuw marka mantañ punku uñjañapatak satayna, ukampis jaqinakax mantañ punkun juparux takisiwayapxäna ukat uka jaqix jiwxäna, kunjämtix Eliseo profetax siskatayna, kunapachatix reyix jupar uñjir sarkatayna ukapacha.

Job 20:5

ñanqha lurir jaqin kusisiñapax juk'atakikiwa; kusist'añapasti jank'a tukusirikirakiwa.

Job 27:8

¿Kuna suyt'äwirak juchan jaqitakisti utjaspa, Diosax jakañap apaqxani ukapachasti?

Job 36:13

Jucharar jaqinakax ñanqhasirinakawa, katuntatäkasas janiw yanap mayipkiti.

Isaías 33:14

Juchararanakax Jerusalén markan khathatipxiwa, ñanqha jaqinakasti axsarañampi phuqhantatäpxiwa, ukatsti sapxarakiwa: “¿Khitirak jiwasanakat nakhantir nina taypin jakaspasti? ¿Khitirak wiñay nina sank'an jakaspasti?” sasa.

Lucas 11:44

“¡Ay, kamacht'apkakïta! Jumanakax jan uñjat amay imäwir uñtatäpxtawa, jaqisti jan amuyasisaw uk takisi.

Lucas 12:56

¡K'ari chuyman jaqinaka! Jumanakatix alaxpachana, uraqin uñnaqap amuyt'añ yatipxsta ukaxa, ¿kunatarak aka urunakan jakapkta uksti jan amuyt'añ yatipxaraktasti?

Lucas 5:1

Mä kutix Jesusax Galilea quta thiyankaskänwa; ukarusti walja jaqipuniw tantthaptanïna, juparux uksat aksat ñiqjapxäna, Diosan arunakap ist'añataki.

Lucas 5:15

Ukampis Jesusan taqi ukanak luratapax juk'ampiw yatisïna, ukatsti walja jaqirakiw jupar ist'irix jutapxäna, ukhamarak usunakapat qullatäñatakisa.

Lucas 6:17

Jesusax yatiqirinakapampiw qullut saraqanïna, mä pamparuw purïna. Ukansti jupan walja arkirinakapaw tantacht'asïna, ukhamarakiw Judeata, Jerusalenata, Tiro, Sidón uksa lamar quta thiyanakat jutapxatayna.

Hechos 21:20

Ukanak ist'asinsti jupanakax Diosaruw wal yuspagarapxäna. Pablorusti sapxänwa: —Walikiw jilata, walja judío jaqinakaw Jesusar iyawsapxi, jumax niy uñjtawa. Ukampis taqi jupanakax sapxiwa: “Moisesan kamachinakap phuqhañax wakisiskakiwa” sasa.

1 Corintios 15:3

Nayraqatasti, kuna yatichäwinaktix nayax yatiqkta ukarak jumanakarux yatichapxsma, ukasti akhamawa: Qillqatanakarjamax Cristox juchanakas laykuw jiwawayi;

Hebreos 12:22

Ukatsipan jumanakax Sión qulluru, jakkir Diosan alaxpach Jerusalén markaparu, Diosar yupachañatak tantachat waranqa waranq angelanakaruw jak'achasipxtaxa,

Santiago 3:17

Ukampis khitinakatix Diosat jutir yatiñanïpki ukanakax q'uma jakawinïpxiwa; ukhamarus sumankayirinaka, munasirinaka, llamp'u chuymaninakäpxiwa. Jupanakax khuyapt'ayasirïpxiwa, chiqap uñjirinaka, chiq parlirinaka, sum luririnaka.

1 Pedro 2:1

Ukalayku, jumanakax apanukupxam: taqi jan wali luräwinaka, taqi sallqjasiñanaka, q'uma q'um tukuñanaka, munapayañanaka, jaqxat parlasiñanaka.