Levítico 8:3 - Qullan Arunaka DC

³ ukatsti taqi israelita jaqinakarux Tatitump Jikisiñ Carpar mantañäkis uka chiqar tantacht'arakim” sasa.

Aymar Bibliia 1986

³ ucatsti take israelita jakenacarojj Tatitumpi Jiquisiñ Carpar mantañäquisa uca chekaru tantacht'araquim” sasa.

Qullan Arunaca

³ ucatsti take israelita jakenacarojj Tatitumpi Jiquisiñ Carpar mantañäquisa uca chekaru tantacht'araquim” sasa.

Levítico 8:3 Jak'a apnaqawi uñst'ayäwi

1 Crónicas 13:5

Davidax Israel markpacharuw tantacht'äna, Sihor chiqata Egipto qurpäki ukkhata Hamat chiqan mantañapkama, Tatitun arcap Quiriat-jearim chiqat aptanxañataki.

1 Crónicas 15:3

Ukspachaw Davidax taqi israelitanakar Jerusalén markan tantacht'äna, kawkharutix jupax wakicht'kän ukkhar Tatitun arcap apañataki.

2 Crónicas 30:13

Ukhamaw Jerusalén markan jaqinakax walt'atapun tantachasïna, payïr phaxsina, jan levadurani t'ant'anak uruyañ uru amtañataki.

2 Crónicas 30:2

Reyisti, jilïr yanapirinakaparu, Jerusalenankir taqpach jaqinakar jiskt'asinxa, jupax payïr phaxsin Pascua uruyañ amtäna,

2 Crónicas 30:25

Judá uraqinkir taqpach jaqinakaw kusisipxäna, sacerdotenakasa, levitanakasa, Israelat jutapkatayna uka jaqinakasa, Israel uraqit purinipkatayna uka yaqha markankir jaqinakasa, Judá uraqin jakapkän uka jaqinakas taqiniw kusisipxäna.

2 Crónicas 5:2

Ukatsti Salomonax Jerusalén markan Israelankir jilïri jaqinakaru, ayllunakan jilïrinakaparu, israelita wila masi tamanakan jilïrinakaparuw tantacht'äna, Tatitun arust'äwi arcap Sión sata Davidan Markapat apxañataki.

2 Crónicas 5:6

Salomón reyimpi, tantachasipkatayna taqi uka israelit jaqinakampix arca nayraqatankapxänwa, jupanakasti jan jakt'kay ovejanaka, urqu vacanak wilañcha luqtasipkäna.

Nehemías 8:1

Ukhamasti markachirinakax taqpachaniw plazan mayaki tantacht'asipxäna, Uma punku satäki uka nayräxana, ukatxa yatichiri Esdrasaruw sapxäna: “Tatitux Israel markaru Moisés tuqi kamachip churkatayna uka qillqat aptanim” sasa.

Salmos 22:25

25 (26) Arsutam phuqhirïtamat markam taypin jach'añchäma; arsutanakaxsti iyawsirinakam nayraqatan phuqharakï.

Levítico 14:11

Kawkïri sacerdotetix q'umachkani ukasti, q'umachatäkani uka jaqiru, kuna waxt'anaktix luqtañatak apankani ukanakampirux, Tatitump Jikisiñ Carpar mantañäkis uka nayräxaruw uchani, Tatitun nayraqataparu;

Levítico 8:2

“Jichhax Aaronampiru, wawanakapampir irpxarum, ukatsti sacerdotenakan isinakapa, luqtañatakïki uka aceite, kuna urqu vacatix jucha luratata Tatitur luqtaski uka, paypach urqu ovejanaka, uka kipkarak kawkïri walayatix jan levaduran t'ant'anaka churañatak uskutäki taqi ukanak apxarum,

Levítico 8:4

Moisesasti, kunjämtix Tatitux siskatayna ukhamarjamaw phuqhäna, taqi jaqinakasti Tatitump Jikisiñ Carpar mantañäkis uka chiqaruw tantacht'asipxäna.

Números 20:8

—Thujrum ayxarum, ukatsti Aarón jilamamp yanapt'ayasisin taqpach markar tantachthapim. Ukatsti taqpach jaqinak nayraqatan qarqar parlam jupanakar uma churañapataki, ukat qarqat uma jalsunir uñjäta, jupanakana, ukhamarak uywanakapan umt'apxañapataki.

Números 21:16

Arnón jawiratsti, israelitanakax kawkhankäntix phuch'ux ukkharuw puripxäna, kawkhantix Tatitux Moisesar siskatayna: “Markar tantachthapim, ukatsti nayaw uma churä” sasa.

Números 8:9

Jumarakiw levitanakar Tatitump Jikisiñ Carpar jak'achayäta, ukatsti taqpach israelitanakar tantachthapirakïta.

Hechos 2:1

Pentecostés uruyañ uru purinipansti, iyawsirinakax taqpachaniw mayawjanak tantachasipxäna.