Levítico 3:11 - Qullan Arunaka DC

¹¹ Ukatsti, sacerdotex taqi ukanak altarxaruw nakhantayani, ukasti Tatitur jach'añchañatak nakt'ayat manq'añ waxt'äkaspas ukhamäniwa.

Aymar Bibliia 1986

¹¹ Ucatsti, sacerdotejj takwa altarjjaru naqhantayani, mank'añ ofrendata Tatitutaqui naqhantayasa.

Qullan Arunaca

¹¹ Ucatsti, sacerdotejj takwa altarjjaru naqhantayani, mank'añ ofrendata Tatitutaqui naqhantayasa.

Levítico 3:11 Jak'a apnaqawi uñst'ayäwi

Salmos 22:14

14 (15) Nayasti waranukut umjamätwa, ch'akhanakaxas qhaqhanukutkamakiwa; chuymaxasti lik'ir uñtataw naya manqhan umatati,

Ezequiel 44:7

Jumanakax utaxar yaqha markanakankir jucharar jaqinak irpantasaw nayan utax takisipxtaxa; amuyunakapansa, janchinakapansa jan nayampi arust'äwi chimpuxa apapki uka jaqinakaru; wilañcha luqtat uywanakan lik'inakapa, wilanakap nayaru luqtasaw nayan utax takisipxtaxa, nayampi lurata arust'äwsti axtaskañ luräwinak lurasaw takisipxaraktaxa.

Levítico 21:17

“Aaronarusti akham sarakim: Akat uksarusti, kawkïr wawanakamatix janchipan jan k'umaräpkani ukanakax janipuniw t'ant'a waxt'anak Diosar luqtapkaniti.

Levítico 21:6

jan ukasti, Tatit Diosaparuw katuyasipxañapa, jupan sutip janirakiw ñanqhachapxañapäkiti, jupanakaw taqi nakt'at waxt'anaksa, Tatitun t'ant'apsa luqtapxi; ukhamasti jupanakax Tatitutak yaqhachatapuniw sarnaqapxañapa.

Levítico 21:8

Jupanakarusti yaqhachatpun utjayam, jupanakax Tatitun t'ant'ap luqtirinakäpxiwa. Juma nayraqatansti q'uma jaqinakäpxañapawa; naya Tatitun qullanätax layku, nayarakiw jumanakarux qullana tukuyapxsma.

Levítico 22:25

Ukham usuchjat uywanaksti, yaqha markat jutir jaqinakatxa janipuniw Tatitur luqtañatakix katuqapxätati. Tatitux janiw ukham usuchjat uywanak katuqapkätamti.”

Levítico 3:16

Ukatsti, sacerdotex altarxaruw taqpach nakhantayani mä suma q'apkiri manq'añ waxt'ata. Taqpach lik'inakasti Tatitutakiwa.

Levítico 3:5

Sacerdotenakaw taqi uka lik'inak altarxar nakhantayapxani, kawkhantix altarxan nakhantayatäñatak luqtäwix nakhaski ukxar apxatasa, ukasti Tatitutakix mä suma q'apkir waxt'äniwa.

Malaquías 1:12

Ukampis jumanakax ñanqhachapxistawa. Altaraxax jisk'achañäkaspas ukham amuyapxtaxa, ‘uchatäki uka manq'anakax axtqañawa’ sasaw jisk'achapxaraktaxa.

Malaquías 1:7

Jumanakax altaraxar q'añu t'ant'anak apanipxtaxa, ukampis jiskhisipkakistawa: ‘¿Kun lurasarak jumar ñaqhachapxsmasti?’ sasa. Altaraxax jumanakan ñanqhachañatakïkaspas ukham amuyapxtaxa,

Números 28:2

“Israelitanakar parlam, jupanakar sarakim: wakisit uruyañanakan, jan armt'asis nayar luqtapxitpan, t'ant'ampi, nakt'ayat waxt'anakampi, nayatak suma q'apkir waxt'a luqtanaka.

Números 28:24

Ukham lurapxäta, sapüru, uka paqallqu uruyañ urunakana, Tatitur jach'añchasa nakt'ayat suma q'apkir waxt'a luqta. Ukasti vino waxt'apampiw luqtasini, sapa urun nakt'ayat waxt'a luqtat sipana.

Romanos 8:32

Diosasti pachpa Wawaparuw taqi jiwasanak laykux jiwar katuyi, ukhamasti, ¿kamisarak Wawapamp chika kunsa jan churkistaspasti?

1 Corintios 10:21

Janiw Tatitun qirupat umasax supayanakan qirupat umapkasmati; janirakiw Tatitun manq'äwipan manq'kasax supayanakan manq'äwipan manq'apkasmati.

Apocalipsis 3:20

Uñtam, nayax punkunkasktwa, jawsaskaraktwa; khititix nayan aruxa ist'asin jist'aritanixa, nayax jupan ukaruw mantä, jupampiw manq'asirakï.