Levítico 8:2 - Qullan Arunaka DC

² “Jichhax Aaronampiru, wawanakapampir irpxarum, ukatsti sacerdotenakan isinakapa, luqtañatakïki uka aceite, kuna urqu vacatix jucha luratata Tatitur luqtaski uka, paypach urqu ovejanaka, uka kipkarak kawkïri walayatix jan levaduran t'ant'anaka churañatak uskutäki taqi ukanak apxarum,

Aymar Bibliia 1986

² “Jichhajj Aaronampiru, wawanacapampiru irpjjarum, uqhamaraqui sacerdotenacan isinacapsa caturaquim, uca quipcaraqui catuyaña aceitsa, uca quipcaraqui cuna orko vacatejj jucha luratata Tatitur loktasqui ucanacsa, uqhamaraqui paypacha orko ovejanacsa, uca quipcaraqui cawquïri canastillotejj jan levaduran t'ant'anaca churañataqui uscutäqui ucanacsa,

Qullan Arunaca

² “Jichhajj Aaronampiru, wawanacapampiru irpjjarum, uqhamaraqui sacerdotenacan isinacapsa caturaquim, uca quipcaraqui catuyaña aceitsa, uca quipcaraqui cuna orko vacatejj jucha luratata Tatitur loktasqui ucanacsa, uqhamaraqui paypacha orko ovejanacsa, uca quipcaraqui cawquïri canastillotejj jan levaduran t'ant'anaca churañataqui uscutäqui ucanacsa,

Levítico 8:2 Jak'a apnaqawi uñst'ayäwi

Éxodo 28:1

“Nayax israelitanak taypit, Aarón jilamampiru, Nadab, Abihú, Eleazar, Itamar yuqanakapampiruw nayan sacerdotenakaxäñapatak ajllista. Ukhamasti jupanakax jumamp chikäñapawa.

Éxodo 28:40

Aaronan wawanakapatakix túnica isinaka, wak'anaka, p'iqi ch'uqasiñ isinak lurarapïta, uka isinakax jupanakar suma k'achachat jach'ar aptañatakïniwa.

Éxodo 39:41

qullan chiqawjan luqtäwi phuqhañatak p'itat isinaka, Aarón sacerdoten suma isinakapampi, wawanakapan sacerdote isinakapampi.

Levítico 6:10

10 (3) Sacerdotesti suma lino isimpi, linot lurat calzoncillompiw isthapisini, ukatsti kuna uywatix altarxan nakhantayatäkän ukan qhillap apthapxani, uksti altarat maysa thiyaruw uskurakini.

Levítico 8:1

Tatitux Moisesaruw parläna, akham sasa:

Levítico 8:10

Ukxarusti Moisesax luqtañ aceite aptäna, ukatsti kawkhatix qullanäki uka patxaruw warxatäna, kunanakatix uka manqhan utjkän ukanakarusa, ukhamat taqi ukanakax Tatitur luqtatäxarakïna.

Levítico 8:18

Ukatsti Moisesax kuna urqu ovejatix nakhantayasin luqtatäkani uk irptayanïna, ukatsti Aaronampi, yuqanakapampiw uka urqu ovejan p'iqipxar amparanakap luqxatapxäna.

Levítico 8:22

Ukatsti Moisesax jank'akiw yaqha urqu oveja irptayaniraki, kawkïritix Tatitur luqtasiñatak uskutäki uka, Aaronampi, yuqanakapampisti uka ovejan p'iqipxaruw amparanakap luqxatapxäna.

Levítico 8:3

ukatsti taqi israelita jaqinakarux Tatitump Jikisiñ Carpar mantañäkis uka chiqar tantacht'arakim” sasa.

Hebreos 7:27

Janiw maynïr jilïr sacerdotenakjamäkiti, uywanak jiwayasin wilañchanak sapür luqtañapataki, nayraqatax jupanakan pachpa juchanakapata, ukxarusti jaqin juchanakapataraki. Ukampis Jesusax mä kutikiw wiñayatak jupa pachpa luqtasiwayi.