Lucas 1:53 - Qullan Arunaka DC

⁵³ Manq'at awtjatanakarux askimpiw phuqt'i, qamirinakarusti jan kunan khithanuku.

Aymar Bibliia 1986

⁵³ Mank'at awtjatanacarusti asquimpiw phokt'i, kamirinacarusti jan cunanwa qhitanucu,

Qullan Arunaca

⁵³ Mank'at awtjatanacarusti asquimpiw phokt'i, kamirinacarusti jan cunanwa qhitanucu,

Lucas 1:53 Jak'a apnaqawi uñst'ayäwi

Salmos 146:7

T'aqhisiyat jaqinakaruw chiqapar uñji, manq'at awtjatanakaruw manq'añ churaraki. Tatituw katuntat jaqinakarux antutnukuyi;

Salmos 34:10

10 (11) Qamirinakax jan kunaniruw tukupxi, manq'at t'aqhisipxaraki, Tatitur thaqhirinakasti janiw kunatsa t'aqhisipkaniti.

Ezequiel 34:29

Jupanakarusti suma yapuchat uraqinak churarakï, janipuniw mayampsa manq'at t'aqhiskxapxaniti, janirakiw yaqha markanakas jupanakat juk'ampi laruskxapxaniti.

Mateo 5:6

“Kusisiñanïpxiw aski kankañ utjañap munirinakaxa, jupanakax phuqhat uk katuqapxani.

Lucas 1:54

Jupar luqtir Israel markaparuw yanapt'i, jupanakarux khuyapayasiwa.

Lucas 6:21

“Kusisiñanïpxtaw manq'at jichha awtjayasirinakaxa, jumanakasti sist'atäxapxätawa. “Kusisiñanïpxtaw jichha jachirinakaxa, qhiparusti larusipxätawa.

Lucas 6:24

“Ukampis ¡qamirinaka, kunakïpkäta, kusisiñanakam niyaw katuqxapxtaxa!

Juan 6:35

Jesusasti jupanakarux sänwa: —Nayätwa jakañ churir t'ant'axa. Nayan ukar jutirix, janiw mayampis manq'at awtjayaskxaniti; nayar iyawsiristi, janiw mayampis umat pharjayaskxaniti.

1 Corintios 1:26

Jilatanaka, jumanakar Diosan jawsatapat amuyasipxañama, ukat sipana, jaqin amuyuparjamax jumanakat juk'anikiw yatiñanïpxtaxa, jumanakat juk'anikiw jilïr munañan jaqïpxtaxa, jan ukax wali aytat wila masit jutirïpxtasa.

1 Corintios 4:8

Jumanakax amuyatax niy qamirïxapxtawa, munatamarjamax taqi kunanïxapxtawa, reyinakjam tukusax janiw nanakar munkxapxistati. ¡Añchakit chiqpach reyinakäpxasma, ukhamat nanakan jumanakampi chik markamankapxañaxataki!

1 Samuel 2:5

Khitinakantix taqi kunas jilarkir utjkänxa, jichhax mä jisk'a t'ant'a laykukiw katuyasipxi; manq'at awtjayasirinakasti janiw jichhax awtjayaskxapxiti. Jan wawachasir warmisa, jichhax paqallqu kutiw wawachasxi, walja wawachasir warmisti, jichhax janiw wawanakanïkxiti.