Lucas 11:8 - Qullan Arunaka DC

⁸ Nayax sapxsmawa, jupax jilata masipätap laykux, janis kun churañatak sartkpan, ukampis jan juk'amp parlxayaskañap laykux sartaniniwa, ukatsti taqi kuntix mayki uk churarakini.

Aymar Bibliia 1986

⁸ Sapjjsmawa, amigopätap laycojja janis sartcpan cun churiri, ucampis jan juc'amp majasiñap laycojja sartaniwa, ucatsti take cuntejj mayqui ucanac churaraquini.

Qullan Arunaca

⁸ Sapjjsmawa, amigopätap laycojja janis sartcpan cun churiri, ucampis jan juc'amp majasiñap laycojja sartaniwa, ucatsti take cuntejj mayqui ucanac churaraquini.

Lucas 11:8 Jak'a apnaqawi uñst'ayäwi

Génesis 32:26

26 (27) Ukat uka jaqix Jacobur säna: —Antutxita, willjtanxiwa —sasa. Jacobusti ukxaruw sarakïna: —Janitix aski waxt'äwinakam churkitätaxa, janiw antutkämati —sasa.

Lucas 11:7

Ukat maynix uta manqhipat saspa: ‘Jan parlxayistati; punkux jist'antatäxiwa, wawanakaxas, nayas ikiñankxapxtwa; janiw sartkiristti jumar kun churañatakisa’ sasa.

Romanos 15:30

Jichhasti jilatanaka, Jesucristo Tatitus layku, Qullan Ajayun munasiñap laykurakiw jumanakar achikt'apxsma: Diosat nayatak mayisay aka luräwin nayar yanapapxita.

2 Corintios 12:8

Kimsa kutiw Tatiturux achikt'asta, uka t'aqhisiñ nayar apaqañapataki;

Colosenses 2:1

Nayax yatipxañam munta; jumanak laykux wali ch'am tukusaw irnaqaskta, Laodicea markan iglesiankirinak layku, ukhamarak khitinakatix jan uñt'apkitus ukanak layku.

Colosenses 4:12

Epafras jilata, khititix Criston luqtiripäki, jumanakat maynïrïkaraki, jupas aruntanipxtamwa. Jupasti jumanakatakix walipuniw Diosat mayiski, Diosan munañap phuqhirinakjam thuruñchat sayt'asipxañamataki.

Jueces 14:17

Ukampis Sansonan warmipax paqallqu urpachaw phuñchhäwin chachap jak'an jachäna, ukham sinti jachir uñjasin chachapax juparu khuyapt'ayasaw kuntix uka jiskt'ax sañ munki uk yatiyxäna. Ukatsti warmipax jank'akiw marka masinakapar yatiyir saräna.

1 Samuel 1:12

Anax wali jayaw Tatitut mayisiskäna, Elí sacerdotex jupar lakap unuqiskirik uñji;