Levítico 3:3 - Qullan Arunaka DC

³ “Khititix sumankthapiñatak uywa luqtkani ukax mä nakt'ayat waxt'a Tatitur luqtañapa, jiphillanakan lik'inakapa,

Aymar Bibliia 1986

³ “Qhititejj sumancthapiñatac uywa loktcani ucajj Tatitur loktañapawa, nact'ayat ofrendata, jiphillanacan liq'ipamppacha,

Qullan Arunaca

³ “Qhititejj sumancthapiñatac uywa loktcani ucajj Tatitur loktañapawa, nact'ayat ofrendata, jiphillanacan liq'ipamppacha,

Levítico 3:3 Jak'a apnaqawi uñst'ayäwi

Salmos 119:70

Jupanakan amuyt'anakapax ch'amakt'atawa, nayasti yatichäwimampiw kusista.

Éxodo 29:13

Ukatsti jiphillanakatsa, k'iwchatsa, maymurunakatsa lik'inakap apaqäta, ukatsti altarxaruw nakt'ayäta;

Éxodo 29:22

“Ukxarusti ovejan lik'ip apsurakïta, wich'inkhata, jiphillapata, k'iwchapata, paypach maymurupata, kupi lankhu charapata; uka ovejan sacerdotenak luqtañatakïtap layku.

Proverbios 23:26

Munat wawaxay, taqi chuymamamp nayar ist'ita, iwxa arunakaxarjam sarnaqarakim.

Isaías 6:10

Aka markan amuyupsa q'al pixtuntam, ukhamat jan amuyt'asipxañapataki, jinchunakapsti llupantam, ukhamat jan ist'apxañapataki, nayranakapsa juykhu tukuyam, ukhamat jan uñjapxañapataki, ukhamat nayan ukar jan kuttanisipkañapataki, nayan jupanakar jan qullaskañaxataki” sasa.

Ezequiel 36:26

jumanakarusti mä machaq chuyma, mä machaq ajayu churxapxäma. Jumanakat uka qala chuyma apaqxapxäma, mä llamp'u chuyma churxapxarakïma.

Ezequiel 44:15

“Sadoc sata jaqin wawanakapäki uka levita sacerdotenaka, israelita jaqinakax nayan thakhixat maysar saranukupkän ukapacha utaxan luqtasipkakïna ukanakasti, jupanakax nayar luqtañataki jak'achasinisipkaniwa, ukhamat lik'inakampi, wilanakampi wilañcha nayar luqtapxañapataki. Naya, Tatituw uk arsta.

Levítico 1:12

ukatsti uywan aychap kharinuqapxani, uka kharinuqat aychanaksti sacerdotew p'iqimppacha, jiphillanakan lik'ipamppacha altarxan ninax aqaski ukxar uchani.

Levítico 1:8

ukxaru uka kharinuqat aychsa, p'iqipsa, jiphillanakan lik'ipsa uchañataki.

Levítico 16:25

Kawkïr uywatix jucha luratat wilañcha luqtatäkän ukan lik'inakapsti altarxaruw nakt'ayxani;

Levítico 3:16

Ukatsti, sacerdotex altarxaruw taqpach nakhantayani mä suma q'apkiri manq'añ waxt'ata. Taqpach lik'inakasti Tatitutakiwa.

Levítico 3:2

Khititix waxt'a luqtkani ukax, uka uywan p'iqipxarux amparap luqxatañapa, ukatsti Tatitump Jikisiñ Carpar mantañäkis ukawjan kharinukuñapa. Ukatsti sacerdotenakaw altaran thiyanakap uka wilampi ch'allsupxañapa.

Levítico 3:4

maymurunakan lik'inakapa, jikhanin lik'inakapa, k'iwchxankki uka lik'inaka, maymurunakamp chika apaqatäñapawa.

Levítico 4:10

kunjämatix sumankthapiñatak luqtat urqu vacat apsutäkix ukhama. Ukatsti, sacerdotew nakhantayañatak luqtañ altarxar nakhantayxani.

Levítico 7:30

Jupa pachparakiw amparapampi nakhantayañat waxt'a Tatitun nayraqatapar apañapa, jaraphi aychampi, ukan utjkis uka lik'ipamppach Tatitun nayraqatapan mä uñstäwita luqtañataki.

Levítico 7:5

Ukatsti sacerdotex taqi ukanak altarxaruw nakhantayxani, Tatitutak mä suma q'apkir waxt'a luqtatätap layku. Ukasti yatkasin pantjasïwi jucha luratanakat wilañcha luqtatawa,

Levítico 9:10

Ukxarusti jank'akiw altarxarux kawkïri uywatix juchata wilañcha luqtatäkän uka uywan lik'ipa, maymurunaka, k'iwchan lik'inakax utjki ukanak nakt'ayxäna kunjämtix Tatitux Moisesar siskatayna ukhamarjam phuqhasa.

Mateo 13:16

“Ukampis jumanakax kusisiñanïpxtawa, nayranakamax uñjiwa, jinchunakamasti ist'iwa.

Mateo 15:8

‘Aka jaqinakax lakapampikiw jach'añchitu, chuymapasti nayat jayankiwa.

Romanos 5:5

Uka suyt'äwix janiw inamayäkiti, Diosasti chuymanakasarux Qullan Ajayu churkistu uka tuqiw munasiñapamp phuqt'istu.

Romanos 6:6

Jiwasax yattanwa, nayra jakäwisan Cristomp chika ch'akkatatäxatapa, ukhamat jiwasan ñanqha luräwisan t'unjatäñapataki, juchampix jan juk'ampi t'aqhisiyatäñasataki.

Deuteronomio 30:6

Tatituw jumanakan chuymanakamampiru, saraqirinakaman chuymapampir uka suma arust'äwin chimpup uchapxätam, juparu taqi chuymamampi, taqi jakañamampi munasiñamataki, ukhamat walja maranak jakapxañamataki.

1 Samuel 2:15

Ukhamarusa, lik'ix janïr altarxan nakhantki ukkhaw sacerdoten uywatapax purinirïna, wilañcha luqtirirusti sarakirïnwa: “Aycha churita, sacerdotetak kankt'aniñataki; jupax janiw qhatit aycha katuqkätamti, jan ukasti ch'uqi aycha katuqätam” sasa.